കൊച്ചി: കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) അന്തരീക്ഷ ശാസ്ത്ര വിഷയത്തെ ആസ്പദമാക്കി സംഘടിപ്പിച്ച എമിനന്റ് സ്കോളർ ഇൻ റെസിഡൻസ് പ്രോഗ്രാം  ഫിസിക്സ് വകുപ്പ് ഓഡിറ്റോറിയത്തിൽ നടന്നു. ഫിസിക്സ് വകുപ്പ്, അഡ്വാൻസ്ഡ് സെന്റർ ഫോർ ആറ്റ്മോസ്ഫെറിക് റഡാർ റിസർച്ച് (ACARR), ആറ്റ്മോസ്ഫെറിക് സയൻസസ് വകുപ്പ് എന്നിവയുടെ സംയുക്ത ആഭിമുഖ്യത്തിലാണ് പരിപാടി സംഘടിപ്പിച്ചത്.കുസാറ്റ് വൈസ് ചാൻസലർ ഡോ. എം ജുനൈദ് ബുഷിരി പരിപാടി ഉദ്ഘാടനം ചെയ്തു.പ്രമുഖ ശാസ്ത്രജ്ഞനും വിക്രം സാരാഭായ് സ്‌പേസ് സെന്ററിലെ (VSSC–ISRO) സ്പേസ് ഫിസിക്സ് ലബോറട്ടറിയിലെ (SPL) എയറോസോൾ ട്രേസ് ഗാസസ് ആൻഡ് റേഡിയേറ്റീവ് ഫോഴ്സിംഗ് (ATRF) വിഭാഗം മേധാവിയുമായ ഡോ. എസ്. സുരേഷ് ബാബു മുഖ്യാതിഥിയാവുകയും “Aerosols: Tiny Particles, Big Impacts” എന്ന വിഷയത്തിൽ പ്രഭാഷണം നടത്തുകയും ചെയ്തു.അന്തരീക്ഷത്തിലുള്ള ചെറിയ കണങ്ങളായ ഏറോസോളുകൾ ഭൂമിയിലെ കാലാവസ്ഥാ വ്യതിയാനങ്ങളിൽ നിർണായക പങ്ക് വഹിക്കുന്നുവെന്നും, അന്തരീക്ഷ ഗവേഷണത്തിലും ബഹിരാകാശ പ്രയോഗങ്ങളിലും അവയ്ക്ക് പ്രധാന പ്രാധാന്യമുണ്ടെന്നും അദ്ദേഹം വിശദീകരിച്ചു.പരിപാടിക്ക് ശേഷം നടന്ന “Meet the Scholar” സെഷനിൽ ഗവേഷകർക്കും വിദ്യാർത്ഥികൾക്കും ഡോ. സുരേഷ് ബാബുവുമായി ആശയവിനിമയം നടത്താനും ഗവേഷണവും കരിയർ സാധ്യതകളും സംബന്ധിച്ച വിഷയങ്ങൾ പങ്കുവെക്കാനും അവസരം ലഭിച്ചു.
ഫിസിക്സ് വകുപ്പ് മേധാവി ഡോ. ആൾഡ്രിൻ ആന്റണി, മറൈൻ സയൻസസ് സ്കൂൾ ഡയറക്ടർ ഡോ. കെ. സതീസൻ, ആറ്റ്മോസ്ഫെറിക് സയൻസസ് വകുപ്പ് മേധാവിയും ACARR ഡയറക്ടറുമായ ഡോ. അഭിലാഷ് എസ് എന്നിവർ ചടങ്ങിൽ പങ്കെടുത്തു.

Photo Courtesy - Google