കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) സ്റ്റാറ്റിസ്റ്റിക്സ് വകുപ്പ്, ആന്ധ്ര പ്രദേശിലെ വെല്ലൂർ ഇൻസ്റ്റിറ്റ്യൂട്ട് ഓഫ് ടെക്‌നോളജിയിലെ (VIT) സ്കൂൾ ഓഫ് അഡ്വാൻസ്ഡ് സയൻസസിന്റെ ഗണിതശാസ്ത്ര വിഭാഗത്തിൽ സംഘടിപ്പിച്ച ഇന്ത്യൻ സൊസൈറ്റി ഫോർ പ്രൊബബിലിറ്റി ആൻഡ് സ്റ്റാറ്റിസ്റ്റിക്സിന്റെ (ISPS) 45-ാം വാർഷിക കൺവെൻഷനിൽ നിരവധി പുരസ്‌കാരങ്ങളും അംഗീകാരങ്ങളും കരസ്ഥമാക്കി.

കൺവെൻഷനിൽ, സ്റ്റാറ്റിസ്റ്റിക്കൽ ഗവേഷണ രംഗത്തെ ശ്രദ്ധേയമായ സംഭാവനകൾക്കുള്ള അംഗീകാരമായി സീനിയർ പ്രൊഫസർ ഡോ. എസ്. എം. സുനോജിന് 2025-ലെ പ്രൊഫ. കെ. ശ്രീനിവാസ റാവു ISPS ബെസ്റ്റ് റിസർചർ അവാർഡ് സമ്മാനിച്ചു. അവാർഡ് തുക, പ്രശസ്തിപത്രം, ഷാൾ, ഫലകം എന്നിവ അടങ്ങുന്നതാണ് പുരസ്‌കാരം.

അസിസ്റ്റന്റ് പ്രൊഫസർ ഡോ. ഇർഷാദ് എം. ആർ.-ന് ശ്രദ്ധേയമായ ഗവേഷണ നേട്ടങ്ങൾ പരിഗണിച്ച് 2025-ലെ ഡോ. സി. ആർ. റാവു ഗോൾഡ് മെഡൽ (പ്രശസ്തിപത്രത്തോടൊപ്പം) നൽകി ആദരിച്ചു. റിസർച്ച് സ്കോളറായ പവിത്ര ഹരിഹരന്‍ സ്റ്റാറ്റിസ്റ്റിക്സ് രംഗത്തെ പ്രതീക്ഷാജനകമായ സംഭാവനകൾക്കായി 2025-ലെ ISPS യംഗ് സ്റ്റാറ്റിസ്റ്റീഷ്യൻ അവാർഡ് (പ്രൊഫ. ജെ. സേതുരാമൻ ഗോൾഡ് മെഡൽ) നേടി. നാലാം സെമസ്റ്റർ എം.എസ്.സി. സ്റ്റാറ്റിസ്റ്റിക്സിലെ വിദ്യാർത്ഥികളായ ദിയ സോമിച്ചൻ, കെയിൻസ് മാത്യു ബിനോയ്, മെർലിൻ ടി. ബെന്നി എന്നിവർ ISPS എം.എസ്.സി. സ്റ്റുഡന്റ് പ്രോജക്ട് മത്സരത്തിൽ – 2025 ഒന്നാം സ്ഥാനം നേടി. കൂടാതെ, റിസർച്ച് സ്കോളറായ ഡോ. നമിത സുരേഷ് മികച്ച ഡോക്ടറൽ തീസിസിനുള്ള പ്രൊഫ. എ. ആർ. കാമത്ത് അവാർഡ് – 2025 മത്സരത്തിൽ രണ്ടാം സ്ഥാനം നേടി.

Photo Courtesy - Google