ഇതിപ്പോ എന്താ അവസ്ഥ ? കാറിൽ യാത്ര ചെയ്താലും ക്യാൻസറോ ? കുറച്ചു ദിവസമായി കേരളം ചർച്ച ചെയ്തുകൊണ്ടിരിക്കുകയാണ് ഈ വിഷയം . വിശ്വസിക്കണോ വേണ്ടയോ എന്നുള്ള സംശയത്തിലാണ് പലരും. എന്നാൽ നിങ്ങളിത് വിശ്വസിച്ചേ പറ്റൂ. കാറിനുള്ളിലെ രാസവസ്തുക്കൾ ശ്വസിക്കും വഴി കാൻസർ വന്നേക്കാം. 2015-നും 2022-നും ഇടയില്‍ 101 ഇലക്ട്രിക്, ഗ്യാസ്, ഹൈബ്രിഡ് കാറുകളിൽ നടത്തിയ പഠനത്തിന്റെ അടിസ്ഥാനത്തിൽ എൻവയോണ്‍മെൻ്റല്‍ സയൻസ് ആൻഡ് ടെക്നോളജി ജേണലില്‍ പ്രസിദ്ധീകരിച്ച പഠന റിപ്പോർട്ടിലാണ് ഇക്കാര്യങ്ങള്‍ വ്യക്തമാക്കുന്നത്. 99% കാറുകളിലും ടിസിഐപിപി എന്ന ഫ്ലെയിം റിട്ടാർഡൻ്റ് ഉണ്ടെന്നും അതിൽ ചില രാസവസ്തുക്കളുണ്ടെന്നും അവ ശ്വസിക്കും വഴിയാണ് ക്യാൻസറിന് കാരണമാവുന്നതെന്നും പറയുന്നു. കൂടുതൽ സമയവും കാറിൽ യാത്ര ചെയ്യുന്ന കുട്ടികൾക്കും മുതിർന്ന ആളുകൾക്കുമാണ് ഇതിന് സാധ്യത കൂടുതൽ.
ഇനി എങ്ങനെയാണ് ഈ രാസവസ്തു കാറിൽ ഉണ്ടാവുന്നത് എന്നല്ലേ ?
എല്ലാ കാറുകളിലും തീ കത്തുന്നത് തടയാനോ തീ പടരുന്നു പിടിക്കുന്നത് കുറയ്ക്കണോ വേണ്ടി ഫ്ലെയിം റിട്ടാർഡൻ്റുകള്‍ ഉണ്ടാവും .കാർ നീങ്ങുന്ന സമയത്ത് ഫ്ലെയിം റിട്ടാർഡൻ്റുകളിൽ അടങ്ങിയിരിക്കുന്ന രാസവസ്തുക്കൾ കാറിന്റെ അകത്തേക്ക് എത്തും. ഒരുപാട് നേരം ഈ വായു ശ്വസിക്കുന്നതിലൂടെയാണ് നമുക്ക് ക്യാൻസർ വരാനുള്ള സാധ്യത ഉള്ളത്. ഇതിന് ഒരൊറ്റ പരിഹാര മാർഗമേ ഉള്ളു., കാറുകളിൽ യാത്ര ചെയ്യുന്നത് പരമാവധി കുറക്കുകയും ദീർഘ ദൂര യാത്രക്കിടയിൽ ഗ്ലാസ്സുകൾ തുറന്നിടുകയും ചെയ്യുക എന്നതാണ്.
