ദോഹ: ഓട്ടിസം ബാധിച്ച കുട്ടികളുടെ പ്രത്യേക കഴിവുകളും സാധ്യതകളും സമൂഹം ഏറ്റെടുത്ത് ആഘോഷിക്കുന്നതിനായി 'ടുഗെതർ വീ ഷൈൻ' (Together We Shine) എന്ന പേരിൽ പ്രത്യേക പരിപാടി സംഘടിപ്പിക്കുന്നു. 974 ഇവന്റ്സ്, അബു സിദ്ര മോൾ, ഷഫല്ല (Shafallah) എന്നിവരുടെ സംയുക്ത ആഭിമുഖ്യത്തിൽ നടത്തുന്ന ഈ സംരംഭത്തിന് ലുലു ഹൈപ്പർമാർക്കറ്റാണ് പിന്തുണയേകുന്നത്.
2026 ഒക്ടോബർ 10 ശനിയാഴ്ച വൈകുന്നേരം 5:00 മണിക്ക് അബു സിദ്ര മോളിൽ വെച്ചാണ് ഈ സ്നേഹസംഗമം നടക്കുന്നത്. പ്രവേശനം തികച്ചും സൗജന്യമാണ്. ഓട്ടിസം ബാധിച്ച കുട്ടികളുടെ കഴിവുകൾ പ്രോത്സാഹിപ്പിക്കുന്നതിനൊപ്പം പൊതുജനങ്ങളുടെ പിന്തുണ ഉറപ്പാക്കുക കൂടിയാണ് പരിപാടിയുടെ ലക്ഷ്യം.
ആകർഷകമായ കലാപരിപാടികൾ, ചിത്രകലാ മത്സരം, വിവിധ വിനോദ പരിപാടികൾ, ബോധവൽക്കരണ പ്രവർത്തനങ്ങൾ എന്നിവ പരിപാടിയുടെ ഭാഗമായി അരങ്ങേറും.
ഈ കൂട്ടായ്മയിലേക്ക് ഏവരുടെയും സാന്നിധ്യവും പിന്തുണയും സംഘാടകർ അഭ്യർത്ഥിച്ചു. കൂടുതൽ വിവരങ്ങൾക്ക് +97455974974 എന്ന നമ്പറിൽ ബന്ധപ്പെടാവുന്നതാണ്.
