11:33pm 26 September 2026
NEWS
ഓപ്പറേഷന് തൂഫാന് ഇതുവരെ അറസ്റ്റിലായത് 12509 പേര് ഏറ്റവും കൂടുതൽ മലപ്പുറം ജില്ലയില്
26/09/2026 06:52 PM IST
മൈക്കിൾ വർഗ്ഗീസ് ചെങ്ങാടക്കരി
ഓപ്പറേഷന് തൂഫാന്റെ ഭാഗമായി നടത്തിയ പരിശോധനയില് സംസ്ഥാനത്തിന്റെ വിവിധ ഭാഗങ്ങളില് നിന്നും ഇതുവരെ 12509 പേരെ അറസ്റ്റ് ചെയ്തു. കഴിഞ്ഞ ദിവസം, 55 കേസുകളിലായി 60 പേര് കൂടി അറസ്റ്റിലായതോടെ ഓപ്പറേഷന് തൂഫാന്റെ ഭാഗമായി എടുത്ത കേസുകളുടെ എണ്ണം 11610 ആയി. ഏറ്റവും കൂടുതല് പേര് അറസ്റ്റിലായത് മലപ്പുറത്ത് നിന്നുമാണ്. 1267 പേർ. രണ്ടാം സ്ഥാനത്ത് കോഴിക്കോട് സിറ്റിയാണ്. കൊച്ചി സിറ്റിയും കോട്ടയവുമാണ് തൊട്ടടുത്ത സ്ഥാനങ്ങളില്. കണ്ണൂര് റൂറല് ജില്ലയില് നിന്നാണ് ഏറ്റവും കുറവ് അറസ്റ്റ് നടന്നിട്ടുള്ളത്. 181 പേര്.
ഏറ്റവും കൂടുതല് കേസുകള് രജിസ്റ്റര് ചെയ്തത് കോഴിക്കോട് സിറ്റിയിലാണ്. രണ്ടാം സ്ഥാനത്ത് മലപ്പുറം ജില്ലയാണ്. കോട്ടയം ജില്ലയാണ് മൂന്നാം സ്ഥാനത്ത്. പാലക്കാടും കൊച്ചി സിറ്റിയുമാണ് തൊട്ടടുത്ത സ്ഥാനങ്ങളില്. ഏറ്റവും കുറവ് കേസുകള് രജിസ്റ്റര് ചെയ്തത് കണ്ണൂര് റൂറല് ജില്ലയിലാണ്. 176 കേസുകള്.ഓപ്പറേഷൻ തൂഫാന്റെ ഭാഗമായി.ഇതുവരെ 24355.602 ഗ്രാം എം.ഡി.എം.എയും 1544.586 കി.ഗ്രാം കഞ്ചാവും 444.160 ഗ്രാം ചരസും 10324 കഞ്ചാവ് ചെടികളും പിടിച്ചെടുത്തിട്ടുണ്ട്.
കഴിഞ്ഞ ദിവസം രജിസ്റ്റര് ചെയ്ത കേസുകളില് സ്മാള് ക്വാണ്ടിറ്റി കൈവശം വച്ചതിന് 19 കേസുകളും മീഡിയം ക്വാണ്ടിറ്റി കൈവശം വച്ചതിന് മൂന്ന് കേസുകളും കൊമേര്ഷ്യല് ക്വാണ്ടിറ്റി കൈവശം വച്ചതിന് ഒരു കേസും 27 എന്.ഡി.പി.എസ് ആക്ട് പ്രകാരം 32 കേസുകളും കോട്പ പ്രകാരം 26 കേസുകളും രജിസ്റ്റര് ചെയ്തിട്ടുണ്ട്. ഇവരില് നിന്ന് 108.660 ഗ്രാം എം.ഡി.എം.എയും 8.303 കി.ഗ്രാം കഞ്ചാവും 2.5 ഗ്രാം ചരസും 1600 കഞ്ചാവ് ചെടികളും പിടിച്ചെടുത്തിട്ടുണ്ട്.
ഓപ്പറേഷന് തൂഫാന്റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 45 ബോധവത്ക്കരണ ക്ലാസുകള് നടത്തി. ഇതുവരെ നടത്തിയ ആകെ ബോധവത്ക്കരണ ക്ലാസ്സുകളുടെ എണ്ണം 10264 ഉം കൗണ്സിലിങ്ങുകളുടെ എണ്ണം 840 ഉം ആണ്. സ്കൂള്, കോളേജ് പ്രൊട്ടക്ഷന് ഗ്രൂപ്പുകളുടെ നേതൃത്വത്തില് ആകെ 7048 ബോധവത്ക്കരണ പരിപാടികളും നടത്തി.
ലഹരി വിപണനത്തെക്കുറിച്ചുള്ള വിവരങ്ങള് പൊതുജനങ്ങള്ക്ക് നേരിട്ടും (9497979794, 9497927797) വാട്സ്ആപ്പ് (9995966666) മുഖേനയും പോലീസിനെ അറിയിക്കാം. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങള് രഹസ്യമായി സൂക്ഷിക്കും.
Photo Courtesy - Google
ഇവിടെ പോസ്റ്റുചെയ്യുന്ന അഭിപ്രായങ്ങള് കേരളശബ്ദത്തിന്റേതല്ല . അഭിപ്രായങ്ങളുടെ പൂര്ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Ernakulam
