ദോഹ: മുനിസിപ്പാലിറ്റി മന്ത്രാലയവും ഖത്തർ ഫോട്ടോഗ്രഫി സെന്ററും ചേർന്ന് ‘ലെൻസ് ഓഫ് ഖത്തറി അഗ്രിക്കൾച്ചർ’ എന്ന പേരിൽ  ദേശീയ ഫോട്ടോഗ്രാഫി മത്സരം സംഘടിപ്പിക്കുന്നു.
മത്സരം 2025 ഒക്ടോബർ 12 മുതൽ 2026 ജനുവരി 15 വരെ നീണ്ടുനിൽക്കും. വിജയികളെ 2026 ഫെബ്രുവരി 11-ന് അഗ്രിടെക് പ്രദർശന വേദിയിൽ പ്രഖ്യാപിക്കും.
വിജയികൾക്ക് മൊത്തം *QAR 3,75,000* (ഏകദേശം ₹86 ലക്ഷം) പാരിതോഷികം ലഭിക്കും. വീഡിയോയും ഫോട്ടോയും എന്നീ രണ്ട് വിഭാഗങ്ങളിലായി സമ്മാനങ്ങൾ നല്കുന്നതോടൊപ്പം *GoPro ക്യാമറകൾ, iPhone-കൾ, സ്മാർട്ട് വാച്ചുകൾ, സ്റ്റേക്കേഷൻ പാക്കേജുകൾ, പ്രത്യേക ഇവന്റ് ക്ഷണങ്ങൾ ഭാവിയിലുള്ള സഹകരണ അവസരങ്ങൾ എന്നിവയും സമ്മാനമായി ലഭിക്കും.
2026-ൽ നടക്കുന്ന 13-ാമത് ഖത്തർ ഇന്റർനാഷണൽ അഗ്രിക്കൾച്ചറൽ എക്സിബിഷൻ (AgriteQ 2026)നോടനുബന്ധിച്ചാണ് ഈ മത്സരം സംഘടിപ്പിക്കുന്നത്.
ഖത്തറിന്റെ ദേശീയ ദർശനം 2030 (Qatar National Vision 2030) ലക്ഷ്യമാക്കുന്ന ഭക്ഷ്യസുരക്ഷയും സുസ്ഥിരതയും അടയാളപ്പെടുത്തുകയും, നാട്ടിൻപുറ കൃഷിയുടെ പ്രാധാന്യം സമൂഹത്തിലേക്ക് എത്തിക്കുകയും ചെയ്യുന്നതാണ് ഇതിന്റെ പ്രധാന ഉദ്ദേശം.
 “വിഷ്വൽ ആർട്സ് മുഖേന കൃഷി മേഖലയെയും സമൂഹത്തെയും ബന്ധിപ്പിക്കുന്ന ഒരു സൃഷ്ടിപരമായ ശ്രമമാണ് ഈമത്സരമെന്ന്മുനിസിപ്പാലിറ്റി മന്ത്രാലയത്തിലെ അഗ്രിടെക്ക് 2026 ഓർഗനൈസിംഗ് കമ്മിറ്റിയുടെ തലവൻ യൂസഫ് ഖാലിദ് അൽ-ഖുലൈഫിവ്യക്തമാക്കി.പ്രൊഫഷണലും ആമേചറുമായ ഫോട്ടോഗ്രാഫർമാർക്ക് അവരുടെ സൃഷ്ടിപ്രതിഭ പ്രകടിപ്പിക്കാൻ മികച്ച അവസരം ഇതിലൂടെ ലഭിക്കുമെന്ന്ഖത്തർ ഫോട്ടോഗ്രഫി സെന്റർ ഡയറക്ടർ ജാസിം അൽ ബുവൈനൈൻപറഞ്ഞു.
വിജയികളായ ഫോട്ടോകൾ AgriteQ 2026 പ്രദർശനത്തിൽ പ്രാധാന്യത്തോടെ പ്രദർശിപ്പിക്കും.