ജനുവരി 11 ഞായർ മുതൽ ജനുവരി 17 ശനിയാഴ്ച്ച വരെയുള്ള സമ്പൂർണ വാരഫലം. 27 നക്ഷത്രജാതരുടെയും ഈ ആഴ്ച്ച എങ്ങനെയെന്നറിയാം.

ആഴ്ചയിലെ പൊതു ഗ്രഹസ്ഥിതി ഇങ്ങനെ: 

ആദിത്യൻ ജനുവരി 14 ബുധനാഴ്ച ഉച്ചയ്ക്ക് 3.08ന് ധനുരാശിയിൽ നിന്ന് മകരത്തിലേക്ക് പ്രവേശിക്കുന്നു. ഇതോടെയാണ് ഉത്തരായനകാലം ആരംഭിക്കുന്നത്. സൂര്യന്റെ ഈ മാറ്റം ഭരണകാര്യങ്ങൾ, കർമ്മരംഗം, അധികാരബന്ധങ്ങൾ എന്നിവയിൽ പുതിയ ഊർജം സൃഷ്ടിക്കും.
11ന് ഉത്രാടം ഞാറ്റുവേലയും 18ന് മകരവാവും വരുന്നു. ചന്ദ്രൻ ചിത്തിര മുതൽ പൂരാടം വരെ സഞ്ചരിക്കുന്നതിനാൽ മാനസികാവസ്ഥകളിൽ മാറ്റങ്ങൾ അനുഭവപ്പെടും.

ചൊവ്വ ജനുവരി 15ന് ഉച്ചസ്ഥിതിയിലാകുന്നു. മൗഢ്യം തുടരുന്നതിനാൽ ശക്തിയും ക്ഷമയും ഒരുമിച്ച് പരീക്ഷിക്കപ്പെടും. ശുക്രൻ 12ന് മകരത്തിൽ പ്രവേശിക്കുന്നത് സാമ്പത്തിക–ബന്ധകാര്യങ്ങളിൽ യാഥാർത്ഥ്യബോധം വർധിപ്പിക്കും. ബുധൻ 17 വരെ ധനുവിലായതിനാൽ ആശയവിനിമയത്തിൽ അൽപ്പം അശ്രദ്ധ ഉണ്ടാകാം.

ശനി മീനത്തിലും വ്യാഴം മിഥുനത്തിൽ വക്രഗതിയിലും തുടരുന്നത് ദീർഘകാല പദ്ധതികൾ പുനഃപരിശോധിക്കേണ്ട അവസ്ഥ സൃഷ്ടിക്കും. രാഹു–കേതു നിലപാടുകളിൽ മാറ്റമില്ല.

നക്ഷത്രഫലങ്ങൾ 

അശ്വതി: സ്വന്തം കഴിവുകൾ പരമാവധി ഉപയോഗിക്കാനാവുന്ന വാരമാണ്. ജോലി മേഖലയിൽ ആത്മവിശ്വാസം വർധിക്കും. ആലോചിച്ചെടുത്ത തീരുമാനങ്ങൾ പ്രായോഗികമാക്കാൻ കഴിയും. കുടുംബത്തിൽ സന്തോഷകരമായ നിമിഷങ്ങൾ ഉണ്ടാകും. മുതിർന്നവരുടെ ആരോഗ്യകാര്യങ്ങളിൽ ശ്രദ്ധ വേണം. ഗതാഗതനിയമങ്ങൾ കൃത്യമായി പാലിക്കുക.

ഭരണി: പ്രവൃത്തികളിൽ സംതൃപ്തി കുറയാം. ശുക്രന്റെ മൗഢ്യം മൂലം ഭോഗസുഖങ്ങളിൽ അപൂർണ്ണത തോന്നും. നിലവിലെ ജോലി മാറ്റങ്ങൾ ഒഴിവാക്കുന്നതാണ് ഉചിതം. സാമ്പത്തികമായി കരുതൽ വേണം. ദേഹാസ്വാസ്ഥ്യങ്ങൾ അലട്ടാം.

കാർത്തിക: നീതിപൂർവ്വമായ സമീപനം വിജയം നൽകും. നിയമപരമായ വിഷയങ്ങളിൽ അനുകൂലത പ്രതീക്ഷിക്കാം. കുടുംബചുമതലകൾ സന്തോഷത്തോടെ ഏറ്റെടുക്കും. മംഗളകർമ്മങ്ങളിൽ പങ്കാളിയാകും. ചെലവുകൾ നിയന്ത്രിക്കാൻ പ്രയാസമുണ്ടാകും.

