ആദിത്യൻ മകരം രാശിയിൽ ഉത്രാടം നക്ഷത്രത്തിൽ സഞ്ചരിക്കുന്നതിനിടെയാണ് വാരാദ്യദിനമായ ഞായറാഴ്ച മകരവാവ് (അമാവാസി) സംഭവിക്കുന്നത്. അമാവാസിയോടൊപ്പം മകരരാശിയിൽ രൂപപ്പെടുന്ന ശക്തമായ ഗ്രഹസാന്നിധ്യം ഈ ആഴ്ചയെ ജ്യോതിഷപരമായി വളരെ നിർണായകമാക്കുന്നു.

ജനുവരി 19-ന് തിങ്കളാഴ്ച ശിശിര ഋതുവും മാഘമാസവും ആരംഭിക്കുന്നതോടെ കാലാവസ്ഥയിലും മനോഭാവങ്ങളിലും മാറ്റങ്ങൾ പ്രതീക്ഷിക്കാം. ചൊവ്വ മകരം രാശിയിൽ ഉച്ചസ്ഥനായി ഉത്രാടം നക്ഷത്രത്തിൽ സഞ്ചരിക്കുന്നു. ഇതിനൊപ്പം ബുധനും ശുക്രനും മകരത്തിലുണ്ട്. ചന്ദ്രൻ കൂടി ഈ രാശിയിലെത്തുമ്പോൾ തിങ്കളും ചൊവ്വയും ദിവസങ്ങളിൽ സൂര്യൻ, ചന്ദ്രൻ, ചൊവ്വ, ബുധൻ, ശുക്രൻ എന്നീ പഞ്ചഗ്രഹങ്ങൾ മകരം രാശിയിൽ സംഗമിക്കുന്ന അപൂർവ യോഗമാണ് രൂപപ്പെടുന്നത്.

ശനി മീനം രാശിയിലൂടെയുള്ള സഞ്ചാരം തുടരുകയും ജനുവരി 20-ന് ഉത്രട്ടാതി നക്ഷത്രത്തിൽ പ്രവേശിക്കുകയും ചെയ്യും. വ്യാഴം മിഥുനത്തിൽ വക്രഗതിയിലാണ്. രാഹു കുംഭം രാശിയിൽ ചതയം നക്ഷത്രത്തിലും കേതു ചിങ്ങം രാശിയിൽ പൂരം നക്ഷത്രത്തിലും നിലകൊള്ളുന്നു. ഈ ഗ്രഹനിലകൾ തൊഴിൽ, ധനം, ബന്ധങ്ങൾ, മാനസികാവസ്ഥ എന്നിവയിൽ ശക്തമായ സ്വാധീനം ചെലുത്തും.

അശ്വതി: ചന്ദ്രസഞ്ചാരം അനുകൂല സ്ഥാനങ്ങളിലൂടെയായതിനാൽ ആഴ്ച മൊത്തത്തിൽ ആത്മവിശ്വാസം വർധിക്കും. കർമ്മമേഖലയിൽ ചില തടസ്സങ്ങൾ വന്നുചേരുമെങ്കിലും അവയെ ബുദ്ധിപൂർവ്വം മറികടക്കാൻ കഴിയും. പുതിയ ആശയങ്ങൾ രൂപപ്പെടുകയും അവ പ്രായോഗികമാക്കാനുള്ള ധൈര്യം ലഭിക്കുകയും ചെയ്യും. സഹപ്രവർത്തകരുടെ പിന്തുണ കാര്യങ്ങൾ വേഗത്തിലാക്കും. ധനാഗമത്തിന് പുതിയ വഴികൾ തുറക്കുമെങ്കിലും വെള്ളി, ശനി ദിവസങ്ങളിൽ യാത്രാക്ലേശവും അധിക ചെലവും അനുഭവപ്പെടാൻ സാധ്യതയുണ്ട്.

