മേടം: ചൊവ്വാഴ്ച വൈകുന്നേരം 7 മണിവരെ മേടം രാശിക്കാർക്ക് അനുകൂലമായ സാഹചര്യങ്ങൾ നിലനിൽക്കും. മുടങ്ങിക്കിടന്ന കാര്യങ്ങൾ പൂർത്തിയാക്കാനും പുതിയ പദ്ധതികളുമായി മുന്നോട്ടുപോകാനും അവസരമുണ്ടാകും. പരീക്ഷകളിൽ വിജയം, യാത്രകളിൽ നേട്ടം, ആരോഗ്യപരമായ പുരോഗതി എന്നിവ പ്രതീക്ഷിക്കാം. ലഭിക്കാനുള്ള പണം തിരികെ കിട്ടാനും ആഗ്രഹിച്ച കാര്യങ്ങൾ സാധിക്കാനും സാധ്യതയുണ്ട്. കുടുംബപരവും സാമൂഹികവുമായ കൂടിച്ചേരലുകൾ സന്തോഷം പകരും.

ചൊവ്വാഴ്ച വൈകുന്നേരം 7 മണിക്ക് ശേഷം കാര്യങ്ങളിൽ കൂടുതൽ ശ്രദ്ധ ആവശ്യമാണ്. നഷ്ടം, തടസ്സം, അപകടഭീതി, ശാരീരിക പരിക്കുകൾ, ശത്രുശല്യം എന്നിവയ്ക്ക് സാധ്യതയുണ്ട്. വെള്ളിയാഴ്ച പുലർച്ചെ 6 മണിക്ക് ശേഷം ഫലങ്ങൾ സമ്മിശ്രമായിരിക്കും. പ്രവർത്തനങ്ങളിൽ മന്ദതയും ഉദരസംബന്ധമായ അസ്വസ്ഥതകളും അനുഭവപ്പെടാം. ചില കാര്യങ്ങൾ ഭാഗികമായി വിജയിക്കുമെങ്കിലും അടുപ്പമുള്ളവരുമായുള്ള ബന്ധങ്ങളിൽ അകൽച്ചയുണ്ടാകാം.

ഇടവം: ഞായറാഴ്ച രാവിലെ 10 മണിവരെ കാര്യങ്ങൾ പ്രതീക്ഷിച്ച രീതിയിൽ മുന്നോട്ടുപോകണമെന്നില്ല. ആരോഗ്യപരമായ അസ്വസ്ഥതകൾ, യാത്രാതടസ്സങ്ങൾ, മനഃപ്രയാസം എന്നിവയ്ക്ക് സാധ്യതയുണ്ട്. എന്നാൽ അതിനുശേഷം അനുകൂലമായ മാറ്റങ്ങൾ പ്രതീക്ഷിക്കാം. സുഹൃത്തുക്കളെ കാണാനും സന്തോഷകരമായ കൂടിച്ചേരലുകളിൽ പങ്കെടുക്കാനും സമ്മാനങ്ങൾ ലഭിക്കാനും ഇടയുണ്ട്.

സാമ്പത്തികമായി ആശ്വാസം ലഭിക്കുന്ന സാഹചര്യങ്ങൾ ഉണ്ടായേക്കാം. കിട്ടാനുള്ള പണം തിരികെ ലഭിക്കാനും വായ്പയ്ക്കുള്ള ശ്രമങ്ങൾ വിജയിക്കാനും സാധ്യതയുണ്ട്. ഉല്ലാസയാത്രകൾക്കും ആഗ്രഹസാഫല്യത്തിനും അനുകൂല സമയമാണ്. വെള്ളിയാഴ്ച പുലർച്ചെ 6 മണിക്ക് ശേഷം കാര്യപരാജയം, അപകടഭീതി, പരീക്ഷകളിൽ തിരിച്ചടി, അഭിമാനക്ഷതം എന്നിവയ്ക്ക് സാധ്യതയുണ്ട്. യാത്രകളിലും പ്രത്യേകിച്ച് ഇരുചക്രവാഹനം ഉപയോഗിക്കുമ്പോഴും ജാഗ്രത പാലിക്കുക.