രോഹിണി: മനസ്സിന് ആനന്ദം പകരുന്ന അനുഭവങ്ങൾ ഉണ്ടാകും. തൊഴിൽസ്ഥലത്തിലെ സമ്മർദ്ദങ്ങൾ കുറയും. പൊതുയോഗങ്ങളിൽ വാക്കുകൾക്ക് അംഗീകാരം ലഭിക്കും. ബിസിനസ് വികസനത്തിന് നല്ല സമയം. സാമ്പത്തിക സ്ഥിരത ഉറപ്പുവരും.

മകയിരം: ജോലിഭാരം വർധിക്കുമെങ്കിലും നേട്ടം ലഭിക്കും. ചൊവ്വയുടെ ഉച്ചസ്ഥിതിയുടെ ഫലം ആഴ്ചമധ്യം മുതൽ പ്രകടമാകും. സംഘടനകളിൽ സ്ഥാനക്കയറ്റം ലഭിക്കാം. ആരോഗ്യപരമായ പുരോഗതി കാണാം.

തിരുവാതിര: മിശ്രഫലങ്ങളാണ്. വാക്കുകളിൽ സൂക്ഷ്മത അനിവാര്യം. മറ്റുള്ളവരെ ആശ്രയിച്ച് പ്രവർത്തിക്കുന്നത് ചിലപ്പോൾ ദോഷം ചെയ്യും. ജീവകാരുണ്യ പ്രവർത്തനങ്ങളിൽ താൽപര്യം വർധിക്കും. ആഴ്ച അവസാനത്തോടെ പരിശ്രമഫലം ലഭിക്കും.

പുണർതം: ആത്മവിശ്വാസം താൽക്കാലികമായി കുറയാം. എന്നാൽ നീതിബോധം കൈവിടാതെ പ്രവർത്തിച്ചാൽ വിജയം ഉറപ്പാണ്. കുടുംബബന്ധങ്ങൾ ശക്തമാക്കാൻ ശ്രമം നടക്കും. ഭാവിയാത്രകൾ ആസൂത്രണം ചെയ്യും.

പൂയം: തീരുമാനങ്ങളിൽ ആശയക്കുഴപ്പം ഉണ്ടാകും. സാമ്പത്തിക ബാധ്യതകൾ സമ്മർദ്ദം സൃഷ്ടിക്കും. വിദ്യാർത്ഥികൾ ശ്രദ്ധ കേന്ദ്രീകരിക്കണം. കുടുംബത്തിൽ അനുരഞ്ജനത്തിലൂടെ സമാധാനം നിലനിർത്താം.

ആയില്യം: പരിസ്ഥിതികളോട് പൊരുത്തപ്പെട്ട് മുന്നേറും. നേതൃസ്ഥാനങ്ങളിൽ തുടരാൻ കഴിയും. പുതിയ ബിസിനസ് ശാഖ തുടങ്ങുന്നതിൽ തർക്കങ്ങൾ ഉണ്ടാകാം. സാഹിത്യ–കലാ രംഗത്ത് അംഗീകാരം ലഭിക്കും.

മകം: പ്രധാന തീരുമാനങ്ങൾ വൈകിപ്പിക്കേണ്ടി വരാം. സാമൂഹിക നിലപാടുകളിൽ മിതത്വം പാലിക്കണം. പ്രൊഫഷണലുകൾക്ക് മത്സരം നേരിടേണ്ടിവരും. സഹോദര സഹായം ലഭിക്കും.

പൂരം: ഭാഗിക അനുകൂലത. കൂട്ടുകെട്ടുകളിൽ കരുതൽ അനിവാര്യം. ബന്ധുക്കളുടെ വാഗ്ദാനങ്ങൾ പൂർണ്ണമായി നടപ്പാകണമെന്നില്ല. ദാമ്പത്യജീവിതം സുഖകരമായിരിക്കും.

ഉത്രം: ആശയവിനിമയത്തിലെ പിഴവുകൾ പ്രശ്നങ്ങൾ സൃഷ്ടിക്കാം. നിക്ഷേപങ്ങളിൽ കരുതൽ വേണം. ആരോഗ്യനില മെച്ചപ്പെടും. ലഘുതീർത്ഥാടനം മനസ്സിന് ആശ്വാസം നൽകും.

