കൊച്ചി: എറണാകുളം ലൂർദ് ആശുപത്രിയിൽ ലോക മാനസികാരോഗ്യ ദിനാചരണത്തിന്റെ ഭാഗമായി  ലൂർദ് ഇൻസ്റ്റിറ്റ്യൂട്ട് ഓഫ് ബിഹേവിയറൽ സയൻസസിന്റെ ആഭിമുഖ്യത്തിൽ എറണാകുളം റേഞ്ചിലെ പോലീസ് ഉദ്യോഗസ്ഥർക്കായി മാനസികാരോഗ്യ ബോധവത്കരണ പരിപാടി സംഘടിപ്പിച്ചു. പരിപാടിയുടെ ഔദ്യോഗിക ഉദ്ഘാടനം എറണാകുളം റേഞ്ച് ഡെപ്യൂട്ടി ഇൻസ്പെക്ടർ ജനറൽ ഓഫ് പോലീസ് (DIG) യതീഷ് ചന്ദ്ര ജി. എച്ച് IPS നിർവഹിച്ചു.  മാനസിക സമ്മർദ്ദം അനുഭവിക്കുന്ന വ്യക്തികളെ എങ്ങനെ  സമീപിക്കാം എന്നും പോലീസുകാർ നേരിടുന്ന സമ്മർദത്തെ ഏതെല്ലാം രീതിയിൽ പരിഹരിക്കാം എന്നും അദ്ദേഹം തന്റെ ഉദ്ഘാടനം പ്രസംഗത്തിൽ പറഞ്ഞു.  പോലീസ്   ഉദ്യോഗസ്ഥർ ജോലി സമയത്ത് നേരിടുന്ന മാനസിക സമ്മർദങ്ങൾ, ഔദ്യോഗിക കൃത്യനിർവഹണത്തിന്റെ ഭാഗമായി മാനസിക വെല്ലുവിളി നേരിടുന്ന ഒരു വ്യക്തിയെ   എങ്ങനെ സമീപിക്കാം  തുടങ്ങിയ വിഷയങ്ങളിൽപോലീസ് ഉദ്യോഗസ്ഥർക്ക്ബോധവൽക്കരണം നൽകുകയായിരുന്നു  മാനസികാരോഗ്യദിനാചരണ പരിപാടിയുടെ  ലക്ഷ്യം.  തുടർന്ന് ലൂർദ് ഇൻസ്റ്റിറ്റ്യൂട്ട് ഓഫ് ബിഹേവിയറൽ സയൻസ് സീനിയർ കൺസൾട്ടന്റും, മേധാവിയുമായ ഡോ. റിങ്കൂ തെരേസ ജോസ്,  കൺസൾട്ടൻ്റുമാരായ  ഡോ. വിനീത വി. ജോസ്,   ഡോ. മനു എൻ. എ., ക്ലിനിക്കൽ സൈക്കോളജിസ്റ്റ്  ദിവ്യ അജയ്, കൗൺസിലിംഗ് സൈക്കോളജിസ്റ്റ്  ജെയ്‌സിൽ ജേക്കബ്,ഡോ.ബി. എ അഷിമ അസീസ്, ഡോ. മരിയ എം ജെ, ഡോ. ഫെക്‌സാ ലിസ് ബെന്നി എന്നിവർ വിവിധ സെഷനുകളിൽ ക്ലാസുകൾ നയിച്ചു.സബ് ഇൻസ്‌പെക്ടർ മാരായ ബേബി കെ. ജി., സിബി അച്ചുതൻ, കെ. ആർ. ജയചന്ദ്രൻ എന്നിവർ അവരുടെ പോലീസ് സർവീസിൽ ഉണ്ടായ അനുഭവങ്ങൾ പങ്കുവെച്ചു. എറണാകുളം, ഇടുക്കി, ആലപ്പുഴ, കോട്ടയം ജില്ലയിലെ പോലീസ് ഉദ്യോഗസ്ഥർ പരിപാടിയിൽ പങ്കെടുത്തു.

Photo Courtesy - Google