മിഥുനം: ചൊവ്വാഴ്ച വൈകുന്നേരം 7 മണിവരെ മിഥുനം രാശിക്കാർക്ക് കാര്യങ്ങളിൽ തടസ്സങ്ങൾ നേരിടാൻ സാധ്യതയുണ്ട്. ഉദരവൈഷമ്യം, യാത്രാപ്രശ്നങ്ങൾ, മാനസിക അസ്വസ്ഥതകൾ എന്നിവ ശ്രദ്ധിക്കണം. ചില സാഹചര്യങ്ങളിൽ അവഗണിക്കപ്പെടുന്നതായോ വേണ്ടപ്പെട്ടവർ അകലുന്നതായോ തോന്നാം.

എന്നാൽ ചൊവ്വാഴ്ച വൈകുന്നേരം 7 മണിക്ക് ശേഷം അനുകൂലമായ സമയം ആരംഭിക്കും. പഠനരംഗത്ത് വിജയവും അംഗീകാരവും ലഭിക്കാം. പുതിയ കോഴ്സുകളിലേക്കുള്ള പ്രവേശനശ്രമങ്ങൾ ഫലം കാണാനും യാത്രകൾ വിജയകരമാകാനും സാധ്യതയുണ്ട്. മുടങ്ങിക്കിടന്ന കാര്യങ്ങൾ പൂർത്തിയാക്കാനും പുതിയ അവസരങ്ങൾ പ്രയോജനപ്പെടുത്താനും കഴിയും.

കർക്കടകം: ഞായറാഴ്ച രാവിലെ 10 മണിവരെ കർക്കടകം രാശിക്കാർക്ക് നേട്ടങ്ങൾ പ്രതീക്ഷിക്കാം. സ്ഥാനലാഭം, അംഗീകാരം, ആത്മവിശ്വാസം, പരീക്ഷാവിജയം എന്നിവയ്ക്ക് സാധ്യതയുണ്ട്. പുതിയ സൗഹൃദങ്ങൾ രൂപപ്പെടുകയും പ്രധാനപ്പെട്ട കൂടിക്കാഴ്ചകൾ വിജയകരമാകുകയും ചെയ്യാം.

ഞായറാഴ്ച രാവിലെ 10 മണിക്ക് ശേഷം സാഹചര്യങ്ങൾ മാറാം. കാര്യതടസ്സം, യാത്രാപ്രശ്നങ്ങൾ, ശരീരസുഖക്കുറവ്, മനഃപ്രയാസം എന്നിവയ്ക്ക് സാധ്യതയുണ്ട്. എന്നാൽ വെള്ളിയാഴ്ച പുലർച്ചെ 6 മണിക്ക് ശേഷം വീണ്ടും അനുകൂല ഫലങ്ങൾ ലഭിച്ചേക്കാം. മത്സരങ്ങളിൽ വിജയിക്കാനും ചർച്ചകളിലൂടെ നേട്ടമുണ്ടാക്കാനും സുഹൃത്തുക്കളുമായും ബന്ധുക്കളുമായും സന്തോഷം പങ്കിടാനും അവസരമുണ്ടാകും.

ചിങ്ങം: ഞായറാഴ്ച രാവിലെ 10 മണിവരെ ചിങ്ങം രാശിക്കാർ ചില കാര്യങ്ങളിൽ തിരിച്ചടികൾ നേരിട്ടേക്കാം. കലഹം, ഇച്ഛാഭംഗം, അഭിമാനക്ഷതം, ശത്രുശല്യം എന്നിവയ്ക്ക് സാധ്യതയുള്ളതിനാൽ വാക്കുകളിലും പ്രവൃത്തികളിലും നിയന്ത്രണം പാലിക്കുക.

രാവിലെ 10 മണിക്ക് ശേഷം അനുകൂലമായ സാഹചര്യങ്ങൾ രൂപപ്പെടും. സ്ഥാനലാഭം, ആരോഗ്യപരമായ നേട്ടങ്ങൾ, വരുമാനവർധന, പുതിയ അവസരങ്ങൾ എന്നിവ പ്രതീക്ഷിക്കാം. ബിസിനസ് രംഗത്ത് ആത്മവിശ്വാസത്തോടെ മുന്നോട്ടുപോകാൻ കഴിയും. എന്നാൽ ചൊവ്വാഴ്ച രാത്രി 7 മണിക്ക് ശേഷം വീണ്ടും തടസ്സങ്ങൾ ഉണ്ടായേക്കാം. യാത്രകൾ, സാമ്പത്തിക ഇടപാടുകൾ, ആരോഗ്യകാര്യങ്ങൾ എന്നിവയിൽ ശ്രദ്ധ പുലർത്തുക.

