ദോഹ: ഖത്തറി വിദ്യാർത്ഥികൾക്കായി രാജ്യത്തിനകത്തും വിദേശത്തുമുള്ള സർവകലാശാലകളിൽ ഉപരിപഠനത്തിന് ഖത്തർ എനർജി സ്കോളർഷിപ്പ് അപേക്ഷകൾ ക്ഷണിച്ചു. ഊർജ്ജ മേഖലയിൽ മികച്ച തൊഴിൽ സ്വപ്നം കാണുന്ന സ്വദേശി യുവതയെ വാർത്തെടുക്കുക എന്ന ലക്ഷ്യത്തോടെയാണ് ഈ പദ്ധതി. താത്പര്യമുള്ള വിദ്യാർത്ഥികൾക്ക് മെയ് 21 വരെ അപേക്ഷകൾ സമർപ്പിക്കാവുന്നതാണ്.
വിദ്യാർത്ഥികളുടെ അക്കാദമിക് യാത്രയിലുടനീളം ഖത്തർ എനർജിയുടെ സജീവമായ പിന്തുണയും മാർഗനിർദ്ദേശവും ഉണ്ടാകുമെന്ന് അധികൃതർ അറിയിച്ചു. സ്കോളർഷിപ്പ് നേടുന്നവരുടെ കഴിവുകൾ മെച്ചപ്പെടുത്തുന്നതിനും അവർക്ക് വിജയകരമായ ഒരു കരിയർ ഉറപ്പാക്കുന്നതിനുമായി വലിയ നിക്ഷേപമാണ് കമ്പനി നടത്തുന്നത്. മികച്ച പഠനാന്തരീക്ഷവും പ്രൊഫഷണൽ മാർഗ്ഗനിർദ്ദേശങ്ങളും സ്കോളർഷിപ്പിന്റെ പ്രധാന സവിശേഷതകളാണ്.
വിദ്യാർത്ഥികൾക്ക് ഖത്തർ എനർജിയുടെ ഔദ്യോഗിക വെബ്സൈറ്റായ qatarenergy.qa വഴി അപേക്ഷകൾ സമർപ്പിക്കാം. അപേക്ഷയുമായി ബന്ധപ്പെട്ട കൂടുതൽ വിവരങ്ങൾക്കും സംശയങ്ങൾക്കും70095559.,55715105,40136254
എന്നീ പറയുന്ന നമ്പറുകളിൽ ബന്ധപ്പെടാവുന്നതാണ്.
ഊർജ്ജ മേഖലയിലെ ഭാവി വാഗ്ദാനങ്ങളെ വളർത്തിയെടുക്കുന്നതിനായി നടപ്പിലാക്കുന്ന ഈ പദ്ധതിക്ക് വലിയ സ്വീകാര്യതയാണ് ലഭിക്കുന്നത്. അപേക്ഷ സമർപ്പിക്കേണ്ട അവസാന തീയതി 2026 മെയ് 21 ആണെന്ന് ഖത്തർ എനർജി പ്രത്യേകം ഓർമ്മിപ്പിച്ചു.
