എറണാകുളം പ്രസ്ക്ലബ്ബിന്റെ ഈവര്ഷത്തെ എന്.വി.പൈലി മാദ്ധ്യമപുരസ്കാരം ജീവന് ടിവി ചീഫ്ന്യൂസ് എഡിറ്റര് ബാബുവെളപ്പായയ്ക്ക്. 38 വര്ഷമായി മാദ്ധ്യമരംഗത്തുള്ള ബാബുവെളപ്പായയുടെ മാദ്ധ്യമരംഗത്തെ സമഗ്രസംഭാവന മുന്നിര്ത്തിയാണ് പുരസ്കാരം. എക്സ്പ്രസ്സ് ദിനപത്രത്തില് റിപ്പോര്ട്ടറായി പ്രവര്ത്തനം ആരംഭിച്ച ബാബുവെളപ്പായ കവി, തിരക്കഥാകൃത്ത് എന്നീ നിലകളിലും സജീവമാണ്. ആകാശവാണിയില് കോംപിയറായും പ്രവര്ത്തിച്ചിട്ടുണ്ട്. രണ്ട് പതിറ്റാണ്ടിലേറെയായി ജീവന് ടിവിയുടെ വാര്ത്താവിഭാഗത്തിന്റെ ചുമതലക്കാരനാണ്. മലയാള ദൃശ്യമാദ്ധ്യമരംഗത്ത് നിരവധി പ്രതിഭകളുടെ വഴികാട്ടിയായി. കവി, തിരക്കഥാകൃത്ത്, അവതാരകന് എന്നീനിലകലില് നിരവധി പുരസ്കാരങ്ങള് നേടി. തിരക്കഥയെഴുതിയ ഹ്രസ്വചിത്രങ്ങള് സംസ്ഥാന ദേശീയ പുരസ്കാരങ്ങള് നേടിയിട്ടുണ്ട്. രണ്ട് സിനിമകള്ക്കും തിരക്കഥ എഴുതി. രണ്ട് കവിതാസമാഹാരങ്ങള് ഉള്പ്പടെ അഞ്ച് പുസ്തകങ്ങള് പ്രസിദ്ധീകരിച്ചിട്ടുണ്ട്.
എറണാകുളം പ്രസ്ക്ലബ്ബിന്റെ സ്ഥാപകരിലൊരാളായ എന്.വി പൈലിയുടെ ഓര്മ്മയ്ക്കായി ക്ലബ് ഏര്പ്പെടുത്തിയതാണ് പുരസ്കാരം.
April 23 ന് 12മണിക്ക് പ്രസ്ക്ലബ്ബിൽ നടക്കുന്ന ചടങ്ങില് മന്ത്രി കെ രാജൻ പുരസ്കാരം സമ്മാനിക്കും.
Photo Courtesy - Google