കന്നി: ഞായറാഴ്ച രാവിലെ 10 മണിവരെ കന്നി രാശിക്കാർക്ക് അനുകൂല ഫലങ്ങൾ ലഭിക്കാം. പരീക്ഷാവിജയം, ആരോഗ്യപുരോഗതി, പുതിയ പഠനാവസരങ്ങൾ എന്നിവയ്ക്ക് സാധ്യതയുണ്ട്. പുതിയ ആളുകളുമായി പരിചയപ്പെടാനും ഭാവിയിലേക്കുള്ള അവസരങ്ങൾ കണ്ടെത്താനും കഴിയും.

എന്നാൽ രാവിലെ 10 മണിക്ക് ശേഷം സാമ്പത്തിക നഷ്ടം, കാര്യപരാജയം, കലഹം, മനഃപ്രയാസം എന്നിവയ്ക്ക് സാധ്യതയുണ്ട്. ചൊവ്വാഴ്ച രാത്രി 7 മണിക്ക് ശേഷം സ്ഥിതിഗതികൾ മെച്ചപ്പെടാം. അംഗീകാരം, സ്ഥാനലാഭം, കാര്യവിജയം എന്നിവ പ്രതീക്ഷിക്കാം. വെള്ളിയാഴ്ച പുലർച്ചെ 6 മണിക്ക് ശേഷം പ്രവർത്തനങ്ങളിൽ മന്ദതയും ശരീരസുഖക്കുറവും അനുഭവപ്പെടാൻ സാധ്യതയുണ്ട്.

തുലാം: ഞായറാഴ്ച രാവിലെ 10 മണിവരെ തുലാം രാശിക്കാർക്ക് ചെലവുകളും യാത്രാതടസ്സങ്ങളും വർധിച്ചേക്കാം. ബിസിനസിൽ പ്രതീക്ഷിച്ച ലാഭം ലഭിക്കാതെ വരാനും പ്രവർത്തനങ്ങളിൽ മന്ദത അനുഭവപ്പെടാനും സാധ്യതയുണ്ട്.

രാവിലെ 10 മണിക്ക് ശേഷം അനുകൂലമായ മാറ്റങ്ങൾ പ്രതീക്ഷിക്കാം. കാര്യവിജയം, അംഗീകാരം, സമ്മാനലാഭം, സൽക്കാരങ്ങളിൽ പങ്കെടുക്കാനുള്ള അവസരം എന്നിവ ലഭിച്ചേക്കാം. യാത്രകൾ വിജയകരമാകാനും ആഗ്രഹിച്ച വസ്തുക്കൾ സ്വന്തമാക്കാനും സാധ്യതയുണ്ട്. ചൊവ്വാഴ്ച രാത്രി 7 മണിക്ക് ശേഷം കലഹവും മനഃപ്രയാസവും ഉണ്ടാകാതിരിക്കാൻ ശ്രദ്ധിക്കുക. വെള്ളിയാഴ്ച പുലർച്ചെ 6 മണിക്ക് ശേഷം കാര്യങ്ങൾ വീണ്ടും അനുകൂലമാകും. തടസ്സങ്ങൾ മാറാനും അംഗീകാരവും സ്ഥാനലാഭവും ലഭിക്കാനും സാധ്യതയുണ്ട്.

വൃശ്ചികം: ഞായറാഴ്ച രാവിലെ 10 മണിവരെ വൃശ്ചികം രാശിക്കാർക്ക് വിജയസാധ്യത കൂടുതലാണ്. പരീക്ഷകൾ, പ്രധാനപ്പെട്ട കൂടിക്കാഴ്ചകൾ, പുതിയ കോഴ്സുകളിലേക്കുള്ള പ്രവേശനശ്രമങ്ങൾ എന്നിവയിൽ അനുകൂല ഫലങ്ങൾ പ്രതീക്ഷിക്കാം. കുടുംബാംഗങ്ങളുമായും സുഹൃത്തുക്കളുമായും സന്തോഷം പങ്കിടാനും അവസരമുണ്ടാകും.

