ദോഹ: ഖലീഫ ഇന്റർനാഷണൽ സ്റ്റേഡിയത്തിൽ ശനിയാഴ്ച നടക്കുന്ന അമീർ കപ്പ് കിരീടത്തിനായി അൽ റയ്യാനും അൽ ഗറാഫയും
തമ്മിലുള്ള പോരാട്ടം കനക്കും.44,828 സീറ്റുകളുള്ള വേദിയിൽ നിറഞ്ഞു കവിയുമെന്ന് പ്രതീക്ഷിക്കുന്നു, മെയ് 19 ന് ആരംഭിച്ച ടിക്കറ്റ് വിൽപ്പനയ്ക്ക് മികച്ച പ്രതികരണമാണ് ലഭിച്ചതെന്ന്ഖത്തർ ഫുട്ബോൾ അസോസിയേഷൻ (ക്യുഎഫ്എ) പ്രതിനിധി അലി അൽ-സലാത്ത് ഇന്നലെ ഖലീഫ ഇന്റർനാഷണൽ സ്റ്റേഡിയത്തിൽ നടന്ന പത്രസമ്മേളനത്തിൽ പറഞ്ഞു.മൊത്തം ടിക്കറ്റുകളുടെ എഴുപത്തിയഞ്ച് ശതമാനവും ഇതിനകം വിറ്റുകഴിഞ്ഞു,” അദ്ദേഹം പറഞ്ഞു, ആരാധകർക്ക് ആകർഷകമായ നിരവധി സമ്മാനങ്ങൾ ലഭ്യമാകുമെന്ന് കൂട്ടിച്ചേർത്തു.50 ഖത്തർ റിയാൽ, 30 ഖത്തർ റിയാൽ, 10 ഖത്തർ റിയാൽ എന്നിങ്ങനെയാണ് ടിക്കറ്റുകളുടെ വില, ഓരോ വ്യക്തിക്കും പത്ത് ടിക്കറ്റുകൾ വരെയാണ് വാങ്ങാൻകഴിയുക.
കാർ റാഫിൾ ഉൾപ്പെടെ 500,000 ഖത്തർ റിയാൽ വിലമതിക്കുന്ന സമ്മാനങ്ങൾ ആരാധകർക്ക് വാഗ്ദാനം ചെയ്യും. കൂടാതെ, ഫാൻ സോണിൽ വൈവിധ്യമാർന്ന പരിപാടികളുണ്ടാകുമെന്നും അൽ-സലാത്ത് പറഞ്ഞു.