അത്തം: മാനസികവും ശാരീരികവുമായ അസ്വസ്ഥതകൾക്ക് സാധ്യത. സഹോദരങ്ങളുടെ പിന്തുണ ആശ്വാസം നൽകും. കലാരംഗത്ത് തിളങ്ങാൻ കഴിയും. ഹ്രസ്വയാത്രകൾ വേണ്ടിവരും.

ചിത്തിര: തടസ്സങ്ങൾ നീങ്ങി പ്രവർത്തനരംഗത്ത് ഉന്മേഷം ഉണ്ടാകും. ഭൂമി–വ്യാപാര കാര്യങ്ങളിൽ തീരുമാനമെടുക്കും. മത്സരങ്ങളിൽ മുന്നേറ്റം പ്രതീക്ഷിക്കാം. സാമ്പത്തിക ഞെരുക്കം കുറയും.

ചോതി: ശ്രമത്തിനനുസരിച്ച് ഫലം ലഭിക്കണമെന്നില്ല. മേലധികാരികളോട് തർക്കം ഒഴിവാക്കുക. പൊതുപ്രവർത്തനങ്ങളിൽ അംഗീകാരം ലഭിക്കും. ആരോഗ്യപരമായ ജാഗ്രത വേണം.

വിശാഖം: ദൂരയാത്രകൾക്കും നാട്ടിലേക്കുള്ള സന്ദർശനത്തിനും അവസരം. ധനകാര്യത്തിൽ സൂക്ഷ്മത വേണം. പ്രണയബന്ധങ്ങളിൽ പ്രതീക്ഷകൾ ഉയരും.

അനിഴം: സാങ്കേതിക അറിവ് പ്രയോജനപ്പെടും. ജോലിക്കാരുമായി അഭിപ്രായവ്യത്യാസം ഉണ്ടാകാം. വാഹന അറ്റകുറ്റപ്പണികൾ പൂർത്തിയാകും.

തൃക്കേട്ട: പുതുമയുള്ള ആശയങ്ങൾ വിജയത്തിലേക്ക് നയിക്കും. ഗവേഷണ രംഗത്ത് നേട്ടം. ആത്മവിശ്വാസം പുനഃസ്ഥാപിക്കും.

മൂലം: കാര്യസാധ്യം എളുപ്പമാകും. സാമ്പത്തിക നേട്ടങ്ങൾ. പുതിയ കൂട്ടുകെട്ടുകളിൽ ജാഗ്രത. ചില ദിവസങ്ങളിൽ ചെലവ് വർധിക്കും.

പൂരാടം: സാമ്പത്തിക സമ്മർദ്ദം കുറയും. അകന്നുപോയ ബന്ധങ്ങൾ പുനഃസ്ഥാപിക്കും. കുടുംബാന്തരീക്ഷം മെച്ചപ്പെടും.

ഉത്രാടം: മന്ദഗതിയിലായിരുന്ന സംരംഭങ്ങൾ പുനരാരംഭിക്കും. വായ്പ പരിഗണനയിൽ വരും. ഭൂമിസംബന്ധമായ കാര്യങ്ങൾ നീളാം.

തിരുവോണം: പ്രവർത്തന തടസ്സങ്ങൾ മാറും. കലാ–രാഷ്ട്രീയ രംഗത്ത് അംഗീകാരം. ദാമ്പത്യജീവിതം സുഖകരം.

അവിട്ടം: വാരം മൊത്തത്തിൽ അനുകൂലം. സാമൂഹ്യസേവനത്തിൽ സജീവമാകും. ചില ദിവസങ്ങളിൽ ആരോഗ്യ–മാനസിക ജാഗ്രത ആവശ്യമാണ്.

ചതയം: തീരുമാനങ്ങൾ വിജയകരമാകും. പ്രമോഷൻ സാധ്യത. പ്രണയജീവിതം ഉത്സാഹകരം.

പൂരൂരുട്ടാതി: അധികാരസ്ഥാനം ഉറപ്പിക്കും. സാമ്പത്തിക പുരോഗതി. ആഢംബര ചെലവ് നിയന്ത്രിക്കുക.

ഉത്രട്ടാതി: സർക്കാർനേട്ടങ്ങൾ. ദാമ്പത്യസമാധാനം. തിങ്കൾ–ചൊവ്വ പുതിയ തുടക്കങ്ങൾ ഒഴിവാക്കുക.

രേവതി: മുൻപ് തടസ്സപ്പെട്ട കാര്യങ്ങൾ വിജയിക്കും. വരുമാന മാർഗങ്ങൾ വർധിക്കും. യാത്രകളിൽ ജാഗ്രത ആവശ്യമാണ്.