ഭരണി: ജന്മരാശിയുടെ അധിപനായ ചൊവ്വ ഉച്ചസ്ഥാനത്തിലായതിനാൽ മാനസിക സ്ഥിരതയും പ്രവർത്തനക്ഷമതയും വർധിക്കും. ഏറെ നാളായി ആഗ്രഹിച്ച ചില കാര്യങ്ങൾ സഫലമാകാൻ സാധ്യത. തൊഴിൽ രംഗത്ത് തടസ്സങ്ങൾ അകലുകയും സഹപ്രവർത്തകരുടെ പൂർണ്ണ പിന്തുണ ലഭിക്കുകയും ചെയ്യും. സാമ്പത്തിക കാര്യങ്ങളിൽ സുഖപ്രവാഹം അനുഭവപ്പെടും. ദാമ്പത്യബന്ധം ശക്തമാകും. എന്നാൽ വെള്ളി, ശനി ദിവസങ്ങളിൽ അലച്ചിലും ചെലവും നിയന്ത്രിക്കേണ്ടതുണ്ട്.

കാർത്തിക: തൊഴിൽ രംഗത്ത് വളർച്ചയ്ക്ക് അനുകൂലമായ ആഴ്ചയാണ്. മേലധികാരികളുടെ അംഗീകാരം ലഭിക്കും. സർക്കാർ സംബന്ധമായ അനുമതികൾ ലഭിക്കാൻ സാധ്യത. കൈവായ്പകൾ മടക്കിക്കിട്ടും. കുടുംബകാര്യങ്ങൾക്കായി കൂടുതൽ സമയം ചെലവഴിക്കേണ്ടി വരും. മാതാപിതാക്കളുടെ ആരോഗ്യകാര്യങ്ങളിൽ പ്രത്യേക ശ്രദ്ധ വേണം.

രോഹിണി: ആഴ്ചയുടെ ആദ്യപകുതിയിൽ മാനസിക സമ്മർദ്ദവും പ്രവർത്തന മേഖലയിൽ അപ്രതീക്ഷിത തടസ്സങ്ങളും ഉണ്ടാകാം. ചിലരുടെ കുതന്ത്രങ്ങൾ അലട്ടിയേക്കും. തെറ്റായ തീരുമാനങ്ങൾ ഒഴിവാക്കാൻ സൂക്ഷ്മത ആവശ്യം. ബുധനാഴ്ചയ്ക്ക് ശേഷം കാര്യങ്ങൾ മെച്ചപ്പെടും. ആത്മവിശ്വാസം തിരികെ ലഭിക്കുകയും ദൗത്യങ്ങൾ വിജയകരമായി മുന്നേറുകയും ചെയ്യും. അപ്രതീക്ഷിത ധനലാഭസാധ്യതയുണ്ട്.

മകയിരം: ആഴ്ചയുടെ തുടക്കത്തിൽ ചെറിയ പിരിമുറുക്കങ്ങൾ അനുഭവപ്പെട്ടാലും പിന്നീട് ഗുണകരമായ സാഹചര്യങ്ങൾ രൂപപ്പെടും. സുഹൃത്തുക്കളുടെ പിന്തുണ ലഭിക്കും. സംഘടനകളിൽ പദവികൾ വാഗ്ദാനം ചെയ്യപ്പെടാം. കലാപ്രവർത്തനങ്ങളിൽ നേട്ടം. രോഗികൾക്ക് ആശ്വാസം ലഭിക്കുന്ന കാലമാണ്. എന്നാൽ വാഗ്ദാനങ്ങൾ പാലിക്കുന്നതിൽ ബുദ്ധിമുട്ട് നേരിടാം.

തിരുവാതിര: ഉത്സാഹത്തോടെയും സജീവതയോടെയും പ്രവർത്തിക്കാനാകും. സാമൂഹിക രംഗത്ത് അംഗീകാരം ലഭിക്കും. നീതിപൂർവ്വമായ നിലപാടുകൾ പ്രശംസിക്കപ്പെടും. സാമ്പത്തിക കാര്യങ്ങളിൽ കണക്കു സൂക്ഷിക്കണം. തിങ്കളും ചൊവ്വയും പ്രധാന തീരുമാനങ്ങൾക്ക് അനുകൂലമല്ല. ആരോഗ്യജാഗ്രത അനിവാര്യമാണ്.

