ഹൈദരാബാദ്: മൾട്ടി-സെക്ടർ കൺഗ്ലോമറേറ്റായ ഇബിജി ഗ്രൂപ്പ് തങ്ങളുടെ അത്യാധുനിക 'പവർഹൗസ്' കേന്ദ്രം ഹൈദരാബാദിൽ ഉദ്ഘാടനം ചെയ്തു. ഇതോടെ ഹൈദരാബാദിനെ കമ്പനിയുടെ ആഗോള ആസ്ഥാനമായി പ്രഖ്യാപിച്ചു. അടുത്ത രണ്ട് വർഷത്തിനുള്ളിൽ 7 ദശലക്ഷം യുഎസ് ഡോളർ (ഏകദേശം 58.3 കോടി രൂപ) ഈ കേന്ദ്രം സ്ഥാപിക്കുന്നതിനും പ്രവർത്തനങ്ങൾക്കുമായി ഗ്രൂപ്പ് നിക്ഷേപിക്കും. 22,000 ചതുരശ്ര അടി വിസ്തീർണ്ണമുള്ള പവർഹൗസ്, ആശയങ്ങൾ വേഗത്തിൽ വിപണിയിലെത്തിക്കാനുള്ള ആഗോള എക്സിക്യൂഷൻ എഞ്ചിൻ റൂമായി പ്രവർത്തിക്കും.
പവർഹൗസ് വഴി അടുത്ത ഒരു വർഷത്തിനുള്ളിൽ ഹൈദരാബാദിൽ 350 പുതിയ തൊഴിലവസരങ്ങൾ സൃഷ്ടിക്കാനും ആഗോളതലത്തിൽ 3,000 ജീവനക്കാരെ നിയമിക്കാനും കമ്പനി ലക്ഷ്യമിടുന്നു. ഇവി, വെൽനസ്, റിയൽറ്റി, ടെക്നോളജി തുടങ്ങിയ 30-ൽ അധികം ബ്രാൻഡുകളെ ഈ കേന്ദ്രം ഏകോപിപ്പിക്കും. ഡിജിറ്റൽ ലാബുകൾ, വീഡിയോ സ്റ്റുഡിയോകൾ, എ ഐ /ഓട്ടോമേഷൻ ലാബുകൾ എന്നിവ ഉൾപ്പെടുന്ന സംയോജിത 'എക്സിക്യൂഷൻ സ്റ്റുഡിയോസ്' ആണ് ഇതിന്റെ പ്രധാന സവിശേഷത. സുസ്ഥിരമായ വളർച്ചയ്ക്ക് ഊന്നൽ നൽകിക്കൊണ്ടുള്ളതാണ് ഈ കേന്ദ്രം.
ഹൈദരാബാദിലെ മികച്ച ടാലന്റ് പൂളും ടെക്/സ്റ്റാർട്ടപ്പ് ഇക്കോസിസ്റ്റവും കാരണമാണ് നഗരത്തെ ആഗോള ആസ്ഥാനമായി തിരഞ്ഞെടുത്തതെന്ന് ഇബിജി ഗ്രൂപ്പ് ചെയർമാനും സ്ഥാപകനുമായ ഡോ. ഇർഫാൻ ഖാൻ പറഞ്ഞു. ബ്രാൻഡ് വികസനം, ഡിജിറ്റൽ കണ്ടന്റ് നിർമ്മാണം, ഫ്രാഞ്ചൈസി വികസനം എന്നിവയുടെയെല്ലാം കേന്ദ്രമായി പവർഹൗസ് പ്രവർത്തിക്കും.
Photo Courtesy - Google
