ദോഹ: ഖത്തറിലെ കടൽത്തീരങ്ങളും ദ്വീപുകളും ശുചീകരിക്കുന്നതിനായി മുൻസിപ്പാലിറ്റി മന്ത്രാലയത്തിന് കീഴിലുള്ള ജനറൽ ക്ലീൻലിനസ് ഡിപ്പാർട്ട്മെന്റിന്റെ നേതൃത്വത്തിൽ
സെപ്റ്റംബർ 13 മുതൽ 26 വരെ വിപുലമായ ശുചീകരണ യജ്ഞം സംഘടിപ്പിക്കുന്നു.
രാജ്യത്തെ വിവിധ തീരദേശ മേഖലകളിൽ നടക്കുന്ന ശുചീകരണ പ്രവർത്തനങ്ങളിൽ പങ്കാളികളാകാൻ പൊതുജനങ്ങളെയും മന്ത്രാലയം ക്ഷണിച്ചു.
ഖത്തർ വിഷൻ 2030, സുസ്ഥിര വികസന ലക്ഷ്യങ്ങൾ എന്നിവ മുൻനിർത്തി പരിസ്ഥിതി സംരക്ഷണത്തിൽ പൊതുജന പങ്കാളിത്തവും ഉത്തരവാദിത്തവും ഉറപ്പുവരുത്തുന്നതിനായാണ് മന്ത്രാലയം ഈ പദ്ധതി ആവിഷ്കരിച്ചിരിക്കുന്നത്.സെപ്റ്റംബർ 13ന് രാവിലെ സക്രീതിലും (Zekreet) വൈകുന്നേരം സിമൈസ്മ ഫാമിലി ബീച്ചിലും (Simaisma Family Beach) ശുചീകരണ പ്രവർത്തനങ്ങൾ നടക്കും.പൊതുജനങ്ങൾക്ക് സൗകര്യപ്രദമായി പങ്കെടുക്കുന്നതിനായി രാവിലത്തെയും വൈകുന്നേരത്തെയും ഷിഫ്റ്റുകളായാണ് ശുചീകരണം ക്രമീകരിച്ചിരിക്കുന്നത്.
