​തിരുവനന്തപുരം: സർക്കാർ ആശുപത്രികളിലേക്കുള്ള മരുന്നു വാങ്ങലിൽ വൻ തട്ടിപ്പ് കണ്ടെത്തി ആരോഗ്യവകുപ്പ്. കേരള മെഡിക്കൽ സർവീസസ് കോർപ്പറേഷൻ (KMSCL) വഴി കഴിഞ്ഞ വർഷം ഉയർന്ന വിലയ്ക്ക് മരുന്നു വാങ്ങിയതിലൂടെ 190 കോടി രൂപയുടെ അധിക ചെലവാണ് ഉണ്ടായത്. ഇടനിലക്കാരുടെ സ്വാധീനത്താൽ ഉയർന്ന വില നൽകി മരുന്നുകൾ വാങ്ങുന്ന രീതിക്കെതിരെ ആരോഗ്യ മന്ത്രി കെ. മുരളീധരൻ കർശന നടപടി സ്വീകരിച്ചു.
​ 772 കോടി രൂപയ്ക്ക് ലഭിക്കുമായിരുന്ന മരുന്നുകൾ 962 കോടി രൂപയ്ക്കാണ് KMSCL വാങ്ങിയത്. ഇതിലൂടെ 190 കോടി രൂപ അധികമായി നൽകി.
​ തിരുവനന്തപുരം മെഡിക്കൽ കോളേജിലെ ഇൻഹൗസ് ഡ്രഗ് ബാങ്ക് (IHDB) കുറഞ്ഞ വിലയ്ക്ക് മരുന്നുകൾ വാങ്ങുന്നതായി കണ്ടെത്തി. ഇതേ മാതൃക പിന്തുടരാൻ മന്ത്രി നിർദ്ദേശം നൽകിയതോടെ ഇനി മുതൽ 20 മുതൽ 25 ശതമാനം വരെ വിലക്കുറവിൽ മരുന്നുകൾ ലഭിക്കും.
​ ബിൽ തുകയുടെ 10% മുതൽ കമ്മീഷനായി ഇടനിലക്കാരിലേക്ക് എത്തുന്നുണ്ടെന്ന വിവരത്തിന്റെ അടിസ്ഥാനത്തിലാണ് ഉദ്യോഗസ്ഥതലത്തിലെ എതിർപ്പുകൾ മറികടന്ന് മന്ത്രി കർശന നടപടി എടുത്തത്.
​പ്രധാന മരുന്നുകളുടെ വില താരതമ്യം (KMSCL vs IHDB)മരുന്നിന്റെ പേര്KMSCL വില (രൂപയിൽ)IHDB വില (രൂപയിൽ)
ടിജിസൈക്ക്ലിൻ (ആന്റിബയോട്ടിക്)1008.00179.39
ഇമ്മ്യൂണോഗ്ലോബുലിൻ7717.526500.00
എച്ച്.എം.ജി 75എം.ജി997.50311.28
ആൽബുമിൻ 20% . 50എം.എൽ4252.503500.00
ലിപ്പോസോമൽ ആംഫോട്ടെറിസിൻ ബി 50എം.ജി1088.84844.00​

"ജനങ്ങൾക്ക് നിലവാരമുള്ള മരുന്നുകൾ ലഭ്യമാക്കുന്നതിനുള്ള സമഗ്രമായ പൊളിച്ചെഴുത്താണ് കെ.എം.എസ്.സി.എല്ലിൽ നടക്കുന്നത്. അതിന്റെ മാറ്റം വരും നാളുകളിൽ പ്രകടമാകും."
— ആരോഗ്യ മന്ത്രി