സിഡ്നിയിലെ ബോണ്ടൈ ബീച്ചിൽ നടന്ന കൂട്ടക്കൊലയിലെ പ്രധാന പ്രതിയായ സാജിദ് അക്രമിന്റെ മൃതദേഹം ഏറ്റെടുക്കില്ലെന്ന് ഭാര്യ. ഇതോടെ അക്രമിയുടെ മൃതദേഹം സർക്കാർ തന്നെ സംസ്കരിക്കും എന്നാണ് റിപ്പോർട്ട്. സാദിജ് അക്രമും മകൻ നവീദ് അക്രമും നടത്തിയ ഭീകരാക്രമണത്തെ കുറിച്ച് കുടുംബാംഗങ്ങൾക്ക് അറിവുണ്ടായിരുന്നില്ല എന്നാണ് അധികൃതരും നൽകുന്ന സൂചന. സംഭവത്തിൽ അന്വേഷണം ഊർജ്ജിതമാണെന്നും അധികൃതർ അറിയിച്ചു.
ഡിസംബർ 14ന് സാജിദ് അക്രമും മകൻ നവീദ് അക്രമുമാണ് വെടിവയ്പ്പ് നടത്തിയത്. ആക്രമണത്തിൽ 16 പേരാണ് കൊല്ലപ്പെട്ടത്. പൊലീസിന്റെ പ്രത്യാക്രമണത്തിൽ സാജിദ് കൊല്ലപ്പെടുകയും നവീദ് ഗുരുതരമായി പരുക്കേറ്റ് കോമയിലാകുകയും ചെയ്തു. ഇപ്പോൾ ബോധം വീണ്ടെടുത്ത നവീദിനെതിരെ 59 കുറ്റങ്ങൾ ചുമത്തിയിട്ടുണ്ട്.
കൂട്ടക്കൊലയ്ക്ക് മുമ്പ് ജെർവിസ് ബേയിലേക്കുള്ള യാത്രയെന്ന പേരിൽ വീട്ടിൽ നിന്നിറങ്ങിയ ഇവർ, മുൻ ആറുമാസം സാജിദ് അക്രമിന്റെ അസാധാരണ നീക്കങ്ങൾ ശ്രദ്ധേയമാക്കുന്നു. ഫിലിപ്പീൻസിലെ ദാവോ നഗരത്തിലേക്കുള്ള ഇയാളുടെ യാത്രയും, ഇസ്‌ലാമിക് സ്റ്റേറ്റ് ബന്ധമുള്ള പ്രദേശങ്ങളുമായുള്ള ബന്ധസാധ്യതയും അന്വേഷണത്തിൽ നിർണായകമാണ്.
കർശനമായ ആയുധനിയന്ത്രണമുള്ള രാജ്യത്ത് ആക്രമികൾക്ക് ശേഷിയേറിയ തോക്കുകൾ ലഭിച്ചതെങ്ങനെ എന്ന ചോദ്യവും ഇപ്പോഴും മറുപടിയില്ലാതെ തുടരുന്നു. ഈ സംഭവം ആഭ്യന്തര സുരക്ഷയിലെയും തീവ്രവാദ നിരീക്ഷണത്തിലെയും വെല്ലുവിളികൾ വീണ്ടും മുന്നിൽ കൊണ്ടുവരുന്നു.
