2023-ൽ പുറത്തിറങ്ങി വമ്പൻ വിജയമായ ചിത്രമാണ് രജനികാന്ത് നായകനായ ‘ജെയിലർ’. ഈ ചിത്രത്തിൽ രജിനികാന്തിനൊപ്പം മോഹൻലാൽ, ശിവരാജ് കുമാർ, ജോക്കി ഷെറാഫ്, രമ്യാ കൃഷ്ണൻ, മൃണ, വിനായകൻ, വസന്ത് രവി തുടങ്ങി ഒരുപാട് താരങ്ങൾ അഭിനയിച്ചിരുന്നു. നെൽസൺ സംവിധാനം ചെയ്ത ഈ ചിത്രത്തിന്റ രണ്ടാം ഭാഗം ഇപ്പോൾ ഒരുങ്ങിവരികയാണ്. 'സൺ പിക്ചെർസ്' നിർമ്മിക്കുന്ന ഈ ചിത്രത്തിനും അനിരുദ്ധ് തന്നെയാണ് സംഗീതം നൽകുന്നത്. ഈ ചിത്രത്തിലും രജിനികാന്തിനൊപ്പം മോഹൻലാൽ, ശിവരാജ്കുമാർ, രമ്യാ കൃഷ്ണൻ, ബോളിവുഡ് താരം മിഥുൻ ചക്രവർത്തി, സന്താനം, സുരാജ് വെഞ്ചറമൂട്, യോഗി ബാബു തുടങ്ങിയവർ അഭിനയിക്കുന്നുണ്ട്. അതേ സമയം ഈ ചിത്രത്തിൽ പ്രശസ്ത ബോളിവുഡ് താരം ഷാരുഖാൻ ഒരു അഥിതി വേഷത്തിൽ അഭിനയിക്കുന്നുണ്ട് എന്നുള്ള വാർത്ത പുറത്തുവന്നിരുന്നു. എന്നാൽ ഇപ്പോൾ പുറത്തുവന്നിരിക്കുന്ന വാർത്ത ഷാരുഖാൻ ഈ ചിത്രത്തിൽ അഭിനയിക്കുന്നില്ലെന്നുള്ളതാണ്. ഇതിന് എന്താണ് കാരണം എന്നുള്ളത് വ്യക്തമല്ല. ഇപ്പോൾ ഷാരുഖാന് പകരം തെലുങ്കിലെ മുൻനിര നടന്മാരിൽ ഒരാളായ ഭവൻ കല്യാൺ ആണത്രേ ആ കഥാപാത്രത്തിൽ അഭിനയിക്കുന്നത്. എന്നാല ഇക്കാര്യം കുറിച്ചുള്ള ഒരു ഔദ്യോഗിക പ്രഖ്യാപനവും ഇതുവരെ പുറത്തുവന്നിട്ടില്ല.
Photo Courtesy - Google
