കൊച്ചി: ബ്ലൂ എനര്ജി മോട്ടോഴ്സിന്റെ (ബിഇഎം) ഇലക്ട്രിക്, എല്എന്ജി ചരക്കു വാഹനങ്ങള് 10 കോടി കിലോ മീറ്ററുകള് പിന്നിട്ടു. കമ്പനി നിര്മ്മിച്ച 1400 ഹെവി ഡ്യൂട്ടി ട്രക്കുകളാണ് രാജ്യമെമ്പാടും ഇത്രയും ദൂരം പിന്നിട്ടത്. 30,000 ടണ് കാര്ബണ് ബഹിര്ഗമനം തടയാന് ഇതു മൂലം കഴിഞ്ഞു. വര്ധിയ്ക്കുന്ന ഇന്ധന വിലയും കോര്പറേറ്റ് മേഖലയിലെ ആവശ്യവും, കാര്ബണ് ബഹിഷ്കരണം കുറയ്ക്കാനുള്ള ദീര്ഘ കാല ലക്ഷ്യങ്ങളും മൂലം കൊമേഴ്സ്യല് വാഹന വ്യവസായ മേഖലയില് നിര്ണ്ണായക മാറ്റങ്ങള് സംഭവിക്കുന്ന പശ്ചാത്തലത്തിലാണ് ബ്ലൂ എനര്ജി മോട്ടോഴ്സിന്റെ ഈ നേട്ടം. രാജ്യത്ത് ചരക്കു നീക്കത്തിന്റെ ഭാവിയിലേക്കുള്ള ചൂണ്ടുപലകയാണ് ബ്ലൂ എനര്ജി മോട്ടോഴ്സിന്റെ 10 കോടി കിലോ മീറ്റര് നേട്ടമെന്ന് കമ്പനി സ്ഥാപകനും മാനേജിംഗ് ഡയറക്ടറുമായ അനിരുദ്ധ് ഭുവല്ക അഭിപ്രായപ്പെട്ടു. ഇരട്ട ടാങ്കുള്ള എല്എന്ജി ഹെവി ഡ്യൂട്ടി വാഹനങ്ങള്ക്ക് ഫുള് ടാങ്കില് 2,400 കിലോ മീറ്റര് വരെ ഓടാന് കഴിയും. ചാര്ജിംഗ് കോറിഡോറിലൂടെ ഇവി മേഖലയിലും അതിവേഗ ചാര്ജ്ജിംഗ് ലഭ്യമാണ്. അഞ്ചു മിനിട്ടിനകം ബാറ്ററി മാറ്റാവുന്ന സ്വാപിംഗ് സംവിധാനമുണ്ട്. പ്രവര്ത്തന ക്ഷമത വര്ധിപ്പിച്ചതിലൂടെ ട്രാന്സ്പോര്ട്ട് ഓപറേറ്റര്മാരുടെ മൂലധന നിക്ഷേപം കുറയ്ക്കാനും കഴിഞ്ഞു.
Photo Courtesy - Google