പുണർതം: സ്വയം എടുത്ത തീരുമാനങ്ങൾ വിജയകരമായി നടപ്പിലാക്കാൻ കഴിയും. കൂട്ടുബിസിനസ്സിൽ പുരോഗതി. മുടക്കിയ പണം തിരികെ ലഭിക്കാൻ തുടങ്ങും. നയതന്ത്ര സമീപനം വിജയം നൽകും. കുടുംബകാര്യങ്ങൾക്ക് സമയം കുറയാമെങ്കിലും മകന്റെ തൊഴിൽകാര്യത്തിൽ ശുഭസൂചന ലഭിക്കും.

പൂയം: സമ്മിശ്രഫലങ്ങൾ പ്രതീക്ഷിക്കേണ്ട ആഴ്ച. ചില തടസ്സങ്ങൾ ഉണ്ടാകുമെങ്കിലും നിശ്ചയിച്ച കാര്യങ്ങൾ നടപ്പിലാക്കാം. അധികാരികളുമായി തർക്കസാധ്യത. യാത്രകൾ പ്രതീക്ഷിച്ചത്ര ഫലം നൽകില്ല. ചെലവ് നിയന്ത്രിക്കാൻ ബുദ്ധിമുട്ടും. പ്രണയബന്ധങ്ങളിൽ വാക്കുതർക്കങ്ങൾ ഉയരാൻ സാധ്യത.

ആയില്യം: ഗ്രഹസാന്നിധ്യം കാരണം ആശയക്കുഴപ്പം വർധിക്കും. പുതിയ കാര്യങ്ങൾക്കായി അധിക അലച്ചിൽ ഉണ്ടാകും. സർക്കാർ അനുമതിക്കായുള്ള ശ്രമങ്ങൾ തുടരും. ദാമ്പത്യബന്ധത്തിൽ അസന്തോഷം. പുതിയ തലമുറയുമായി അനുരഞ്ജനം ആവശ്യമാണ്. ആഴ്ചമധ്യത്തിൽ ആലസ്യം അനുഭവപ്പെടാം.

മകം: പ്രയത്നങ്ങൾക്ക് യോജിച്ച പ്രതിഫലം ലഭിക്കുന്ന കാലം. സംരംഭകർക്ക് തടസ്സങ്ങൾ മറികടക്കാൻ കഴിയും. ധനകാര്യമായി സ്ഥിരത. ഭാവികാര്യങ്ങളിൽ വ്യക്തമായ തീരുമാനങ്ങളിലെത്തും. ശനിയാഴ്ച കൂടുതൽ ജാഗ്രത ആവശ്യമാണ്.

പൂരം: ആത്മവിശ്വാസം വർധിക്കുന്ന ആഴ്ച. ഔദ്യോഗിക രംഗത്ത് പ്രശംസ ലഭിക്കും. കലാരംഗത്തുള്ളവർക്ക് അവസരങ്ങൾ വർധിക്കും. ജീവകാരുണ്യ പ്രവർത്തനങ്ങൾക്ക് സമയം കണ്ടെത്തും. വാരാന്ത്യത്തിൽ ചെറിയ അസ്വസ്ഥതകൾ ഉണ്ടാകാം.

ഉത്രം: പുതിയ സംരംഭങ്ങൾക്ക് അനുകൂല സമയം. സർക്കാർ നയങ്ങൾ പ്രയോജനപ്പെടുത്താൻ കഴിയും. സർഗാത്മകത അംഗീകരിക്കപ്പെടും. സാമ്പത്തിക ഇടപാടുകളിൽ സൂക്ഷ്മത വേണം. ബിസിനസ് യാത്രകൾ ഗുണകരമാകും.

അത്തം: ചിന്തകളിൽ അസ്ഥിരത അനുഭവപ്പെടാം. ഗൃഹാന്തരീക്ഷം മാറിമറിയും. പഠനത്തിൽ അലസത വരാം. സാമ്പത്തികമായി മോശമല്ലാത്ത കാലം. രോഗികൾക്ക് നേരിയ ആശ്വാസം.

ചിത്തിര: കർമ്മനിഷ്ഠയും ആത്മാർത്ഥതയും അംഗീകരിക്കപ്പെടും. ഔദ്യോഗിക രംഗത്ത് സംതൃപ്തി. വായ്പ തിരിച്ചടവ് മുടങ്ങില്ല. വാരമധ്യത്തിലെ ദിവസങ്ങൾ കൂടുതൽ ഗുണകരം.

