കഴിഞ്ഞ വർഷം മലയാളത്തിൽ പുറത്തിറങ്ങി വിവാദങ്ങൾ സൃഷിട്ടിച്ച് വമ്പൻ വിജയമായ ചിത്രമാണ് ‘മാർക്കോ’. ഹനീഫ് അദേനി സംവിധാനം ചെയ്ത്, ഉണ്ണിമുകുന്ദൻ നായകനായ ഈ ചിത്രം വളരെ അക്രമാസക്തമായ ദൃശ്യങ്ങളോടുകൂടിയാണ് പുറത്തിറങ്ങിയത്. ഈ ചിത്രം 100 കോടിയിലധികം കളക്ഷൻ നേടിയതിനെ തുടർന്ന് 'മാർക്കോ' രണ്ടാം ഭാഗം പ്രഖ്യാപിച്ചെങ്കിലും ഇതുവരെ ചിത്രത്തിന്റെ ചിത്രീകരണം ആരംഭിച്ചിട്ടില്ല. ഈ സാഹചര്യത്തിലാണ് ഹനീഫ് അദേനി അടുത്ത് ഒരു തെലുങ്ക് സിനിമയാണ് സംവിധാനം ചെയ്യാൻ പോകുന്നത് എന്നുള്ള വാർത്ത പുറത്തുവന്നിരിക്കുന്നത്. തെലുങ്കിലെ പ്രശസ്ത നിർമ്മാതാവായ ദിൽ രാജു നിർമ്മിക്കുന്ന ചിത്രമാണത്രെ ഹനീഫ് അദേനി സംവിധാനം ചെയ്യുന്നത്. ആദ്യം അജിത്തിനെ നായകനാക്കി ഒരു ചിത്രം ഒരുക്കുവാൻ ദിൽ രാജു ശ്രമിച്ചിരുന്നു. എന്നാൽ ഈ പ്രോജെക്റ്റിന് അജിത്ത് പക്ഷത്തിൽ നിന്നും കൃത്യമായ പ്രതികരണം ലഭിക്കാത്തതിനാൽ ഇപ്പോൾ തെലുങ്കിലെ പ്രശസ്ത നടന്മാരിൽ ഒരാളായ ബാലകൃഷ്ണയെ നായകനാക്കിയാണ് ചിത്രം ഒരുക്കുന്നതെന്നും, ഈ ചിത്രമാണ് ഹനീഫ് അദേനി സംവിധാനം ചെയ്യാൻ പോകുന്നത് എന്നാണ് പറയപ്പെടുന്നത്. എന്നാൽ ഇത് സംബന്ധമായുള്ള യാതൊരു ഔദ്യോഗിക വിവരവും ഇതുവരെ പുറത്തുവന്നിട്ടില്ല.
Photo Courtesy - Google
