അശ്വതി: വീടുമായി ബന്ധപ്പെട്ട നിർമാണപ്രവർത്തനങ്ങൾ പൂർത്തിയാക്കാൻ സാധിക്കും. കുടുംബജീവിതത്തിൽ സന്തോഷവും സമാധാനവും വർധിക്കും. അനാവശ്യ വിവാദങ്ങളിൽ അകപ്പെടാതിരിക്കാൻ ശ്രദ്ധിക്കണം. പൊതുരംഗത്ത് പ്രവർത്തിക്കുന്നവർക്ക് നേട്ടമുണ്ടാകും. വാഹനം വാങ്ങാനുള്ള ആലോചനകൾക്ക് തീരുമാനമാകാനും സാധ്യത.
ഭരണി: കാലാവസ്ഥാ വ്യതിയാനത്തെ തുടർന്നുള്ള അസ്വസ്ഥതകൾ കരുതിയിരിക്കണം. ദീർഘയാത്രകൾ പരമാവധി ഒഴിവാക്കുന്നത് നല്ലതാണ്. പണമിടപാടുകളിൽ ജാഗ്രത വേണം. പഴയ നിക്ഷേപങ്ങളിൽനിന്ന് നേട്ടം ലഭിക്കാം. എന്നാൽ കരുതിവച്ച പണം മറ്റ് ആവശ്യങ്ങൾക്കായി ചെലവാകാൻ സാധ്യതയുണ്ട്. മാനസിക സമ്മർദവും വർധിച്ചേക്കാം.
കാർത്തിക: ഔദ്യോഗിക രംഗത്ത് നേട്ടങ്ങൾ പ്രതീക്ഷിക്കാം. സഹോദരങ്ങൾക്ക് ചില ബുദ്ധിമുട്ടുകൾ ഉണ്ടാകാം. ഉത്തരവാദിത്തങ്ങൾ വർധിക്കും. പണമിടപാടുകളിൽ നഷ്ടസാധ്യതയുള്ളതിനാൽ ശ്രദ്ധ വേണം. ബന്ധുക്കളിൽനിന്ന് താൽക്കാലികമായി അകന്നു കഴിയേണ്ട സാഹചര്യമുണ്ടാകാം.
രോഹിണി: വിദേശത്തുനിന്ന് നാട്ടിലേക്ക് മടങ്ങിവരാനുള്ള അവസരം ലഭിക്കും. ചെറിയ ആരോഗ്യപ്രശ്നങ്ങൾ ഉണ്ടാകാൻ സാധ്യതയുണ്ട്. ബിസിനസ് രംഗത്ത് മികച്ച നേട്ടവും സാമ്പത്തിക ലാഭവും പ്രതീക്ഷിക്കാം. കുടുംബാന്തരീക്ഷത്തിൽ സമാധാനം നിലനിൽക്കും. കലാരംഗത്തുള്ളവർക്കും നേട്ടങ്ങളുണ്ടാകും.
മകയിരം: ചില പ്രശ്നങ്ങൾ പരിഹരിക്കാൻ സുഹൃത്തുക്കളുടെ സഹായം തേടേണ്ടിവരും. പൊതുപരിപാടികളിൽ പങ്കെടുക്കാനുള്ള അവസരമുണ്ടാകും. അടുപ്പമുള്ളവരിൽനിന്ന് എതിർപ്പ് നേരിടാം. വ്യാപാര-ബിസിനസ് മേഖലയിൽ പ്രവർത്തിക്കുന്നവർ സാമ്പത്തിക ബുദ്ധിമുട്ടുകൾ നേരിടാൻ സാധ്യത.
തിരുവാതിര: ദീർഘദൂര യാത്രകൾ ആവശ്യമായി വരും. വിജയം പ്രതീക്ഷിച്ചിരുന്ന ചില പദ്ധതികൾക്ക് തിരിച്ചടി നേരിടാം. ഇഷ്ടജനങ്ങൾക്ക് ജോലി മാറ്റമോ വിദേശവാസമോ ഉണ്ടാകാം. പുണ്യസ്ഥല സന്ദർശനത്തിന് അവസരം ലഭിക്കും.
പുണർതം: ആരോഗ്യപ്രശ്നങ്ങളിൽനിന്ന് ആശ്വാസം ലഭിക്കും. ജീവിതപങ്കാളിയുടെ ഉറച്ച പിന്തുണ ലഭിക്കും. പ്രണയബന്ധങ്ങളിൽ ചില തടസ്സങ്ങൾ ഉണ്ടായേക്കാം. കോപം നിയന്ത്രിക്കണം. അമിത ആത്മവിശ്വാസം തിരിച്ചടിയാകാതിരിക്കാൻ ശ്രദ്ധിക്കുക. ബാങ്ക് വായ്പ ലഭിക്കാനുള്ള സാധ്യതയുണ്ട്.
