03:53am 28 October 2026
NEWS
ശൂറ കൗൺസിലെ രണ്ട് സ്ഥിരം സമിതികളുടെ വൈസ് ചെയർമാൻമാരെ തിരഞ്ഞെടുത്തു
26/10/2026 09:35 AM IST
nila
ദോഹ : ഖത്തർ ശൂറ കൗൺസിലിന്റെ ആഭ്യന്തര-വിദേശകാര്യ സമിതി, സാമ്പത്തിക-ധനകാര്യ സമിതി എന്നിവയുടെ വൈസ് ചെയർമാൻമാരെ തിരഞ്ഞെടുത്തു. കൗൺസിലിന്റെ അമ്പത്തിമൂന്നാമത് വാർഷിക സമ്മേളനത്തിന്റെ രണ്ടാം സെഷനിലെ ആദ്യ യോഗങ്ങളിലാണ് പുതിയ ഭാരവാഹികളുടെ തിരഞ്ഞെടുപ്പ് നടന്നത്. കൗൺസിലിന്റെ ആഭ്യന്തര നിയമാവലിയിലെ ആർട്ടിക്കിൾ 30 അനുസരിച്ച് ഐക്യകണ്ഠേനയാണ് (തസ്കിയ) വൈസ് ചെയർമാൻമാരെ തിരഞ്ഞെടുത്തത്.
യൂസഫ് ബിൻ അലി അൽ ഖാതറിന്റെ അധ്യക്ഷതയിൽ ചേർന്ന ആഭ്യന്തര-വിദേശകാര്യ സമിതി യോഗത്തിൽ അബ്ദുള്ള ബിൻ അലി അൽ സുലൈത്തിയെ കമ്മിറ്റിയുടെ വൈസ് ചെയർമാനായി തിരഞ്ഞെടുത്തു.
മുഹമ്മദ് ബിൻ യൂസഫ് അൽ മാനെയുടെ അധ്യക്ഷതയിൽ ചേർന്നയോഗത്തിൽ സാമ്പത്തിക-ധനകാര്യ സമിതിഎഞ്ചിനീയർ അഹമ്മദ് ബിൻ ഹിത്മി അൽ ഹിത്മിയെ കമ്മിറ്റിയുടെ വൈസ് ചെയർമാനായും തിരഞ്ഞെടുത്തു.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
