കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) വിമൻസ് സ്റ്റഡീസ് സെന്റർ, മികച്ച ജേണലുകളിൽ പ്രബന്ധങ്ങൾ തയ്യാറാക്കുന്നതിനായി യുവ ഗവേഷകർ, അധ്യാപകർ, ബിരുദാനന്തര ബിരുദ വിദ്യാർഥികൾ എന്നിവർക്കുള്ള പരിശീലനം ലക്ഷ്യമിട്ട് ഫെബ്രുവരി 4-ന് അക്കാദമിക രചന ശില്പശാല സംഘടിപ്പിക്കുന്നു. നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി (എൻ. ഐ. ടി) തിരുച്ചിറപ്പള്ളിയിലെ ഇംഗ്ലീഷ് വിഭാഗം അധ്യാപിക ഡോ. വി. കെ. കാർത്തിക ശില്പശാലയ്ക്ക് നേതൃത്വം നൽകും. രാവിലെ 10 മണിക്ക് കുസാറ്റ് സ്റ്റുഡന്റ് അമിനിറ്റി സെന്ററിലെ വിമൻസ് സ്റ്റഡീസ് സെന്റർ ഓഡിറ്റോറിയത്തിലാണ് പരിപാടി. സാമൂഹ്യശാസ്ത്രം, ഭാഷ, സാഹിത്യം, സ്ത്രീപഠനം തുടങ്ങിയ വിഷയങ്ങളിലെ സ്കോപ്പസ് ഇൻഡക്സ്ഡ് ജേണലുകൾ ശില്പശാലയിൽ പരിചയപ്പെടുത്തും.
രജിസ്ട്രേഷൻ വിവരങ്ങൾക്കായി കുസാറ്റ് വെബ്സൈറ്റ് സന്ദർശിക്കുക: www.cusat.ac.in/news, ഫോൺ: 8547144644.
