സിപിഎം ജനറൽ സെക്രട്ടറി സ്ഥാനത്തേക്ക് മലയാളി നേതാവ് എത്തുമോ എന്ന ചോദ്യമാണ് രാഷ്ട്രീയ കേന്ദ്രങ്ങളിൽ ഉയരുന്നത്. സിപിഎം പാർട്ടി കോൺഗ്രസിന് കൊടി ഉയരവെ ആരാകും പാർട്ടിയുടെ ജനറൽ സെക്രട്ടറി എന്ന് രാജ്യത്തെ മറ്റു രാഷ്ട്രീയ പാർട്ടികളും ഉറ്റുനോക്കുന്നുണ്ട്. കേരളത്തിൽ നിന്നുള്ള പോളിറ്റ് ബ്യൂറോ മെമ്പർ എംഎ ബേബിയുടെ പേരിനാണ് മുൻതൂക്കമെന്നാണ് റിപ്പോർട്ട്. ഉത്തരേന്ത്യൻ നേതാക്കൾ അശോക് ധാവ്ലേയുടെ പേര് മുന്നോട്ട് വെച്ചെങ്കിലും കേരള ഘടകം പിന്തുണയക്കാൻ തയ്യാറാകാതെ വന്നതോടെയാണ് എം എ ബേബി പാർട്ടിയുടെ ജനറൽ സെക്രട്ടറിയാകാനുള്ള സാധ്യത തെളിയുന്നത്.
കേരളത്തിലെ മുൻ മന്ത്രികൂടിയായ എംഎ ബേബി നിലവിൽ ഡൽഹി കേന്ദ്രീകരിച്ചാണ് പ്രവർത്തിക്കുന്നത്. കേന്ദ്ര കമ്മിറ്റിയിൽ തുടരുന്നവരിൽ മുതിർന്ന അംഗം എന്നതാണ് എം എ ബേബിയുടെ സാധ്യത വർധിപ്പിക്കുന്ന ഘടകം. പ്രായപരിധി കഴിഞ്ഞവരെ ജനറൽ സെക്രട്ടറിയായി പരിഗണിക്കില്ലെന്ന് പാർട്ടി വൃത്തങ്ങൾ വ്യക്തമാക്കുന്നു.
