ഭാര്യ മിഷേലുമായി അകൽച്ചയിലെന്ന വാർത്തകൾക്ക് പിന്നാലെ ചർച്ചകളിൽ നിറയുന്നത് അമേരിക്കയുടെ മുൻ പ്രസിഡന്റ് ബറാക് ഒബാമയുടെ പ്രണയം സംബന്ധിച്ച വാർത്തകളാണ്. ഒബാമയും നടി ജെനിഫർ അനിസ്റ്റണും പ്രണയത്തിലെന്ന അഭ്യൂഹമാണ് ഇപ്പോൾ പ്രചരിക്കുന്നത്. സമൂഹ മാധ്യമങ്ങളിൽ മാത്രമല്ല, അന്താരാഷ്ട്ര മാധ്യമങ്ങളിലും ഇരുവരുടെയും പ്രണയ ബന്ധത്തെപ്പറ്റിയുള്ള സ്ഥിരീകരിക്കാത്ത റിപ്പോർട്ടുകൾ പ്രചരിക്കുന്നുണ്ട്.
ഒബാമയും മിഷേലും തമ്മിലുള്ള വിവാഹബന്ധത്തിൽ വിള്ളൽ വീണതായുള്ള അഭ്യൂഹങ്ങൾ നേരത്തേ പ്രചരിച്ചിരുന്നു. ഇതിനിടയിലാണ് ഒബാമ - ജെനിഫർ അനിസ്റ്റൺ ബന്ധം ചർച്ചയാകുന്നത്. അതേസമയം, ഒബാമയോ മിഷേലോ അനിസ്റ്റണോ വിഷയത്തിൽ ഇതുവരെ ഔദ്യോഗികമായി പ്രതികരണം നടത്തിയിട്ടില്ല. അമേരിക്കയുടെ മുൻ പ്രസിഡന്റ് ജിമ്മി കാർട്ടറുടെ മരണാനന്തരച്ചടങ്ങിലും ഡൊണൾഡ് ട്രംപിന്റെ സ്ഥാനാരോഹണച്ചടങ്ങിലും മിഷേൽ ഒബാമ പങ്കെടുക്കാതിരുന്നത് ചർച്ചയായിരുന്നു
