ദയ എന്ന പെൺകുട്ടി നാടകം അവതരിപ്പിച്ച വിദ്യോദയ സ്കൂൾ വിദ്യാർത്ഥികൾക്ക് കൗൺസിലർ കെ വി പി കൃഷ്ണകുമാറും ഫാ. അനിൽ ഫിലിപ് സി.എം.ഐ. യും ചേർന്ന് മൊമെന്റോ നൽകുന്നു. സമീപം ഡി.ബി ബിനു, ഡോ . പി ശ്രീകുമാർ, ഗീത രാജീവ്, രേഖ ടി. എന്നിവർ
കൊച്ചി : വിദ്യോദയ സ്കൂൾ, തേവക്കൽ, ചാവറ കൾച്ചറൽ സെന്ററിന്റെ സഹകരണത്തോടെ, മലയാളത്തിന്റെ മഹാപ്രതിഭ എം ടി വാസുദേവൻ നായരുടെ പ്രശസ്ത കഥയെ ആസ്പദമാക്കി 'ദയ എന്ന പെൺകുട്ടി' നാടകം അവതരിപ്പിചു. സ്കൂളിന്റെ തീയറ്റർ വിഭാഗമായ ദൃശ്യഭേരി, 130 കുട്ടികളെ ഉൾപ്പെടുത്തിയാണ് ഈ നാടകം അവതരിപ്പിച്ച ത്. എറണാകുളം ജില്ല ഉപഭോക്തൃ തർക്ക പരിഹാര കമ്മീഷൻ പ്രസിഡണ്ട് ശ്രീ ഡി ബി ബിനു വിശിഷ്ടാതിഥി യായിരുന്നു.കലകൾ; കുട്ടികളിൽ നിർണ്ണായക സ്വാധീനം ചെലുത്തുമെന്നും പഠനത്തോടൊപ്പം കലാസാംസ്ക്കാരിക സാഹിത്യ പ്രവർത്തനങ്ങളും വിദ്യാർത്ഥികൾക്ക് ഏറെ പ്രയോജനകര വുമാണെന്നു ഡി.ബി.ബിനു അഭിപ്രായപ്പെട്ടു. ചാവറ കൾച്ചറൽ സെന്റർ ഡയറക്ടർ ഫാ. അനിൽ ഫിലിപ്പ് സി.എം.ഐ., ഡോ .പി ശ്രീകുമാർ , പ്രിൻസിപ്പൽ ഗീത രാജീവ് , വൈസ് പ്രിൻസിപ്പൽ രേഖ ടി, രമ കെ നായർ എന്നിവർ പ്രസംഗിച്ചു.
Photo Courtesy - Google
