ഡോ. ടോണി ഫെർണാണ്ടസ് ഐ ഹോസ്പിറ്റലിന്റെ ആഭിമുഖ്യത്തിലും ഡോ. ടോണീസ് സ്കൂൾ ഓഫ് ഒപ്റ്റോമെട്രിയുടെ സഹകരണത്തിലും "ഓപ്പറേഷൻ ടൂഫാൻ – ദി നാർക്കോട്ടിക് ഹണ്ട്, 1 മില്യൺ ഗോൾസ്" എന്ന ലഹരിവിരുദ്ധ ബോധവത്കരണ പരിപാടി ജൂലൈ 2-ന് രാവിലെ 10.30-ന് വിജയകരമായി സംഘടിപ്പിച്ചു.
ഡോ. കാർത്തിക മോഹൻദാസ്, സ്വാഗതം പറഞ്ഞു . ഡോ. എസ്. ടോണി ഫെർണാണ്ടസ്, ചെയർമാൻ, ഡോ. ടോണി ഫെർണാണ്ടസ് ഐ ഹോസ്പിറ്റൽ അധ്യക്ഷത വഹിച്ചു.
എറണാകുളം റൂറൽ ജില്ലാ പോലീസ് മേധാവി ശ്രീ. സുദർശൻ കെ. എസ്., ഐ.പി.എസ്. പരിപാടി ഉദ്ഘാടനം ചെയ്തു. ലഹരിവസ്തുക്കളുടെ ഉപയോഗം സമൂഹത്തിനും പ്രത്യേകിച്ച് യുവതലമുറയ്ക്കും വലിയ ഭീഷണിയാണെന്നും, ലഹരിക്കെതിരായ പോരാട്ടത്തിൽ പൊതുസമൂഹവും വിദ്യാഭ്യാസ സ്ഥാപനങ്ങളും കൈകോർക്കേണ്ടത് അനിവാര്യമാണെന്നും അദ്ദേഹം ഉദ്ഘാടന പ്രസംഗത്തിൽ പറഞ്ഞു.
തുടർന്ന് ഡോ. ഫ്രെഡി ടി. സൈമൺ, മാനേജിംഗ് ഡയറക്ടർ, ഡോ. അനബി ഷാഹി, മെഡിക്കൽ സൂപ്രണ്ട് എന്നിവർ ചേർന്ന് "ടൂഫാൻ ബാഡ്ജ്" കൈമാറി ലഹരിവിരുദ്ധ സന്ദേശം പങ്കുവച്ചു.
ഡോ. ടോണീസ് സ്കൂൾ ഓഫ് ഒപ്റ്റോമെട്രിയുടെ എച്ച്.ഒ.ഡി. ശ്രീമതി ഹിത ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. വിദ്യാർത്ഥികളും അധ്യാപകരും ആശുപത്രി ജീവനക്കാരും പൊതുജനങ്ങളും പ്രതിജ്ഞ ഏറ്റുചൊല്ലി ലഹരിമുക്ത സമൂഹം സൃഷ്ടിക്കാൻ പ്രതിബദ്ധത പ്രഖ്യാപിച്ചു.
"1 മില്യൺ ഗോൾസ് – ടൂഫാൻ ഷൂട്ട് ഔട്ട്" എന്ന സന്ദേശമുയർത്തി നടന്ന ബോധവത്കരണ പ്രവർത്തനങ്ങളും ഫുട്ബോൾ ഷൂട്ട് ഔട്ട് പരിപാടിയും യുവജനങ്ങളിൽ വലിയ ആവേശം സൃഷ്ടിച്ചു. ലഹരിക്കെതിരായ ശക്തമായ സാമൂഹിക സന്ദേശം ജനങ്ങളിലേക്കെത്തിക്കാൻ പരിപാടിക്ക് സാധിച്ചു.
ജോബി ജോസ്, പി.ആർ.ഒ. നന്ദി രേഖപ്പെടുത്തി.

Photo Courtesy - Google