പൂയം: കലാരംഗത്ത് പ്രവർത്തിക്കുന്നവർക്ക് അംഗീകാരം ലഭിക്കും. ബന്ധുക്കളിൽനിന്നുള്ള പിന്തുണ വർധിക്കും. പൊതുപ്രവർത്തകർക്ക് ജനപിന്തുണ കൂടും. ഇരുചക്രവാഹനം വാങ്ങാൻ സാധ്യത. നിയമപരമായ കാര്യങ്ങളിൽ വിജയം പ്രതീക്ഷിക്കാം. സ്വജനങ്ങൾക്ക് ഉയർന്ന സ്ഥാനലബ്ധിയുണ്ടാകാം.
ആയില്യം: സഹോദരങ്ങൾക്കായി പണം ചെലവഴിക്കേണ്ടിവരും. നിയമപരമായ കാര്യങ്ങളിൽ അനുകൂല ഫലം ലഭിക്കും. മേലുദ്യോഗസ്ഥരിൽനിന്ന് അനുകൂല തീരുമാനമുണ്ടാകും. ഇരുചക്രവാഹനം ഉപയോഗിക്കുന്നവർ കൂടുതൽ ശ്രദ്ധിക്കണം. ചെറിയ പരിക്കുകൾക്കും വാഹന അറ്റകുറ്റപ്പണികൾക്കും സാധ്യത.
മകം: സഹപ്രവർത്തകരുമായുള്ള പഴയ തർക്കങ്ങൾ അവസാനിക്കും. പ്രതിസന്ധികളെ മറികടക്കാൻ സാധിക്കും. എന്നാൽ പെരുമാറ്റത്തിൽ ജാഗ്രത വേണം; മറ്റുള്ളവരുടെ എതിർപ്പ് ക്ഷണിച്ചുവരുത്താതിരിക്കുക. ഇഷ്ടഭക്ഷണം കഴിക്കാനുള്ള അവസരവും ലഭിക്കും.
പൂരം: കാര്യങ്ങളിൽ തടസ്സങ്ങളും ആരോഗ്യപ്രശ്നങ്ങളും നേരിടാം. വിദേശയാത്രാ ശ്രമങ്ങളിൽ വിഘ്നമുണ്ടാകാം. തൊഴിൽരംഗത്തും ചില ബുദ്ധിമുട്ടുകൾ ഉണ്ടാകും. പ്രതീക്ഷിച്ച നേട്ടങ്ങൾക്കായി കുറച്ചുകൂടി കാത്തിരിക്കേണ്ടിവരും. അപ്രതീക്ഷിത സാമ്പത്തിക നഷ്ടത്തിനും സാധ്യത.
ഉത്രം: വാഹനം, ഭൂമി തുടങ്ങിയവ വാങ്ങാനുള്ള തീരുമാനങ്ങൾ നീട്ടിവയ്ക്കുന്നതാണ് ഉചിതം. ലഹരിവസ്തുക്കളോടുള്ള താൽപര്യം വർധിക്കാതിരിക്കാൻ ശ്രദ്ധിക്കണം. വിലപ്പെട്ട രേഖകൾ നഷ്ടപ്പെടാൻ സാധ്യതയുള്ളതിനാൽ സൂക്ഷിക്കണം. ദീർഘയാത്രകൾ ഒഴിവാക്കുക. ബന്ധുക്കളുടെ സഹായം തേടിയാൽ പ്രതീക്ഷിച്ച ഫലം ലഭിക്കണമെന്നില്ല.
അത്തം: പ്രവർത്തനമേഖലയിൽ അപ്രതീക്ഷിത നഷ്ടമുണ്ടാകാം. ബന്ധുക്കളുടെ സഹായം ലഭിക്കും. എന്നാൽ അനുകൂലമായി മുന്നേറിയിരുന്ന ചില കാര്യങ്ങൾക്ക് തടസ്സം നേരിടാം. സർക്കാർ ജീവനക്കാർക്ക് അർഹമായ ആനുകൂല്യങ്ങൾ ലഭിക്കും. വിവാഹാലോചനകളിൽ തീരുമാനമുണ്ടാകാൻ സാധ്യത.
ചിത്തിര: മത്സരപ്പരീക്ഷകളിലും അഭിമുഖങ്ങളിലും മികച്ച വിജയം നേടാം. തൊഴിൽരംഗത്ത് നേട്ടമുണ്ടാകും. പ്രണയബന്ധങ്ങൾക്ക് മുതിർന്നവരുടെ അംഗീകാരം ലഭിക്കും. സന്താനങ്ങളുമായി ബന്ധപ്പെട്ട് സന്തോഷകരമായ അനുഭവങ്ങൾ ഉണ്ടാകും. സുഹൃത്തുക്കളുടെ സഹായവും ലഭിക്കും.
