ന്യൂഡൽഹി: ഹൈക്കോടതികൾക്ക് സുപ്രീം കോടതിയുടെ സുപ്രധാന നിർദ്ദേശം.
​ക്രിമിനൽ നിയമങ്ങൾ ദുരുപയോഗം ചെയ്യുന്നത് തടയാൻ ഹൈക്കോടതികൾക്ക് കൂടുതൽ അധികാരം നൽകുന്ന നിർണ്ണായക വിധിയാണ് സുപ്രീം കോടതി പുറപ്പെടുവിച്ചിരിക്കുന്നത്കേസ് റദ്ദാക്കണമെന്ന അപേക്ഷകൾ പരിഗണിക്കുമ്പോൾ കേവലം എഫ്.ഐ.ആറിലെ (FIR) വരികൾ മാത്രം നോക്കാതെ, അതിനു പിന്നിലെ സാഹചര്യങ്ങൾ കൂടി പരിശോധിക്കണമെന്ന് കോടതി വ്യക്തമാക്കി.
​എഫ്.ഐ.ആർ മാത്രം മാനദണ്ഡമല്ല.ഒരു പരാതിയിൽ പറയുന്ന കാര്യങ്ങൾ പ്രഥമദൃഷ്ട്യാ കുറ്റകരമാണോ എന്ന് മാത്രം നോക്കിയാൽ പോരാ. പരാതിക്ക് പിന്നിലെ ലക്ഷ്യവും സാഹചര്യങ്ങളും പരിശോധിക്കാൻ ഹൈക്കോടതികൾക്ക് അധികാരമുണ്ട്.

​വരികൾക്കിടയിലൂടെ വായിക്കുക: അടിസ്ഥാനരഹിതമായ പരാതികൾ തിരിച്ചറിയാൻ "വരികൾക്കിടയിലൂടെ വായിക്കാൻ" (Read between the lines) കോടതികൾ തയ്യാറാകണം.

​അന്വേഷണ രേഖകൾ പരിശോധിക്കാം: എഫ്.ഐ.ആറിന് പുറമെ, അന്വേഷണ വേളയിൽ ശേഖരിച്ച വസ്തുതകളും പരാതിക്ക് മുൻപും ശേഷവുമുള്ള സംഭവവികാസങ്ങളും പരിഗണിക്കാവുന്നതാണ്

​ നിയമനടപടികൾ വ്യക്തികളെ പീഡിപ്പിക്കാനുള്ള ആയുധമാക്കാൻ അനുവദിക്കരുത്.

​സംവിധായകൻ സുജോയ് ഘോഷിനെതിരായ പകർപ്പവകാശ ലംഘനക്കേസ് റദ്ദാക്കിക്കൊണ്ടാണ് ജസ്റ്റിസുമാരായ പി.എസ്. നരസിംഹ, ആരാധെ എന്നിവരടങ്ങിയ ബെഞ്ച് ഈ വിധി പ്രസ്താവിച്ചത്. 'കഹാനി-2' എന്ന സിനിമയുമായി ബന്ധപ്പെട്ട പരാതി വ്യക്തമായ തെളിവുകളില്ലാത്തതാണെന്നും വസ്തുതകൾ മറച്ചുവെച്ചതാണെന്നും കോടതി കണ്ടെത്തി.
​ഈ വിഷയത്തിൽ സുപ്രീം കോടതി മുൻപ് പുറപ്പെടുവിച്ച Mohammad Wajid v. State of U.P. (2023) എന്ന വിധിയിലെ തത്വങ്ങളെ ഒരിക്കൽ കൂടി ഊട്ടിയുറപ്പിക്കുന്നതാണ് പുതിയ തീരുമാനം.