രാവിലെ 10 മണിക്ക് ശേഷം ധനനഷ്ടം, അനാവശ്യ ചെലവ്, യാത്രാതടസ്സം, ഉദരവൈഷമ്യം എന്നിവയ്ക്ക് സാധ്യതയുണ്ട്. ചൊവ്വാഴ്ച രാത്രി 7 മണിക്ക് ശേഷം കാര്യവിജയവും ആരോഗ്യപരമായ നേട്ടങ്ങളും പ്രതീക്ഷിക്കാം. മുതിർന്നവരിൽ നിന്നും അധ്യാപകരിൽ നിന്നും പിന്തുണ ലഭിക്കാനും അധികാരികളിൽനിന്ന് അനുകൂല തീരുമാനങ്ങൾ ഉണ്ടാകാനും സാധ്യതയുണ്ട്. വെള്ളിയാഴ്ച പുലർച്ചെ 6 മണിക്ക് ശേഷം കലഹം, ഇച്ഛാഭംഗം, ബന്ധങ്ങളിൽ അകൽച്ച എന്നിവയ്ക്ക് സാധ്യതയുള്ളതിനാൽ ശ്രദ്ധിക്കുക.

ധനു: ചൊവ്വാഴ്ച രാത്രി 7 മണിവരെ ധനു രാശിക്കാർക്ക് നേട്ടങ്ങൾ കൈവരിക്കാൻ അനുകൂല സമയമാണ്. ജോലിയിൽ സ്ഥാനക്കയറ്റം, അനുകൂല സ്ഥലംമാറ്റം, മത്സരവിജയം, പരീക്ഷാവിജയം എന്നിവയ്ക്ക് സാധ്യതയുണ്ട്. തൊഴിലന്വേഷണങ്ങളിൽ പുരോഗതിയുണ്ടാകാനും പ്രധാനപ്പെട്ട കൂടിക്കാഴ്ചകൾ വിജയകരമാകാനും ഇടയുണ്ട്. സമ്മാനങ്ങൾ ലഭിക്കാനും ഉല്ലാസയാത്രകൾ നടത്താനും അവസരമുണ്ടാകും.

ചൊവ്വാഴ്ച രാത്രി 7 മണിക്ക് ശേഷം കാര്യതടസ്സങ്ങളും ചെലവുകളും വർധിക്കാം. ഉദരവൈഷമ്യവും മനഃപ്രയാസവും ശ്രദ്ധിക്കണം. വെള്ളിയാഴ്ച പുലർച്ചെ 6 മണിക്ക് ശേഷം വീണ്ടും അനുകൂല സാഹചര്യങ്ങൾ രൂപപ്പെടും. യാത്രാവിജയം, ആരോഗ്യപരമായ നേട്ടങ്ങൾ, കാര്യസാഫല്യം എന്നിവയ്ക്കൊപ്പം തടസ്സങ്ങൾ മാറാനും സാധ്യതയുണ്ട്.

മകരം: ഞായറാഴ്ച രാവിലെ 10 മണിവരെ കാര്യങ്ങളിൽ തടസ്സങ്ങൾ അനുഭവപ്പെടാം. ശരീരസുഖക്കുറവ്, ഉദരവൈഷമ്യം, യാത്രാതടസ്സം, മാനസിക വിഷമം എന്നിവയ്ക്ക് സാധ്യതയുണ്ട്.

രാവിലെ 10 മണിക്ക് ശേഷം അനുകൂലമായ സാഹചര്യം രൂപപ്പെടും. മത്സരവിജയം, കാര്യവിജയം, സമ്മാനലാഭം, അനുകൂല സ്ഥലംമാറ്റം എന്നിവ പ്രതീക്ഷിക്കാം. തൊഴിൽ തേടുന്നവർക്ക് അനുകൂലമായ അവസരങ്ങൾ ലഭിക്കാനും ഉല്ലാസയാത്രകൾ നടത്താനും സാധ്യതയുണ്ട്. വെള്ളിയാഴ്ച പുലർച്ചെ 6 മണിക്ക് ശേഷം കാര്യങ്ങൾ വീണ്ടും മന്ദഗതിയിലാകാം. യാത്രകളിലും ആരോഗ്യകാര്യങ്ങളിലും പ്രതീക്ഷകൾ നിറവേറാത്ത സാഹചര്യങ്ങളിലും ശ്രദ്ധ ആവശ്യമാണ്.