ചോതി: നഷ്ടപ്പെട്ടെന്ന് കരുതിയിരുന്ന വസ്തുക്കൾ തിരികെ ലഭിക്കാൻ സാധ്യത. താമസസ്ഥലത്ത് മാറ്റമുണ്ടാകാം. ഉദ്യോഗസ്ഥർക്ക് അനുകൂല സ്ഥലംമാറ്റമോ ഇഷ്ടപ്പെട്ട സ്ഥലത്ത് നിയമനമോ ലഭിക്കും. ചെലവേറിയ കാര്യങ്ങളിൽ പണം മുടക്കേണ്ടിവരും. പൊതുപ്രവർത്തകർക്ക് ജനപിന്തുണ വർധിക്കും.
വിശാഖം: ആരോഗ്യനില മെച്ചപ്പെടും. വാഹനത്തിനായി പണം ചെലവഴിക്കേണ്ടിവരും. യാത്രാക്ലേശം വർധിക്കാം. സ്ത്രീകളുമായുള്ള ഇടപെടലുകളിൽ കൂടുതൽ ശ്രദ്ധ വേണം. വിദേശയാത്രയ്ക്കുള്ള ശ്രമങ്ങൾ വിജയിക്കും. ഇൻഷുറൻസ്, ചിട്ടി തുടങ്ങിയവയിൽനിന്ന് സാമ്പത്തിക നേട്ടത്തിനും സാധ്യത.
അനിഴം: മത്സരപ്പരീക്ഷകളിലും അഭിമുഖങ്ങളിലും മികച്ച പ്രകടനം കാഴ്ചവയ്ക്കും. തൊഴിൽലാഭത്തിന് സാധ്യതയുണ്ട്. സൗന്ദര്യവർധക വസ്തുക്കൾക്കായി പണം ചെലവഴിക്കും. മനസിൽ അസ്വസ്ഥതയും ചഞ്ചലതയും അനുഭവപ്പെടാം. രാഷ്ട്രീയരംഗത്തുള്ളവർക്ക് എതിർപ്പുകൾ നേരിടേണ്ടിവരും. യാത്രാക്ലേശവും ഉണ്ടാകാം.
തൃക്കേട്ട: ഏറെക്കാലമായി മനസ്സിനെ അലട്ടിയിരുന്ന പ്രശ്നങ്ങളിൽനിന്ന് മോചനം ലഭിക്കും. കുടുംബത്തോടൊപ്പം യാത്ര ചെയ്യാനുള്ള അവസരമുണ്ടാകും. വിവാഹം ആലോചിക്കുന്നവർക്ക് അനുയോജ്യമായ ബന്ധങ്ങൾ ലഭിക്കും. സ്വന്തം ബിസിനസ് നടത്തുന്നവർക്ക് മികച്ച ലാഭം നേടാനാകും.
മൂലം: ദാമ്പത്യജീവിതത്തിൽ ചെറിയ അഭിപ്രായവ്യത്യാസങ്ങൾ ഉണ്ടാകാം. ബന്ധുക്കൾ മുഖേന കാര്യസാധ്യം കൈവരും. മറ്റുള്ളവരുമായി തർക്കങ്ങളിൽ ഏർപ്പെടാതിരിക്കുക. താൽപര്യമില്ലാത്ത കാര്യങ്ങളിൽ ഇടപെടേണ്ട സാഹചര്യമുണ്ടാകും. പണമിടപാടുകളിൽ വഞ്ചിക്കപ്പെടാതിരിക്കാൻ പ്രത്യേകം ശ്രദ്ധിക്കണം.
പൂരാടം: തടസ്സങ്ങൾ മാറി അനുകൂല ഫലങ്ങൾ ലഭിക്കുന്ന കാലമാണ്. സാമ്പത്തിക നേട്ടമുണ്ടാകും. ഭക്ഷണസുഖവും വർധിക്കും. കടബാധ്യതകൾ കുറയ്ക്കാൻ സാധിക്കും. അന്യരുടെ സഹായം ലഭിച്ചേക്കാം. എന്നാൽ പരിചയമില്ലാത്തവരിൽനിന്നുള്ള സഹായങ്ങൾ സ്വീകരിക്കുമ്പോൾ ജാഗ്രത വേണം. യാത്രകൾ കൂടുതലായി വേണ്ടിവരും.
