01:42am 28 July 2026
NEWS
കോന്നിയിൽ സ്വകാര്യ ബസുകൾ കൂട്ടിയിടിച്ച് അപകടം; വിദ്യാർഥികളടക്കം നിരവധിപ്പേർക്ക് പരിക്ക്
27/07/2026 12:26 PM IST
ചെറുകര സണ്ണിലൂക്കോസ്
കോന്നി അട്ടച്ചാക്കലില് സ്വകാര്യ ബസുകള് കൂട്ടിയിടിച്ചുണ്ടായ അപകടത്തിൽ നിരവധിപ്പേർക്ക് പരിക്ക്.
സ്കൂൾ കുട്ടികളടക്കം ഇരു ബസുകളിലായി ഉണ്ടായിരുന്ന നിരവധി യാത്രക്കാർക്കാണ് അപകടത്തിൽ പരിക്കേറ്റത്.
ഇന്ന് രാവിലെ ഏഴേമുക്കാലോടെയാണ് സംഭവം.
പരിക്കേറ്റ ആളുകളെ പ്രദേശവാസികൾ ചേർന്ന് കോന്നി താലൂക്ക് ആശുപത്രി, കോന്നി മെഡിക്കല് കോളേജ് ആശുപത്രി എന്നിവിടങ്ങളിലേക്ക് മാറ്റി.
കോന്നിയിൽ നിന്ന് പത്തനംതിട്ടയിലേക്കും പത്തനംതിട്ടയിൽ നിന്ന് കോന്നിയിലേക്കും പോകുകയായിരുന്ന ബസുകൾ തമ്മിലാണ് കൂട്ടിയിടിച്ചത്.
അപകടകാരണം എന്താണെന്നത് വ്യക്തമല്ല.
അപകടത്തിൽ ഇരു ബസിന്റെയും ഡ്രൈവർമാർക്ക് ഗുരുതരമായി പരിക്കേറ്റു.
ഇരുവരേയും ആശുപത്രിയിൽ പ്രവേശിപ്പിച്ചിട്ടുണ്ട്.
Photo Courtesy - Google
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Pathanamthitta
