ദോഹ: സൂഖ് വാഖിഫ് മാനേജ്‌മെന്റുമായി സഹകരിച്ച് മുനിസിപ്പാലിറ്റി മന്ത്രാലയംസംഘടി പ്പിക്കുന്ന പത്താമത് പ്രാദേശിക ഈത്തപ്പഴ ഉത്സവത്തിൽ "മികച്ച ഈത്തപ്പഴ ബാസ്‌ക്കറ്റ്" മത്സരവിജയികളെ പ്രഖ്യാപിച്ചു.'ഖലാസ്' ഈത്തപ്പഴ വിഭാഗത്തിൽ ഒന്നാം സ്ഥാനം അബ്ദുൽഹാദി സുലൈമാൻ ഹൈദറിന്റെ ഫാമിന് ലഭിച്ചു. ഖലീൽ മൻസൂർ അൽ ഹജ്‌രിയുടെ ഫാം രണ്ടാം സ്ഥാനവും മൂന്നാം സ്ഥാനം അബ്ദുൽഹമീദ് അൽ അൻസാരിയുടെഫാമിനും ലഭിച്ചു. "ഷിഷി" ഈത്തപ്പഴ വിഭാഗത്തിൽ അലി ഇബ്രാഹിം അൽ മാൽക്കിയുടെ ഫാം ഒന്നാം സ്ഥാനവും, യൂസഫ് അഹമ്മദ് അൽ താഹറിന്റെ ഫാം രണ്ടാം സ്ഥാനവും ഷെയ്ഖ് നാസർ ബിൻ ജാസിം അൽ-താനിയുടെ ഫാം മൂന്നാം സ്ഥാനവും നേടി.
ഖത്തറിലെ പ്രധാന വേനൽക്കാല പരിപാടികളിലൊന്നായ ലോക്കൽ ഈത്തപ്പഴ ഉത്സവം കാർഷിക മേഖലയെ പിന്തുണയ്ക്കുന്നതിൽ നിർണായക പങ്ക് വഹിക്കുന്നു. ഉയർന്ന നിലവാരമുള്ള വിളകൾ ഉൽപ്പാദിപ്പിക്കുന്നതിനും ദേശീയ സമ്പദ്‌വ്യവസ്ഥയ്ക്ക് സംഭാവന നൽകുന്നതിനും പ്രാദേശിക കർഷകരെ പ്രോത്സാഹിപ്പിക്കുന്നpതിനൊപ്പം, ഭക്ഷ്യസുരക്ഷയ്ക്കുള്ള രാജ്യത്തിന്റെ പ്രതിബദ്ധത യെ അടയാളപെടുത്തുന്നു.
ഫെസ്റ്റിവൽ ആരംഭിച്ചതിനുശേഷം, ഈത്തപ്പഴത്തിന്റെ ആകെ വിൽപ്പന 115,300 കിലോഗ്രാം കവിഞ്ഞു. ഇതിൽ 49,045 കിലോഗ്രാംo ഖലാസ് ഈത്തപ്പഴം, 24,218 കിലോഗ്രാം ഷിഷി ഈത്തപ്പഴം, 22,859 കിലോഗ്രാം ഖുനൈസി ഈത്തപ്പഴം, 10,912 കിലോഗ്രാം ബർഹി ഈത്തപ്പഴം, 8,232 കിലോഗ്രാം മറ്റ് വിവിധ ഇനങ്ങൾ എന്നിവ ഉൾപ്പെടുന്നു. കൂടാതെ, ഏകദേശം 1,423 കിലോഗ്രാം പഴങ്ങൾ വിജയകരമായിp വിപണനം ചെയ്യപ്പെട്ടു, ഇത് പ്രാദേശിക ഉൽ‌പന്നങ്ങൾക്കായുള്ള വർദ്ധിച്ചുവരുന്ന ആവശ്യകതയെ പ്രതിഫലിപ്പിക്കുന്നു.സൂഖ് വാഖിഫിന്റെ കിഴക്കൻ സ്ക്വയറിൽ നടക്കുന്ന ഈത്തപ്പഴമേളയിൽ ഇതുവരെയായി എത്തിയത് 58,400 പരം സന്ദർശകരാണ്.ഓഗസ്റ്റ് 7 ന് സമാപിക്കുന്ന ഈത്തപ്പഴമേളയിൽ 
പ്രവൃത്തി ദിവസങ്ങളിൽ വൈകുന്നേരം 4:00 മുതൽ രാത്രി 9:00 വരെയും വെള്ളി, ശനി ദിവസങ്ങളിൽ രാത്രി 10:00 വരെയുമാണ് പ്രവേശനസമയം.