ഇന്ത്യൻ ടെലികമ്മ്യൂണിക്കേഷൻ സർവീസ് (ഐടിഎസ്) 1989 ബാച്ച് ഉദ്യോഗസ്ഥനായ ബെന്നി ചിന്നപ്പൻ ടെലികമ്മ്യൂണിക്കേഷൻ വകുപ്പ് (ഡിഒടി) അഡീഷണൽ ഡയറക്ടർ ജനറൽ ടെലികോം, കേരള ലൈസൻസഡ് സർവീസ് ഏരിയ (എൽഎസ്എ) മേധാവിയായി ചുമതലയേറ്റു.
 
കേരളം, കേന്ദ്രഭരണ പ്രദേശമായ ലക്ഷദ്വീപ്, മാഹി എന്നിവിടങ്ങളിലെ ടെലികോം അനുബന്ധ പ്രവർത്തനങ്ങളുടെ മേൽനോട്ടം വഹിക്കുന്നത് ഡി.ഒ.ടി കേരള എൽഎസ്എയ്ക്കാണ്. ടെലികോം ലൈസൻസുകൾ നടപ്പാക്കൽ, ഗ്രാമീണ ടെലികോം സേവന പ്രോത്സാഹനം, ടെലികോം സുരക്ഷ, സാങ്കേതികവിദ്യയുമായി ബന്ധപ്പെട്ട വിവിധ പ്രവർത്തനങ്ങൾ എന്നിവ ഇതിൽ ഉൾപ്പെടുന്നു.
 
തൃശ്ശൂർ സ്വദേശിയായ ശ്രീ ബെന്നി ചിന്നപ്പൻ തിരുവനന്തപുരം കോളേജ് ഓഫ് എഞ്ചിനീയറിംഗിൽ നിന്ന് അപ്ലൈഡ് ഇലക്ട്രോണിക്സ് ആൻഡ് ഇൻസ്ട്രുമെന്റേഷനിൽ B.Tech, കൊച്ചി ശാസ്ത്ര സാങ്കേതിക സർവകലാശാലയിൽ നിന്ന് ഡിജിറ്റൽ ഇലക്ട്രോണിക്സിൽ M.Tech, ഫിനാൻസിൽ എംബിഎ എന്നിവ നേടിയിട്ടുണ്ട്.
 
34 വർഷത്തിലേറെ നീണ്ട കരിയറിൽ ടെലികോം വകുപ്പിൽ ഡി.ഡി.ജി (കോംപ്ലിയൻസ്, ടെക്നോളജി, റൂറൽ), ഡയറക്ടർ (സെക്യൂരിറ്റി), ബിഎസ്എൻഎല്ലിൽ ജി.എം (നെറ്റ്വർക്ക് പ്ലാനിംഗ്) എന്നിവയുൾപ്പെടെ നിരവധി പ്രധാന സ്ഥാനങ്ങൾ അദ്ദേഹം വഹിച്ചിട്ടുണ്ട്. ഇലക്ട്രോണിക് ടെലിഫോൺ എക്സ്ചേഞ്ചുകൾ, ടെലികോം നെറ്റ്വർക്ക് ആസൂത്രണം, തന്ത്രപരമായ ബിസിനസ് വികസനം എന്നിവയിൽ ആഴത്തിലുള്ള വൈദഗ്ധ്യമുള്ള അദ്ദേഹം കേരളത്തിൽ ബിഎസ്എൻഎല്ലിന്റെ മൊബൈൽ ശൃംഖല ആരംഭിക്കുന്നതിലും വിപുലീകരിക്കുന്നതിലും നിർണായക പങ്ക് വഹിച്ചു. ടെലികോം വകുപ്പിൽ ടെലികോം ലൈസൻസ് എൻഫോഴ്സ്മെന്റ്, ഡിസാസ്റ്റർ മാനേജ്മെന്റ്, ടെലികോം സുരക്ഷ, ഗ്രാമീണ കണക്റ്റിവിറ്റി, നെറ്റ്വർക്ക് സാങ്കേതികവിദ്യകൾ എന്നിവയും അദ്ദേഹത്തിന്റെ വിപുലമായ അനുഭവത്തിൽ ഉൾപ്പെടുന്നു.ഈ നിയമനത്തിന് മുമ്പ്, ശ്രീ ബെന്നി ചിന്നപ്പൻ കോയമ്പത്തൂർ തമിഴ്നാട് എൽഎസ്എയുടെ ടെലികോം വകുപ്പിന്റെ അഡീഷണൽ ഡയറക്ടർ ജനറലായി സേവനമനുഷ്ഠിച്ചു.

Photo Courtesy - Google