കൊച്ചി: കൊച്ചിൻ ഷിപ്യാർഡിൻ്റെയും റൈസ് അപ്പ് ഫോറം എന്ന യുവജന സംഘടനയും കേരളത്തിലെ കടൽതീരങ്ങൾ നവീകരിക്കുന്നതിന്റെയും സംരക്ഷിക്കുന്നതിൻ്റെയും ഭാഗമായി "എൻ്റെ കടൽ" പദ്ധതിയുടെ ഉദ് ഘാടനം സെപ്റ്റംബര്‍ 28ന് മാലിപ്പുറം ചാപ്പ ബീച്ചിൽ നടന്നു. റൈസ് അപ്പ് ഫോറം ബോർഡ്‌ അംഗം ശില്പ ശശി അധ്യക്ഷത വഹിച്ച ചടങ്ങിൽ കൊച്ചിൻ ഷിപ്യാർഡിൻ്റെ സി എസ് ആർ ഹെഡ് ശ്രീ. സമ്പത്ത് കുമാർ പദ്ധതി ഔദ്യോഗികമായി ഉദ്ഘാടനം ചെയ്യുകയും കൂടാതെ എൻ്റെ കടൽ ഫലകം അനാച്ഛാദനവും നിർവഹിച്ചു.
ലോക നാവിക ദിനത്തില്‍ സ്വച്ഛത ഹി സേവ ക്യാമ്പയിനിൻ്റെ ഭാഗമായി ബീച്ച് ശുചീകരണം പ്രവർത്തനവും എൻ്റെ കടൽ ഫോട്ടോ ഫ്രം റിബൺ കട്ട് ചെയ്ത് കൊച്ചിൻ ഷിപ്യാർഡിൻ്റെ ഡെപ്യൂട്ടി ജനറൽ മാനേജർ ശ്രീ. സുബ്രമണ്യൻ കെ. കെ ഉദ്ഘാടനം ചെയ്തു.
ഈ യജ്ഞത്തില്‍ കൊച്ചിന്‍ പോര്‍ട്ട് അതോറിറ്റി,ആലുവ ഗവ: എച്ച് എസ് എസിലെ വിദ്യാര്‍ത്ഥികള്‍, എസ്എന്‍എംഐഎംടി എന്‍ജി. കോളേജിലെ എന്‍എസ്എസ് വിഭാഗം, ഐഐവി യുപി സ്‌കൂള്‍ വിദ്യാര്‍ത്ഥികള്‍, മാലിയന്‍കര നഴ്‌സിങ് കോളേജ് വിദ്യാര്‍ത്ഥികള്‍, ആര്‍എല്‍വി കോളേജ് വിദ്യാര്‍ത്ഥികള്‍, ഇളംകുന്നപ്പുഴ പഞ്ചായത്തിലെ ഹരിതകര്‍മസേന എന്നിവരടങ്ങിയ 300ലധികം ആളുകള്‍ പങ്കാളികളായി.
Photo Courtesy - Google