ചോതി: മാനസിക സമ്മർദ്ദവും ആത്മവിശ്വാസക്കുറവും അനുഭവപ്പെടാം. ആഢംബര ചെലവുകൾ വർധിക്കും. കലാരംഗത്ത് അവസരങ്ങൾ. സൗഹൃദങ്ങൾ പുഷ്ടിപ്പെടും.

വിശാഖം: ചിന്തകളിൽ അസ്ഥിരത. ഔദ്യോഗിക രംഗത്ത് മിശ്രഫലങ്ങൾ. കുടുംബച്ചെലവുകൾ വർധിക്കും. നിക്ഷേപങ്ങളിൽ ജാഗ്രത അനിവാര്യമാണ്.

അനിഴം: സഹകരണ സഹായങ്ങൾ ലഭിക്കും. രാഷ്ട്രീയ–സാമൂഹിക രംഗത്ത് മുന്നേറ്റം. വിദ്യാർത്ഥികൾക്ക് ഉണർവ്. കഴിവുകൾക്ക് അംഗീകാരം.

തൃക്കേട്ട: ആഗ്രഹങ്ങൾ സഫലമാകും. തൊഴിൽ, ബിസിനസ് മേഖലയിൽ പുരോഗതി. ഭൂമിയിടപാടുകളിൽ ലാഭം. ആത്മീയ താൽപര്യം വർധിക്കും.

മൂലം: അധികാരമുള്ള സ്ഥാനങ്ങളിൽ മുന്നേറ്റം. പുതിയ പഠനങ്ങൾ ആരംഭിക്കും. വ്യവഹാരങ്ങൾ നീളാം. ബന്ധുക്കളുടെ ചടങ്ങുകളിൽ പങ്കാളിയാകും.

പൂരാടം: ജീവിതത്തിൽ ഗുണകരമായ മാറ്റങ്ങൾ ആരംഭിക്കും. വരുമാനം വർധിക്കും. ജോലി തേടുന്നവർക്ക് അവസരങ്ങൾ തെളിയും.

ഉത്രാടം: വൈകാരിക അസ്ഥിരത. സാമ്പത്തിക ഇടപാടുകളിൽ കണക്കു സൂക്ഷിക്കണം. വാരമധ്യം മെച്ചം കാണിക്കും.

തിരുവോണം: സമ്മർദ്ദങ്ങൾ അനുഭവപ്പെടുമെങ്കിലും ചെറിയ നേട്ടങ്ങൾ കൈവരും. സാഹസകർമ്മങ്ങൾ ഒഴിവാക്കണം. ആത്മീയതയിൽ ആശ്വാസം.

അവിട്ടം: തീരുമാനങ്ങൾ വൈകാം. കുടുംബജീവിതത്തിൽ മാറ്റങ്ങൾ. ഏജൻസി പ്രവർത്തനങ്ങളിൽ ലാഭസാധ്യത.

ചതയം: മനസ്സമാധാനം കുറയുന്ന കാലം. ബിസിനസിൽ വളർച്ച മന്ദഗതിയിൽ. ചെലവ് വർധിക്കും. ലഘുലാഭത്തിൽ തൃപ്തിപ്പെടണം.

പൂരൂരുട്ടാതി: ജോലിയിടങ്ങളിൽ സമ്മർദ്ദം. സാമ്പത്തിക ഇടപാടുകളിൽ ജാഗ്രത. ആരോഗ്യശ്രദ്ധ ആവശ്യമാണ്.

ഉത്രട്ടാതി: ശനി ജന്മനക്ഷത്രത്തിലേക്ക് കടക്കുന്നതിനാൽ അലസതയുണ്ടാകുമെങ്കിലും സാമ്പത്തികമായി മെച്ചം. പ്രണയബന്ധങ്ങളിൽ തടസ്സങ്ങൾ നീങ്ങും.

രേവതി: ജന്മശനി കാലം ഗുണകരമായി മാറുന്ന ഘട്ടം. കർമ്മമേഖലയിൽ നേട്ടങ്ങൾ. കുടുംബജീവിതത്തിൽ സമാധാനം. ഭാവിയെക്കുറിച്ച് ശുഭപ്രതീക്ഷ.