ദോഹ: മുൻകരുതൽ ജാഗ്രതാ നിർദ്ദേശങ്ങൾ (Precautionary Alerts) ലഭിക്കുമ്പോൾ പാലിക്കേണ്ട സുരക്ഷാ നടപടികളെക്കുറിച്ച് പൊതുജനങ്ങളെയും ജീവനക്കാരെയും ബോധവൽക്കരിക്കാൻ പുതിയ കർമ്മപദ്ധതിയുമായി ആഭ്യന്തര മന്ത്രാലയം. തൊഴിലിടങ്ങളിലും വ്യാപാര കേന്ദ്രങ്ങളിലും പാലിക്കേണ്ട കൃത്യമായ നിർദ്ദേശങ്ങൾ ഉൾക്കൊള്ളുന്ന പോസ്റ്ററുകൾ മന്ത്രാലയത്തിന്റെ പബ്ലിക് റിലേഷൻസ് വിഭാഗം പുറത്തിറക്കി.
അടിയന്തര സാഹചര്യങ്ങളിൽ ജനങ്ങൾക്കിടയിലെ പരിഭ്രാന്തി ഒഴിവാക്കി സുരക്ഷിതത്വം ഉറപ്പാക്കുകയാണ് ഈ നിർദ്ദേശങ്ങളിലൂടെ ലക്ഷ്യമിടുന്നത്.ജീവനക്കാർക്ക് (Workplaces):
ഓഫീസുകളിലും കമ്പനികളിലും ജോലി ചെയ്യുന്നവർക്കായി അറബിക്, ഇംഗ്ലീഷ്, ഉറുദു, ഹിന്ദി, നേപ്പാളി, ബംഗാളി എന്നീ ഭാഷകളിൽ നിർദ്ദേശങ്ങൾ ലഭ്യമാണ്. ജാഗ്രതാ സന്ദേശങ്ങൾ ലഭിച്ചാൽ ജോലി സ്ഥലത്ത് എങ്ങനെ സുരക്ഷിതമായി തുടരണം അല്ലെങ്കിൽ നീങ്ങണം എന്നത് ഇതിൽ വ്യക്തമാക്കുന്നു.ചന്തകളിലും ഷോപ്പിംഗ് മാളുകളിലും എത്തുന്നവർക്ക് അടിയന്തര സാഹചര്യങ്ങളിൽ മാർഗ്ഗനിർദ്ദേശം നൽകാനായി അറബിക്, ഇംഗ്ലീഷ് ഭാഷകളിൽ പ്രത്യേക നിർദ്ദേശങ്ങൾ തയ്യാറാക്കിയിട്ടുണ്ട്. തിരക്കുള്ള സ്ഥലങ്ങളിൽ പരിഭ്രാന്തി പടരാതിരിക്കാൻ സന്ദർശകർ ഈ നിർദ്ദേശങ്ങൾ ശ്രദ്ധിക്കണം.തങ്ങളുടെ കീഴിലുള്ള എല്ലാ ജീവനക്കാരിലേക്കും ഈ വിവരങ്ങൾ എത്തിക്കണമെന്നും സോഷ്യൽ മീഡിയ വഴിയും ഇമെയിൽ വഴിയും ഇവ പരമാവധി പ്രചരിപ്പിക്കണമെന്നും മന്ത്രാലയം സ്ഥാപനങ്ങളോട് ആവശ്യപ്പെട്ടു.
