ചെങ്ങന്നൂർ: മാർത്തോമ്മാ സഭയുടെ സാമൂഹ്യസേവന വിഭാഗമായ കാർഡിൻ്റെ നേതൃത്വത്തിൽ വെള്ളപ്പൊക്ക ദുരിതാശ്വാസ പ്രവർത്തനങ്ങളുടെ ഭാഗമായി പാണ്ടനാട് പഞ്ചായത്തിൻ്റെ വിവിധ വാർഡുകളിലെ ദുരിതാശ്വാസ ക്യാമ്പുകളിൽ ഭക്ഷ്യകിറ്റുകളും പച്ചക്കറികളും വിതരണം ചെയ്തു.
കാർഡ് ഡയറക്ടർ റവ. ഷിബു സാമുവൽ മാർത്തോമ്മാ മെത്രാപ്പോലിത്തൻ സെക്രട്ടറി റവ. കെ.ഇ ഗീവർഗ്ഗീസ്, അസിസ്റ്റന്റ് ഡയറക്ടർ റവ.ഷൈൻ എൻ. ജേക്കബ്, പത്തനംതിട്ട കൃഷി വിജ്ഞാൻ കേന്ദ്രം തലവൻ ഡോ. സി. പി. റോബർട്ട്, ഡോ. ഷിബു ഉമ്മൻ എന്നിവർ നേതൃത്വം നൽകി.
പഞ്ചായത്ത് പ്രസിഡന്റ് ജിജി കുഞ്ഞുമോൻ, വൈസ് പ്രസിഡന്റ് ഗീവർഗീസ് പി. ജി., ബ്ലോക്ക് പഞ്ചായത്ത് അംഗം കെ. ബി. യശോധരൻ, വിവിധ വാർഡ് അംഗങ്ങളായ റ്റിറ്റി എം വർഗ്ഗീസ്, ടി.ഡി മോഹൻ, ഷൈലജ,രാജൻ ഇഞ്ചക്കോട്, ശ്രീകല ശിവൻ, ഗീതാകുമാരി, മോൻസി കപ്പളാശ്ശേരി , സരിതാ ഹരികുമാർ, ശുഭാ രാജേഷ്
എന്നിവർ ക്യാമ്പുകൾ സന്ദർശിച്ച് പ്രവർത്തനങ്ങളിൽ പങ്കുചേർന്നു.
