04:53am 10 November 2026
NEWS
കുസാറ്റ് ശാസ്ത്രജ്ഞന് ദക്ഷിണ കൊറിയയിൽ നടക്കുന്ന അന്താരാഷ്ട്ര അന്തരീക്ഷ ഗവേഷണ സമ്മേളനത്തിലേക്ക് ക്ഷണം
03/06/2025 05:30 PM IST
മൈക്കിൾ വർഗ്ഗീസ് ചെങ്ങാടക്കരി
കൊച്ചി: കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) അഡ്വാൻസ്ഡ് സെന്റർ ഫോർ അറ്റ്മോസ്ഫെറിക് റഡാർ റിസർച്ച് കേന്ദ്രത്തിലെ (ACARR) ശാസ്ത്രജ്ഞനായ ഡോ. അജിൽ കോട്ടയിലിന് ദക്ഷിണ കൊറിയയിലെ സോളിലെ യോൻസെ സർവകലാശാലയിൽ നടക്കുന്ന സിംപോസിയത്തിൽ പങ്കെടുക്കുന്നതിനായി ക്ഷണം ലഭിച്ചു.
2025 ജൂൺ 9 മുതൽ 13 വരെ നടക്കുന്ന അറ്റ്മോസ്ഫെറിക് പ്രോസസ്സ് ആൻഡ് ദെയർ റോൾ ഇൻ ക്ലൈമറ്റ് (APARC) ഗ്രാവിറ്റി വേവ്സ് ആൻഡ് FISAPS എന്ന പരിപാടിയിലേക്കാണ് അദ്ദേഹം പ്രത്യേക ക്ഷണിതാവായി എത്തുന്നത്.
ലോക കാലാവസ്ഥ ഗവേഷണ പദ്ധതിയിലുള്ള (WCRP) ഒരു മുഖ്യ പദ്ധതിയായ APARC-ന്റെ ഭാഗമായി സംഘടിപ്പിച്ചിരിക്കുന്ന സിംപോസിയമാണ് ഇത്. ഡോ. അജിൽ, കുസാറ്റ് എസ് ടി റഡാറിൽ നിന്നുള്ള ഹൈ ഫ്രീക്വൻസി ഗ്രാവിറ്റി വേവ് മാനത്തിന്റെയും അവയുടെ അളവുകളുടെയും അടിസ്ഥാനത്തിൽ ഒരു പ്രഭാഷണം സിംപോസിയത്തിൽ അവതരിപ്പിക്കും.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Ernakulam
