പ്രണയത്തിൽ നിന്നും പിന്മാറിയ പകയിൽ മുൻകാമുകനും സുഹൃത്തുക്കളും ചേർന്ന് യുവതിയെ കൂട്ടബലാത്സംഗം ചെയ്തു. മഹാരാഷ്ട്രയിലെ താനെ ജില്ലയിലെ ഭിവണ്ടി നഗരത്തിലാണ് യുവതി കൂട്ടബലാത്സംഗത്തിനിരയായത്. കഴിഞ്ഞ വ്യാഴാഴ്ച്ചയാണ് യുവതിയെ മുൻ കാമുകനും കൂട്ടുകാരും ചേർന്ന് യുവതിയെ ബലാത്സംഗം ചെയ്തത്. യുവതി പരാതി നൽകിയതോടെയാണ് സംഭവം പുറംലോകം അറിഞ്ഞത്.
ഇരുപത്തിരണ്ടുകാരിയായ യുവതിയാണ് പരാതിക്കാരി. ആരോപണവിധേയനായ യുവാവും പരാതിക്കാരിയും വർഷങ്ങളോളം പ്രണയത്തിലായിരുന്നു. അടുത്ത കാലത്താ ഇവർ പിരിഞ്ഞു. പിന്നീട് പെൺകുട്ടി മറ്റൊരാളുമായി ഇഷ്ടത്തിലായി. ഇതിൽ ദേഷ്യംപൂണ്ട യുവാവ് പെൺകുട്ടിയെ ഉപദ്രവിക്കാൻ സുഹൃത്തുക്കളുമായി ചേർന്ന് പദ്ധതി തയ്യാറാക്കുകയായിരുന്നു.
പദ്ധതി പ്രകാരം, ഫെബ്രുവരി 19-ാം തീയതി രാത്രി യുവാവും സുഹൃത്തുക്കളും ചേർന്ന് പെൺകുട്ടിയുടെ സഹോദരനെ ക്രൂരമായ മർദ്ദനത്തിനിരയാക്കി. ശേഷം പെൺകുട്ടിയെ ഫോണിൽ ബന്ധപ്പെട്ട് അവർ പറയുന്നിടത്തേക്ക് വിളിച്ചുവരുത്താൻ ആവശ്യപ്പെട്ടു. താൻ പ്രശ്നത്തിലാണെന്നും രക്ഷിക്കണമെന്നും പറഞ്ഞതോടെ പെൺകുട്ടി സഹോദരൻ പറഞ്ഞ സ്ഥലത്തെത്തിയതായി പി.ടി.ഐ. റിപ്പോർട്ട് ചെയ്യുന്നു.
