09:34pm 23 April 2026
NEWS
കാർബൺ രഹിത ഗ്രാമങ്ങൾ സംഭവ് ഹേ പദ്ധതിയുമായി ഇബിജി ഫൗണ്ടേഷൻ
23/04/2026 07:55 PM IST
മൈക്കിൾ വർഗ്ഗീസ് ചെങ്ങാടക്കരി
ന്യൂഡൽഹി: രാജ്യത്തെ ഗ്രാമങ്ങളെ കാർബൺ രഹിതമാക്കാൻ 'സംഭവ് ഹേ' എന്ന പേരിൽ ഇബിജി ഫൗണ്ടേഷൻ പുതിയ പദ്ധതി പ്രഖ്യാപിച്ചു. ആദ്യഘട്ടത്തിൽ 50 ഗ്രാമങ്ങളിൽ നടപ്പിലാക്കുന്ന പദ്ധതിക്കായി 30 കോടി രൂപയാണ് നീക്കിവെച്ചിരിക്കുന്നത്. തെലങ്കാനയിലെ ചാർല തണ്ടയിലാണ് പദ്ധതിക്ക് തുടക്കമായത്.
അടുത്ത മൂന്ന് വർഷത്തിനുള്ളിൽ ഗ്രാമങ്ങളെ പൂർണ്ണമായും കാർബൺ രഹിതമാക്കുകയാണ് ലക്ഷ്യം. ശാസ്ത്രീയമായ മാലിന്യ സംസ്കരണം, ജലസംരക്ഷണം, വനവൽക്കരണം എന്നിവയിലൂടെ ആദ്യ വർഷം തന്നെ കാർബൺ പുറന്തള്ളൽ 20% വരെ കുറയ്ക്കും. രണ്ടാം വർഷം 150 ഗ്രാമങ്ങളിലേക്കും തുടർന്ന് 750 ഗ്രാമങ്ങളിലേക്കും പദ്ധതി വ്യാപിപ്പിക്കുമെന്ന് ഇബിജി ഗ്രൂപ്പ് ചെയർമാൻ ഡോ. ഇർഫാൻ ഖാൻ അറിയിച്ചു. പരിസ്ഥിതി സൗഹൃദ ഗ്രാമങ്ങളുടെ മാതൃക രാജ്യമെമ്പാടും എത്തിക്കുകയാണ് ഇതിലൂടെ ലക്ഷ്യമിടുന്നത്.
Photo Courtesy - Google
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
NATIONAL
