​ദോഹ: ഖത്തർ ശൂറാ കൗൺസിലിന്റെ 55-ാമത് വാർഷിക സമ്മേളനം അമീർ ശൈഖ് തമീം ബിൻ ഹമദ് അൽ താനി ഉദ്ഘാടനം ചെയ്തു. ശൂറാ കൗൺസിൽ ആസ്ഥാനത്തെ തമീം ബിൻ ഹമദ് ഹാളിൽ നടന്ന ചടങ്ങിൽ രാജ്യത്തിന്റെ പുരോഗതിയും സാമ്പത്തിക ഭദ്രതയും പ്രാദേശിക-അന്തർദേശീയ വിഷയങ്ങളിലെ നിലപാടുകളും വ്യക്തമാക്കുന്ന സുപ്രധാന പ്രസംഗം അമീർ നടത്തി.
​ഈ വർഷം വിടപറഞ്ഞ മുൻ അമീർ ശൈഖ് ഹമദ് ബിൻ ഖലീഫ അൽ താനിയുടെ രാജ്യസേവനങ്ങളെയും സംഭാവനകളെയും അമീർ പ്രസംഗത്തിൽ സ്മരിച്ചു. സമീപകാലത്ത് മേഖല നേരിട്ട അടിയന്തര സാഹചര്യങ്ങളിലും പ്രധിസന്ധികളിലും ജനങ്ങളും സായുധ സേനയും ഭരണകൂടവും കാണിച്ച ഒറ്റക്കെട്ടായ പ്രതിരോധത്തെയും സജ്ജതയെയും അമീർ പ്രശംസിച്ചു.ഊർജ്ജ മേഖലയിലുണ്ടായ തടസ്സങ്ങൾക്കിടയിലും എണ്ണയിതര വരുമാന മേഖലകളിൽ 80 ശതമാനം വളർച്ച നേടാൻ ഖത്തറിന് സാധിച്ചു. അടുത്ത അഞ്ച് വർഷത്തിനുള്ളിൽ അടിസ്ഥാന സൗകര്യ വികസനത്തിനും സ്വകാര്യ മേഖലയ്ക്കുമായി 221 ബില്യൺ റിയാലിന്റെ നിക്ഷേപ പദ്ധതികളാണ് രാജ്യം ലക്ഷ്യമിടുന്നത്.ഖത്തറിന്റെ പരമാധികാരത്തിന്മേലുണ്ടായ ലംഘനങ്ങളെയും ആക്രമണങ്ങളെയും സായുധ സേന ശക്തമായി പ്രതിരോധിച്ചു. നയതന്ത്ര പരിഹാരങ്ങൾക്കും ചർച്ചകൾക്കുമാണ് ഖത്തർ മുൻഗണന നൽകുന്നതെങ്കിലും രാജ്യത്തിന്റെ പരമാധികാര സംരക്ഷണത്തിൽ യാതൊരു വിട്ടുവീഴ്ചയും ഉണ്ടാകില്ല.ഗൾഫ് സഹകരണ കൗൺസിൽ (GCC) രാജ്യങ്ങളുടെ സുരക്ഷയും സ്ഥിരതയും പരസ്പരബന്ധിതമാണ്. ഹോർമുസ് සමുദ്രസന്ധിയും പ്രധാന ഊർജ്ജ-ജല നിലയങ്ങളും സംരക്ഷിക്കേണ്ടത് മേഖലയുടെ പൊതുവായ ആവശ്യമാണ്.ഉന്നത വിദ്യാഭ്യാസ രംഗത്തെ വികസനം, അറബി ഭാഷയുടെയും ദേശീയ വ്യക്തിത്വത്തിന്റെയും സംരക്ഷണം, വികലാംഗരുടെ ക്ഷേമം എന്നിവയ്ക്ക് ഊന്നൽ നൽകും. പൊതുഭരണ വകുപ്പുകളിൽ 360-ലധികം പുതിയ ഡിജിറ്റൽ സേവനങ്ങൾ ലഭ്യമാക്കിയിട്ടുണ്ട്.ഗാസയിൽ നടക്കുന്ന വംശഹത്യ ഉടൻ അവസാനിപ്പിക്കണമെന്നും ഫലസ്തീൻ ജനതയ്ക്കുമേലുള്ള അതിക്രമങ്ങൾക്ക് പിന്നിൽ പ്രവർത്തിച്ചവർ ശിക്ഷിക്കപ്പെടണമെന്നും അമീർ ആവശ്യപ്പെട്ടു. സുഡാൻ, ലിബിയ, യമൻ, സൊമാലിയ എന്നിവിടങ്ങളിലെ പ്രശ്നങ്ങൾ രാഷ്ട്രീയ ചർച്ചകളിലൂടെ പരിഹരിക്കണമെന്ന ഖത്തറിന്റെ നിലപാട് അമീർ ആവർത്തിച്ചു.
​ചടങ്ങിൽ അമീറിന്റെ വ്യക്തിഗത പ്രതിനിധി ശൈഖ് ജാസിം ബിൻ ഹമദ് അൽ താനി, പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൾറഹ്മാൻ ബിൻ ജാസിം അൽ താനി, മറ്റ് പ്രമുഖ നേതാക്കൾ, വിവിധ രാജ്യങ്ങളുടെ നയതന്ത്ര പ്രതിനിധികൾ എന്നിവർ പങ്കെടുത്തു.