Dr. Priyaja P
കൊച്ചി: കേന്ദ്ര ഭൗമശാസ്ത്ര മന്ത്രാലയത്തിന്റെ ഡീപ് ഓഷ്യൻ മിഷൻ പദ്ധതിയിൽ കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) മറൈൻ ബയോളജി, മൈക്രോബയോളജി ആൻഡ് ബയോകെമിസ്ട്രി വകുപ്പിലെ അസിസ്റ്റന്റ് പ്രൊഫസർ ഡോ. പി. പ്രിയജയ്ക്ക് 39.80 ലക്ഷം രൂപയുടെ ഗവേഷണ ഗ്രാന്റ് ലഭിച്ചു. നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യാനോഗ്രഫിയുമായി (എൻ.ഐ.ഒ.) സഹകരിച്ചാണ് ഗവേഷണ പദ്ധതി നടപ്പാക്കുന്നത്. രണ്ട് വർഷത്തേക്കാണ് പദ്ധതിക്ക് ധനസഹായം അനുവദിച്ചിരിക്കുന്നത്.
ഇന്ത്യൻ തീരപ്രദേശങ്ങളിലെ ജീവിസമൂഹങ്ങളുടെ ജൈവവൈവിധ്യം, അവയുടെ ആവാസവ്യവസ്ഥയുടെ പ്രത്യേകതകൾ, പരിസ്ഥിതിശാസ്ത്രപരമായ ബന്ധങ്ങൾ എന്നിവ വിശദമായി പഠിക്കുകയാണ് പദ്ധതിയുടെ പ്രധാന ലക്ഷ്യം. സമുദ്ര ജൈവസമ്പത്തിന്റെ സംരക്ഷണം, കാലാവസ്ഥാ വ്യതിയാനത്തിന്റെ സ്വാധീനം മനസ്സിലാക്കൽ, സമുദ്രവിഭവങ്ങളുടെ സുസ്ഥിര പരിപാലനം എന്നിവയ്ക്ക് ഈ പഠനം വിലപ്പെട്ട ശാസ്ത്രീയ വിവരങ്ങൾ നൽകുമെന്നാണ് പ്രതീക്ഷ.
Photo Courtesy - Google