കുംഭം: ഞായറാഴ്ച രാവിലെ 10 മണിവരെ കുംഭം രാശിക്കാർ ജാഗ്രത പാലിക്കേണ്ട സമയമാണ്. കാര്യതടസ്സം, അപകടഭീതി, പരീക്ഷകളിൽ തിരിച്ചടി, ഉദരവൈഷമ്യം, മനഃപ്രയാസം എന്നിവയ്ക്ക് സാധ്യതയുണ്ട്. പുതിയ കോഴ്സുകളിലേക്കുള്ള പ്രവേശനശ്രമങ്ങളിൽ തടസ്സങ്ങൾ നേരിടാം. യാത്രകളിൽ പ്രത്യേകിച്ച് ഇരുചക്രവാഹനം ഉപയോഗിക്കുമ്പോൾ ശ്രദ്ധിക്കുക.

രാവിലെ 10 മണിക്ക് ശേഷം ഫലങ്ങൾ സമ്മിശ്രമായിരിക്കും. ചില കാര്യങ്ങൾ ഭാഗികമായി വിജയിക്കാമെങ്കിലും സാമ്പത്തിക തടസ്സങ്ങളും പ്രവർത്തനമാന്ദ്യവും അനുഭവപ്പെടാം. ചൊവ്വാഴ്ച രാത്രി 7 മണിക്ക് ശേഷം അനുകൂല സാഹചര്യം രൂപപ്പെടും. അംഗീകാരം, കാര്യവിജയം, ആഗ്രഹസാഫല്യം എന്നിവ പ്രതീക്ഷിക്കാം. യാത്രകൾ വിജയകരമാകാനും തടസ്സങ്ങൾ നീങ്ങാനും സാധ്യതയുണ്ട്.

മീനം: ഞായറാഴ്ച രാവിലെ 10 മണിവരെ മീനം രാശിക്കാർക്ക് അനുകൂല ഫലങ്ങൾ ലഭിക്കാം. പരീക്ഷാവിജയം, കാര്യസാഫല്യം, സുഹൃദ്സമാഗമം എന്നിവയ്ക്ക് സാധ്യതയുണ്ട്. പഠനവുമായി ബന്ധപ്പെട്ട പുതിയ അവസരങ്ങളും പ്രധാനപ്പെട്ട കൂടിക്കാഴ്ചകളിൽ വിജയവും പ്രതീക്ഷിക്കാം.

എന്നാൽ രാവിലെ 10 മണിക്ക് ശേഷം കാര്യങ്ങളിൽ തിരിച്ചടികൾ നേരിട്ടേക്കാം. അപകടഭീതി, സാമ്പത്തിക നഷ്ടം, ശാരീരിക പരിക്കുകൾ, ഇച്ഛാഭംഗം എന്നിവയ്ക്ക് സാധ്യതയുള്ളതിനാൽ ജാഗ്രത പാലിക്കുക. ചൊവ്വാഴ്ച രാത്രി 7 മണിക്ക് ശേഷം ചില കാര്യങ്ങളിൽ ഭാഗികമായ വിജയം ലഭിച്ചേക്കാം. എന്നാൽ യാത്രാതടസ്സവും ഉദരവൈഷമ്യവും മനഃപ്രയാസവും അനുഭവപ്പെടാം. വെള്ളിയാഴ്ച പുലർച്ചെ 6 മണിക്ക് ശേഷം അനുകൂല മാറ്റങ്ങൾ പ്രതീക്ഷിക്കാം. തൊഴിൽനേട്ടം, ധനലാഭം, മത്സരവിജയം, കാർഷികവിജയം, യാത്രാവിജയം എന്നിവയ്ക്കൊപ്പം ആത്മവിശ്വാസവും വർധിക്കാം.