കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) ഫിസിക്സ് വകുപ്പിലെ ഗവേഷക വിദ്യാർത്ഥിനിയായ റമീജ ടി. അബ്ദുൽ റഷീദ് 38-ാമത് കേരള സയൻസ് കോൺഗ്രസിൽ എഞ്ചിനീയറിങ് ആൻഡ് ടെക്നോളജി വിഭാഗത്തിൽ വിദ്യാർത്ഥി വിഭാഗത്തിലെ മികച്ച പ്രബന്ധത്തിനുള്ള ടി.കെ. ശ്രീകൃഷ്ണൻ എൻഡോവ്‌മെന്റ് അവാർഡ് കരസ്ഥമാക്കി.
സോളാർ മൊഡ്യൂളുകളിൽ പുറത്തുള്ള പ്രവർത്തന സാഹചര്യങ്ങളിൽ ഉണ്ടാകുന്ന താപഭാരം കുറയ്ക്കുന്നതിനായി വികസിപ്പിച്ചെടുത്ത പുതുമയാർന്നതും ചെലവുകുറഞ്ഞതുമായ റേഡിയേറ്റീവ് കൂളിംഗ് പരിഹാരങ്ങളെക്കുറിച്ചുള്ള ഗവേഷണ പ്രവർത്തനത്തിനാണ് അവാർഡ് ലഭിച്ചത്. പാസീവ് രീതിയിലുള്ള ഈ കൂളിംഗ് സാങ്കേതികവിദ്യ സോളാർ പാനലുകളുടെ പ്രവർത്തനക്ഷമതയെയും ദീർഘകാല വിശ്വാസ്യതയേയും പ്രതികൂലമായി ബാധിക്കുന്ന താപനില വർധന നിയന്ത്രിക്കാൻ സഹായകരമാണ്.
കുസാറ്റ് ഫിസിക്സ് വകുപ്പ് മേധാവിയും അസ്സോസിയേറ്റ് പ്രൊഫസറുമായ ഡോ. ആൾഡ്രിൻ ആന്റണിയുടെ മാർഗനിർദേശത്തിലാണ് റമീജ ഇപ്പോൾ ഗവേഷണം നടത്തുന്നത്.
Photo Courtesy - Google
