തൃശൂര്: 2024ലെ ഐവറി പുരസ്കാരത്തിന് ഗായിക കെ എസ് ചിത്രയെ തെരഞ്ഞെടുത്തു. 50,000 രൂപയും ശില്പ്പി ഷാന് കെ ആര് രൂപകല്പ്പന ചെയ്ത കരിങ്കല്ശില്പ്പവും ചേര്ന്നതാണ് അവാര്ഡ്.ഈ വരുന്ന 2025 പെരുവനം അന്താരാഷ്ട്ര ഗ്രാമോത്സവത്തില്വെച്ച് അവാര്ഡ് സമ്മാനിക്കും. ഇതോടൊപ്പം നല്കി വരുന്ന ഐവറി ബുക്സ് എം.എന്. വിജയന് പുരസ്കാരം (25,000 രൂപവും കരിങ്കല്ശില്പ്പവും) 2024ന് തൃശൂര് ആസ്ഥാനമായി പ്രവര്ത്തിക്കുന്ന ജാഗ്രതയുടെ കേരളീയം എന്ന സംഘടനയേയും ഐവറി ബുക്സ് സുകുമാര് അഴീക്കോട് പുരസ്കാരം 2024ത്തിന് (25,000 രൂപയും കരിങ്കല് ശില്പ്പവും) കറുത്തവര്ഗ്ഗക്കാരുടെ ഇടയില് നിന്നും ജീവിതത്തിന്റെ കടുത്ത യാഥാര്ത്ഥ്യങ്ങളിലൂടെ കടന്നുവന്ന യുണൈറ്റഡ് നേഷന്സ് വനിതാ അംബാസിഡറായ എവിറ്റെ എലിസബത്ത് സ്റ്റീവണ്സണും (ജനീവ) അര്ഹയായി. അവരുടെ പ്രസിദ്ധമായ ആത്മകഥയാണ് ബ്രേക്കിംഗ് ഓപ്പണ് ബാരിയേഴ്സ്.
കലാസാംസ്കാരിക മാധ്യമ രംഗങ്ങളില് തനതായ വ്യക്തിമുദ്ര പതിപ്പിച്ചിട്ടുള്ള വ്യക്തികള്ക്കോ ആക്ടിവിസ്റ്റ് സംഘടനകള്ക്കോ ആണ് ഐവറി പുരസ്കാരങ്ങള് നല്കി വരുന്നത്.2022ല് ആദിവാസി ക്ഷേമപ്രവര്ത്തനങ്ങള് കണക്കിലെടുത്ത് ദയാബായിക്കും 2023ല് നടനകലയിലും സാംസ്കാരിക പ്രവര്ത്തനത്തിലും തനതായ വ്യക്തിമുദ്ര പതിപ്പിച്ചതിന് മല്ലികാസാരഭായിക്കുമായിരുന്നു ഐവറി പുരസ്കാരങ്ങള് നല്കിയത്.
Photo Courtesy - Google
