കൊച്ചി: എറണാകുളം ലൂർദ് ആശുപത്രിയിൽ ലോക ക്ഷയരോഗ ദിനത്തോടനുബന്ധിച്ച് ബോധവൽക്കരണ ക്ലാസ് സംഘടിപ്പിച്ചു. ലൂർദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് അസ്സോസിയേറ്റ് ഡയറക്ടർ ഫാ. വിമൽ ഫ്രാൻസിസ് ഉദ്ഘാടനം ചെയ്തു. ലൂർദ് ആശുപത്രി ഇൻഫെക്ഷൻ കൺട്രോൾ ഡോക്ടറും മൈക്രോബിയളോജിസ്റ്റുമായ ഡോ. രഞ്ജിനി ജോസഫ് ക്ഷയരോഗ ദിന സന്ദേശം നൽകി.ലൂർദ് കോളേജ് ഓഫ് നഴ്സിംഗ് രണ്ടാം വർഷ വിദ്യാർഥികൾ ക്ഷയരോഗത്തിന്റെ ലക്ഷണങ്ങൾ, ചികിത്സാമാർഗങ്ങൾ, രോഗം വ്യാപിക്കുന്ന വിധം, അത്തരം രോഗികളോടൊപ്പം എങ്ങനെ പെരുമാറണം തുടങ്ങിയ വിഷയങ്ങൾ വിശദീകരിച്ചു. തുടർന്ന് ക്ഷയരോഗ പ്രതിരോധ മാർഗങ്ങൾ വിശദമാക്കുന്ന ഫ്ലാഷ് മോബും സ്കിറ്റും പരിപാടിയുടെ ഭാഗമായി അവതരിപ്പിച്ചു. നഴ്സിംഗ് സൂപ്രണ്ട് സി. ഗോൾഡിൻ പീറ്റർ, ശ്രീമതി. സാനിയ ജോസ്, അസോസിയേറ്റ് പ്രൊഫസർ, ലൂർദ് കോളേജ് ഓഫ് നേഴ്സിംഗ് എന്നിവർ പ്രസംഗിച്ചു.
ഫോട്ടോ മാറ്റർ : എറണാകുളം ലൂർദ് ആശുപത്രി സംഘടിപ്പിച്ച ക്ഷയരോഗ ദിനാചരണം ലൂർദ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് അസോസിയേറ്റ് ഡയറക്ടർ ഫാ. വിമൽ ഫ്രാൻസിസ് ഉദ്ഘാടനം ചെയ്യുന്നു. ലൂർദ് കോളേജ് ഓഫ് നേഴ്സിംഗ് അസോസിയേറ്റ് പ്രൊഫസർ ശ്രീമതി. സാനിയ ജോസ്, ഇൻഫെക്ഷൻ കൺട്രോൾ ഡോക്ടറും മൈക്രോബിയളോജിസ്റ്റുമായ ഡോ. രഞ്ജിനി ജോസഫ് നഴ്സിംഗ് സൂപ്രണ്ട് സി. ഗോൾഡിൻ പീറ്റർ എന്നിവർ സമീപം.
