കൊച്ചി :ബ്യൂറോ ഓഫ് ഇന്ത്യൻ സ്റ്റാൻഡേർഡ്സ് (BIS) സ്ഥാപകദിനത്തിന്റെ 79-ാമത് വാർഷികാഘോഷങ്ങളുടെ ഭാഗമായി, BIS കൊച്ചി ഓഫീസ് 2026 ജനുവരി 19-ന് കൊച്ചിയിലെ ഗോകുലം പാർക്ക് ഹോട്ടലിൽ ഒരു വ്യവസായ സംഗമം (Industry Meet) സംഘടിപ്പിച്ചു. BIS കൊച്ചി ശാഖയുടെ പരിധിയിൽ വരുന്ന 145 ലൈസൻസികൾ പരിപാടിയിൽ പങ്കെടുത്തു.
പരിപാടിക്ക് BIS കൊച്ചി ഡയറക്ടർ ശ്രീ. സായി കുമാർ വേടുല സ്വാഗതപ്രസംഗം നടത്തി. BIS കൊച്ചി ശാഖയുടെ ഡയറക്ടറും മേധാവിയുമായ ശ്രീ. നരേന്ദ്ര റെഡ്ഡി ബീസു പരിപാടി ഉദ്ഘാടനം ചെയ്ത് സംസാരിച്ചു. ഉൽപ്പന്ന ഗുണനിലവാരം, സുരക്ഷ, അന്താരാഷ്ട്ര മത്സരക്ഷമത എന്നിവ ഉറപ്പാക്കുന്നതിൽ സ്റ്റാൻഡേർഡുകളുടെ പ്രാധാന്യം അദ്ദേഹം തന്റെ ഉദ്ഘാടന പ്രസംഗത്തിൽ വിശദീകരിച്ചു.
തുടർന്ന് BISയുടെ പ്രവർത്തനങ്ങളും പദ്ധതികളും സംബന്ധിച്ച് ശ്രീ. സായി കുമാർ വേടുല വിശദമായ സെഷൻ അവതരിപ്പിച്ചു. കൂടാതെ, BIS കെയർ ആപ്പിന്റെ ലൈവ് ഡെമോൺസ്ട്രേഷനും സംഘടിപ്പിച്ചു. ഉൽപ്പന്ന പരിശോധന, പരാതിനിവാരണ സംവിധാനങ്ങൾ, ഉപഭോക്തൃ പങ്കാളിത്തം എന്നിവയുമായി ബന്ധപ്പെട്ട ആപ്പിന്റെ സവിശേഷതകൾ പങ്കാളികൾക്ക് പരിചയപ്പെടുത്തി.
BIS കൊച്ചി സ്റ്റാൻഡേർഡ്സ് പ്രമോഷൻ ഓഫീസർ ശ്രീ. ബെൻ ജോസഫ് നന്ദിപ്രകടനത്തോടെ പരിപാടി സമാപിച്ചു. വ്യവസായ രംഗത്തുള്ളവരുമായി BISയുടെ സഹകരണം കൂടുതൽ ശക്തിപ്പെടുത്തുന്നതിനും ഗുണനിലവാര സംസ്കാരം പ്രോത്സാഹിപ്പിക്കുന്നതിനും സഹായകമായ ഈ വ്യവസായ സംഗമം വലിയ വിജയമായി.
