ന്യൂഡൽഹി: പ്രമുഖ സിമന്റ് ഉൽപ്പാദന കമ്പനിയായ ഡാൽമിയ ഭാരത് ലിമിറ്റഡ് 2026 സാമ്പത്തിക വർഷത്തിൽ 1,157 കോടി രൂപയുടെ അറ്റാദായം കൈവരിച്ചു. മുൻവർഷത്തെ അപേക്ഷിച്ച് ലാഭത്തിൽ 65 ശതമാനത്തിൻ്റെ വൻ വർധനവാണുണ്ടായത്. നാലാം പാദത്തിൽ കമ്പനിയുടെ വരുമാനം 4,245 കോടി രൂപയായും വിൽപന 8.8 ദശലക്ഷം ടണ്ണായും ഉയർന്നു. എക്കാലത്തെയും ഉയർന്ന പാദവാർഷിക ഇബിഐടിഡിഎ ആയ 902 കോടി രൂപയും ഈ കാലയളവിൽ കൈവരിക്കാനായി.
മികച്ച പ്രവർത്തനഫലത്തിൻ്റെ അടിസ്ഥാനത്തിൽ ഓഹരി ഉടമകൾക്ക് 250 ശതമാനം അന്തിമ ലാഭവിഹിതം നൽകാൻ ബോർഡ് ശുപാർശ ചെയ്തു. ഇന്ത്യയുടെ അടിസ്ഥാന സൗകര്യ വികസന മേഖലയിലെ നിക്ഷേപങ്ങൾ കമ്പനിയുടെ വളർച്ച വേഗത്തിലാക്കുമെന്ന് മാനേജിംഗ് ഡയറക്ടർ പുനീത് ഡാൽമിയ പറഞ്ഞു. ഇഡി കണ്ടുകെട്ടിയിരുന്ന ഭൂമി വിട്ടുനൽകാൻ ട്രൈബ്യൂണൽ ഉത്തരവിട്ടതും കമ്പനിക്ക് ആശ്വാസകരമായി. നിലവിൽ 449 മെഗാവാട്ട് പുനരുൽപ്പാദന ഊർജ്ജ ശേഷിയുള്ള കമ്പനി, പരിസ്ഥിതി സൗഹൃദ നടപടികളിലും മുൻപന്തിയിലാണ്.
Photo Courtesy - Google
