ദോഹ: എം.ഇ.എസ് ഇന്ത്യൻ സ്കൂൾ അബു ഹമൂർ ബ്രാഞ്ചിലെ (MESIS) 2026 ബാച്ച് വിദ്യാർത്ഥികൾക്കായി സ്കൂൾ മൾട്ടി പർപ്പസ് ഹാളിൽ പ്രൗഢഗംഭീരമായ യാത്രയയപ്പ് ചടങ്ങ് സംഘടിപ്പിച്ചു. “MESIS Prodigies” എന്ന് പേരിൽ നടന്ന ചടങ്ങ് “MESIS Airways” എന്ന വേറിട്ട പ്രമേയത്തിലാണ് (Theme) ഒരുക്കിയത്. സ്കൂളിലെ പഠനകാലം ഒരു റൺവേയായും, വിദ്യാർത്ഥികൾ പുതിയ ജീവിതയാത്രയിലേക്ക് പറന്നുയരുന്ന യാത്രക്കാരായും സങ്കൽപ്പിച്ചുകൊണ്ടുള്ളതായിരുന്നു ഈ സർഗ്ഗാത്മക പ്രമേയം. 95 വിദ്യാർത്ഥികളാണ് ഈ വർഷം സ്കൂളിൽ നിന്നും പടിയിറങ്ങിയത്.ചടങ്ങിൽ ചീഫ് ഗസ്റ്റ് കാഷിഫ് ജലീൽ (സീനിയർ വൈസ് പ്രസിഡന്റ്), ഹാഷിം എൻ.എം (ഡയറക്ടർ - ഫിനാൻസ്), സജീബ് ബിൻ അബൂട്ടി (ഡയറക്ടർ - മിനിസ്ട്രി & പബ്ലിക് റിലേഷൻസ്), ഫൈസൽ മായൻ (ഡയറക്ടർ - ട്രാൻസ്പോർട്ട്), നജീബ് എം.എ (ഡയറക്ടർ - ക്യാമ്പസ് കെയർ), ഷഹീദ് അലുങ്ങത്ത് (ഡയറക്ടർ - മോറൽ എഡ്യൂക്കേഷൻ), അഷ്‌റഫ് (എം.ഡി - ബ്രില്ല്യന്റ് എഡ്യൂക്കേഷൻ), ഡോ. ഹമീദ ഖാദർ (പ്രിൻസിപ്പൽ, എം.ഇ.എസ് ദോഹ) എന്നിവരും മറ്റ് സ്കൂൾ അധികൃതരും പങ്കെടുത്തു.വിവിധ മേഖലകളിൽ മികവ് തെളിയിച്ച വിദ്യാർത്ഥികൾക്ക് ചടങ്ങിൽ പുരസ്കാരങ്ങൾ നൽകി ആദരിച്ചു.സ്കൂൾ പ്രിൻസിപ്പൽ പ്രമീള കണ്ണൻ വിദ്യാർത്ഥികൾക്ക് ആശംസകൾ നേർന്നു. പഠിച്ചുവളർന്ന മൂല്യങ്ങൾ ജീവിതത്തിലുടനീളം കാത്തുസൂക്ഷിക്കണമെന്ന് അവർ വിദ്യാർത്ഥികളെ ഓർമ്മിപ്പിച്ചു. ഹെഡ് ഗേൾ മിഷേൽ ജോവാന മാർട്ടിൻ സ്വാഗതവും ഹെഡ് ബോയ് പ്രഗദേഷ് ഗൗതം നന്ദിയും പറഞ്ഞു.വിദ്യാർത്ഥികളുടെ കലാപരിപാടികൾ ചടങ്ങിന് മാറ്റുകൂട്ടി.