ഉത്രാടം: വിവാഹം ആലോചിക്കുന്നവർക്ക് മനസ്സിനിണങ്ങിയ പങ്കാളിയെ ലഭിക്കാൻ സാധ്യത. മറ്റുള്ളവരുടെ ഇടപെടൽ കുടുംബത്തിൽ ചെറിയ പ്രശ്നങ്ങൾക്ക് കാരണമാകാം. സന്താനങ്ങൾക്ക് പുരോഗതിയുണ്ടാകും. നേത്രസംബന്ധമായ അസ്വസ്ഥതകൾ ശ്രദ്ധിക്കണം. ബിസിനസിൽ ചെറിയ തിരിച്ചടികൾ നേരിടാം.
തിരുവോണം: ജോലി തേടുന്നവർക്ക് അനുകൂല വാർത്തകൾ ലഭിക്കും. മറ്റുള്ളവരുടെ സഹായത്തോടെ ചില കാര്യങ്ങൾ വേഗത്തിൽ പൂർത്തിയാക്കാം. വിവാഹാലോചനകൾ തീരുമാനത്തിലെത്തും. കടങ്ങൾ വീട്ടാനും പണയത്തിലിരിക്കുന്ന വസ്തുക്കൾ തിരിച്ചെടുക്കാനും സാധിക്കും. മാനസികമായി ആശ്വാസം ലഭിക്കും.
അവിട്ടം: കുടുംബത്തിലെ മുതിർന്ന അംഗത്തിന് ആരോഗ്യപ്രശ്നങ്ങൾ ഉണ്ടാകാം. അപ്രതീക്ഷിത ചെലവുകൾ വർധിക്കും. ധനകാര്യ സ്ഥാപനങ്ങളിൽനിന്ന് വായ്പ എടുക്കേണ്ട സാഹചര്യമുണ്ടാകാം. യാത്രയ്ക്കിടെ പണം നഷ്ടപ്പെടാതിരിക്കാൻ ശ്രദ്ധിക്കുക. തൊഴിൽപരമായ കാര്യങ്ങളിലും പ്രതീക്ഷിച്ച നേട്ടം ലഭിക്കണമെന്നില്ല.
ചതയം: ജീവിതപങ്കാളിക്ക് ഉയർച്ചയും നേട്ടവും ഉണ്ടാകും. മാതാവിനോ തത്തുല്യ സ്ഥാനത്തുള്ളവർക്കോ ഉണ്ടായിരുന്ന ആരോഗ്യപ്രശ്നങ്ങളിൽ ആശ്വാസമുണ്ടാകും. രോഗദുരിതങ്ങളിൽനിന്ന് മോചനം ലഭിക്കും. യാത്രകൾ നേട്ടങ്ങൾക്ക് വഴിയൊരുക്കും. ബന്ധുക്കൾ മുഖേനയും ഗുണഫലങ്ങൾ ലഭിക്കാം.
പൂരുരുട്ടാതി: യാത്രകൾ കൂടുതലായി വേണ്ടിവരും. രോഗബാധിതർക്ക് ആശ്വാസം ലഭിക്കും. മനസ്സിലെ ആഗ്രഹങ്ങൾ സഫലമാകാൻ സാധ്യത. വരുമാനം വർധിപ്പിക്കാനുള്ള പുതിയ വഴികൾ തുറക്കും. പഴയ നിക്ഷേപങ്ങളിൽനിന്ന് ലാഭം പ്രതീക്ഷിക്കാം.
ഉത്തൃട്ടാതി: മാനസിക നിരാശ മാറി ആത്മവിശ്വാസം വീണ്ടെടുക്കും. സാമ്പത്തിക ബുദ്ധിമുട്ടുകൾ കുറയും. സ്വകാര്യ സ്ഥാപനങ്ങളിൽ ജോലി ലഭിക്കാനുള്ള സാധ്യതയുണ്ട്. വിവാഹാലോചനകൾക്ക് തീരുമാനമാകും. സമ്മാനങ്ങൾ ലഭിക്കാനും ചികിത്സയിലുള്ളവർക്ക് ആശ്വാസം ലഭിക്കാനും സാധ്യത.
രേവതി: സ്വന്തം വീടുവിട്ട് മാറിനിൽക്കേണ്ട സാഹചര്യമുണ്ടാകാം. ഏറ്റെടുത്ത ജോലികൾ വിജയിപ്പിക്കാൻ കഠിനാധ്വാനം ആവശ്യമായി വരും. ഏറെക്കാലമായി മനസ്സിൽ സൂക്ഷിച്ചിരുന്ന ചില ആഗ്രഹങ്ങൾ സഫലമാകും. പണമിടപാടുകളിൽ കൃത്യത പാലിക്കണം. മേലുദ്യോഗസ്ഥരുടെ പ്രീതി നേടാനും സാധിക്കും.
