​തിരുവനന്തപുരം: ​കേരള രാഷ്ട്രീയത്തിൽ ഇപ്പോൾ ആവേശം അലതല്ലുകയാണ്. ബാർ ലൈസൻസും വൈദ്യുതി വാങ്ങൽ കരാറുകളും സർക്കാരിന് ക്ഷീണമുണ്ടാക്കി' എന്ന് കേവലം പത്രങ്ങളിൽ എഴുതിവിട്ടാൽ പോരാ, അത് ശരിക്കും ആസ്വദിക്കണമെങ്കിൽ നമ്മുടെ ഗ്രൂപ്പ് കളി തന്നെ കാണണം.സർക്കാരിന് പണികിട്ടിയതോടെ, "ഒത്തൊരുമ ഉറപ്പിക്കാൻ" വീണ്ടും ഒരു കോൺഗ്രസ് യോഗം വിളിച്ചിരിക്കുകയാണ്. ഇന്ന് രാത്രി 8 മണിക്ക് കെ.പി.സി.സി ഭാരവാഹികളും ഡി.സി.സി പ്രസിഡന്റുമാരും ഓൺലൈനിൽ തടിച്ചുയരുമ്പോൾ, വെർച്വൽ സ്ക്രീനിൽ പോലും പരസ്പരം കണ്ണുരുട്ടലുകൾ ഉണ്ടാകുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.
​ഭരണഘടനാ ദിനമായ നവംബർ 26-ലെ പരിപാടികൾ ചർച്ച ചെയ്യാനാണത്രേ ഈ രാത്രിസഭ. എന്നാൽ യഥാർത്ഥ അജണ്ട അതല്ലെന്ന് നാട്ടിലെ കൊച്ചുകുട്ടികൾക്കുമറിയാം.
​. ക്ലിഫ് ഹൗസ് ചായസൽക്കാരവും മഞ്ഞുരുക്കലും
​മുതിർന്ന നേതാവ് രമേശ് ചെന്നിത്തലയുടെ സാന്നിധ്യത്തിൽ, മുഖ്യമന്ത്രിയും കെ.പി.സി.സി അധ്യക്ഷൻ കൂടിയായ മന്ത്രി സണ്ണിജോസഫും കഴിഞ്ഞ ബുധനാഴ്ച ക്ലിഫ് ഹൗസിൽ നടത്തിയ കൂടിക്കാഴ്ച വെറുമൊരു ചായ കുടി മാത്രമായിരുന്നില്ല. വൈദ്യുതി മേഖലയിലെ മഞ്ഞുരുക്കാനാണ് ചെന്നിത്തല അവിടെ എത്തിയതെങ്കിലും, സ്വന്തം പാർട്ടിക്കാരൻ്റെ നെഞ്ചിലെ ചൂടാണ് മുഖ്യമന്ത്രിക്ക് ആദ്യം കുറയ്ക്കേണ്ടി വന്നത്.
​തത്കാലം സണ്ണിജോസഫ് തന്നെ കെ.പി.സി.സി അധ്യക്ഷനായി തുടരുമെന്നാണ് സൂചന.  ഹൈക്കമാൻഡ് ആലോചിക്കും മുൻപേ, "ഞാനാണ് അടുത്ത ബോസ്" എന്ന് സ്വയം പ്രഖ്യാപിച്ചു നടക്കുന്ന ചില ഉണ്ണികളെ കണ്ട് മുഖ്യമന്ത്രിക്ക് ഇപ്പോൾത്തന്നെ ബി.പി കൂടിയിട്ടുണ്ട്.
​. കസേരക്കളിയിൽ ആരെല്ലാം?
​പാർട്ടിയിലെ കസേര സംവരണത്തിന് വലിയ ഡിമാൻഡാണ്.
​കൊടിക്കുന്നിൽ സുരേഷ്: "ഞാനും യോഗ്യനാണ് ഭായ്!" എന്നാണ് കൊടിക്കുന്നിലിന്റെ പ്രഖ്യാപനം. കേന്ദ്രമന്ത്രിയും എം.പിയുമൊക്കെയായി പരിചയസമ്പന്നനായ തനിക്ക് കെ.പി.സി.സി അധ്യക്ഷനാകാൻ എന്താണ് അയോഗ്യത എന്ന് ചോദിച്ചതിന് പിന്തുണയുമായി മന്ത്രി കെ. മുരളീധരനും രംഗത്തെത്തിയിട്ടുണ്ട്. കൊടിക്കുന്നിലിന് വടികൊടുത്ത് അടിവാങ്ങാൻ മുരളിയേട്ടൻ റെഡി!
​അടൂർ പ്രകാശ്: സർക്കാരിൽ കൂട്ടുത്തരവാദിത്വമില്ലെന്ന് ആഞ്ഞടിച്ച് യു.ഡി.എഫ് കൺവീനർ അടൂർ പ്രകാശ് രംഗത്തു വന്നത് വെറുതേയല്ല. ബോർഡ്, കോർപ്പറേഷൻ വീതംവെപ്പ് ചർച്ച ചെയ്യാൻ ക്ലിഫ് ഹൗസിൽ മുഖ്യമന്ത്രിയും രമേശ് ചെന്നിത്തലയും മുരളീധരനും സണ്ണിജോസഫും ഒക്കെക്കൂട്ടം ചേർന്ന് ചർച്ച നടത്തിയപ്പോൾ, കൺവീനറായ തന്നെ അങ്ങോട്ട് വിളിച്ചില്ല. തഴഞ്ഞതിന്റെ ദേഷ്യമാണ് ആ പ്രസ്താവനയിലൂടെ പുറത്തുവന്നത്.
​എ.പി. അനൽകുമർ: തൽസ്ഥിതി മനസ്സിലാക്കി, "ഹൈക്കമാൻഡ് ഉചിതമായ തീരുമാനം എടുക്കും" എന്ന് പറഞ്ഞ് തടിയൂരിയ മറ്റൊരു 'പ്രതീക്ഷാഭരിതനായ' മന്ത്രി.
​. വൈദ്യുതിയും സമ്മർദ്ദവും
​"വൈദ്യുതി വാങ്ങലിൽ ആരുടെയും സമ്മർദ്ദത്തിന് വഴങ്ങില്ല" എന്ന് മന്ത്രിസഭായോഗത്തിന് ശേഷം മുഖ്യമന്ത്രി വി.ഡി.സതീശൻ കടുത്ത ഭാഷയിൽ പറഞ്ഞത് വെറുതെയല്ല. ഹിമാചലിൽ നിന്ന് വൈദ്യുതി വാങ്ങാനുള്ള കരാറിന് പിന്നിൽ ആരൊക്കെയാണ് കളിപ്പിച്ചത് എന്നറിയാവുന്നതുകൊണ്ട്, സ്വന്തം കൂടാരത്തിലെ ചക്കളത്തിപ്പോരിന് തടയിടാൻ കൂടിയാണ് ആ തുറന്നുപറച്ചിൽ.
​ചുരുക്കത്തിൽ:
ഭരണഘടനാ ദിനം വരുന്നുണ്ടെങ്കിലും, കോൺഗ്രസ് ഭാരവാഹികൾക്ക് ഇപ്പോൾ സ്വന്തം പാർട്ടിയുടെ ഭരണഘടന'യും കസേരകളും സംരക്ഷിക്കാനാണ് നേരം തികയാത്തത്. രാത്രി 8 മണിയുടെ ഓൺലൈൻ യോഗത്തിൽ ആരെല്ലാം ആരെ മ്യൂട്ട് ചെയ്യും എന്നറിയാൻ കാത്തിരിക്കാം.