06:27pm 18 April 2026
NEWS
ഡെലിവറൂ ഖത്തർ വിടുന്നു; പ്രവർത്തനം മാർച്ച് 4-ഓടെ അവസാനിപ്പിക്കും
27/02/2026 12:38 PM IST
nila
ദോഹ:പ്രമുഖ ഫുഡ് ഡെലിവറി പ്ലാറ്റ്ഫോമായ ഡെലിവറൂ (Deliveroo) ഖത്തറിലെ സേവനങ്ങൾ അവസാനിപ്പിക്കുന്നു. ഡെലിവറൂവിന്റെ മാതൃകമ്പനിയായ യു.എസ് ആസ്ഥാനമായുള്ള ഡോർഡാഷ് (DoorDash) ആണ് ഖത്തറിന് പുറമെ സിംഗപ്പൂർ വിപണിയിൽ നിന്നും പിന്മാറുന്നതായി പ്രഖ്യാപിച്ചത്. മാർച്ച് 4 മുതൽ ഖത്തറിൽ സേവനം ലഭ്യമാകില്ല.
ബ്രിട്ടീഷ് കമ്പനിയായ ഡെലിവറൂവിനെ കഴിഞ്ഞ വർഷമാണ് ഡോർഡാഷ് ഏറ്റെടുത്തത്. വിപണി സാഹചര്യങ്ങളെക്കുറിച്ച് നടത്തിയ തന്ത്രപരമായ അവലോകനത്തിന് ശേഷമാണ് ഈ തീരുമാനമെന്ന് കമ്പനി വ്യക്തമാക്കി. ദീർഘകാലാടിസ്ഥാനത്തിൽ കൂടുതൽ വളർച്ചാ സാധ്യതയുള്ള രാജ്യങ്ങളിൽ നിക്ഷേപം കേന്ദ്രീകരിക്കുന്നതിന്റെ ഭാഗമായാണ് ഖത്തർ ഉൾപ്പെടെയുള്ള രണ്ട് ഏഷ്യൻ വിപണികളിൽ നിന്ന് പിന്മാറാൻ കമ്പനി തീരുമാനിച്ചത്.
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
