1.Dr. Pankaj Sagar
2.Dr. Reju V G
കൊച്ചി: കൊച്ചി ശാസ്ത്ര സാങ്കേതിക സർവ്വകലാശാലയിലെ (കുസാറ്റ്) ഇൻസ്ട്രുമെന്റേഷൻ വകുപ്പിന് ഓൾ ഇന്ത്യ കൗൺസിൽ ഫോർ ടെക്നിക്കൽ എജ്യുക്കേഷന്റെ (AICTE) 23.88 ലക്ഷം രൂപയുടെ റിസർച്ച് ഗ്രാന്റ് ലഭിച്ചു. എ.ഐ.സി.ടി.ഇ-യുടെ റിസർച്ച് പ്രൊമോഷൻ സ്കീം (ലാബ് ടു മാർക്കറ്റ്) പ്രകാരമാണ് ഈ ധനസഹായം അനുവദിച്ചിരിക്കുന്നത്.
ബഹിരാകാശ-പ്രതിരോധ മേഖലകളിൽ ഏറെ ഉപയോഗപ്രദമാകുന്ന പ്രൊഡക്റ്റൈസേഷൻ ഓഫ് ആൻ ഇൻഡിജിനസ് എൽ.എൻ.2-ബേസ്ഡ് ക്രയോ-അഡ്സോർപ്ഷൻ വാക്വം പമ്പ് ഫോർ അൾട്രാ-ഹൈ വാക്വം ആപ്ലിക്കേഷൻസ് എന്ന പ്രോജക്റ്റിനാണ് ഈ തുക ലഭിച്ചത്.
ഇൻസ്ട്രുമെന്റേഷൻ വകുപ്പിലെ ഡോ. പങ്കജ് സാഗർ (പ്രിൻസിപ്പൽ ഇൻവെസ്റ്റിഗേറ്റർ), ഡോ. റെജു വി. ജി (കോ-പ്രിൻസിപ്പൽ ഇൻവെസ്റ്റിഗേറ്റർ) എന്നിവരാണ് ഈ പദ്ധതിക്ക് നേതൃത്വം നൽകുന്നത്. ക്രയോജനിക് സെൻസർ സാങ്കേതികവിദ്യയിൽ പേറ്റന്റ് നേടിയിട്ടുള്ള ഡോ. പങ്കജ് സാഗർ നിലവിൽ കേന്ദ്ര ശാസ്ത്ര സാങ്കേതിക വകുപ്പിന്റെ സെർബ്, ആണവോർജ്ജ വകുപ്പിന്റെ ബി.ആർ.എൻ.എസ്, കൂടാതെ കേരള സ്റ്റാർട്ടപ്പ് മിഷൻ, എന്നിവ ധനസഹായം നൽകുന്ന പ്രധാന പ്രോജക്റ്റുകളുടെ പ്രിൻസിപ്പൽ ഇൻവെസ്റ്റിഗേറ്ററാണ്.
Photo Courtesy - Google
