നടൻ മിക്ക് റൂർക്കിനെതിരെ ഗുരുതര ആരോപണങ്ങളുയർത്തി ഹോളിവുഡ് നടി ബെല്ലാ തോൺ രംഗത്ത്. നടൻ തന്നെ ക്രൂരമായ പീഡനങ്ങൾക്കിരയാക്കി എന്നാണ് നടിയുടെ ആരോപണം. കാറോടിക്കവെ തന്റെ ശരീരത്തിൽ നടൻ തെളി തെറിപ്പിച്ചു എന്നതു മുതൽ തന്നെ ലൈംഗികമായി ഉപദ്രവിച്ചെന്ന് വരെയുള്ള ആരോപണങ്ങളാണ് നടി ഉയർത്തുന്നത്.
'ഗേൾ' എന്ന സിനിമയിലെ ഒരു രംഗം ചിത്രീകരിക്കുന്നതിനിടെ മിക്ക് റൂർക്ക് തന്നെ ലൈംഗികമായി ഉപദ്രവിച്ചു എന്നാണ് നടി ഇൻസ്റ്റഗ്രാം സ്റ്റോറിയിലൂടെ വെളിപ്പെടുത്തിയത്. കൈകൾ ബന്ധിച്ച് മുട്ടിൽ നിൽക്കുന്ന കഥാപാത്രത്തെ അവതരിപ്പിക്കുകയായിരുന്നു ബെല്ല. ഈ സമയം, ലോഹ ഗ്രൈൻഡർ ഉപയോഗിച്ച് കാൽമുട്ടിൽ പ്രഹരിക്കുന്ന ഒരു രംഗമുണ്ടായിരുന്നു. എന്നാൽ മിക്ക് റൂർക്ക് ജീൻസിന് മുകളിലൂടെ ഈ ഉപകരണം തന്റെ ജനനേന്ദ്രിയത്തിൽ ആവർത്തിച്ച് ഉപയോഗിച്ചെന്നും ഇത് കാരണം പെൽവിക് അസ്ഥിയിൽ ചതവുണ്ടായെന്നും നടി പറയുന്നു.
അതേസമയം, ബെല്ല തോണിന്റെ ആരോപണങ്ങൾ നിഷേധിച്ച് മിക്ക് റൂർക്കിന്റെ പ്രതിനിധികൾ രംഗത്തെത്തിയിട്ടുണ്ട്.
