വെൺമണി: വെണ്മണിയുടെ കയ്യൊപ്പ് ' എന്ന പുസ്തകത്തിലൂടെ ജന്മനാടിൻ്റെ പുരാവൃത്തം അനാവരണം ചെയ്ത പ്രൊഫ.ആർ.രാജഗോപാലനെ വെണ്മണിയുടെ സാംസ്കാരിക മേഖലയിലെ പ്രവർത്തകർ ചേർന്ന് ആദരിക്കുന്നു. അധ്യാപകൻ, എഴുത്തുകാരൻ, ഗ്രന്ഥശാലാ പ്രവർത്തകൻ, ജനപ്രതിനിധി, ശാസ്ത്രസാഹിത്യ പ്രചാരകൻ എന്നീ നിലകളിൽ പ്രതിബദ്ധതയോടെ പ്രവർത്തിച്ച് 80 വയസ്സ് പിന്നിട്ട പ്രൊഫ. രാജഗോപാലൻ്റെ അശീതി ആഘോഷം ജൂൺ 7 ഞായറാഴച 9.30 മുതൽ വെണ്മണി മാർത്തോമ്മാ പരിഷ് ഹാളിലാണ് നടത്തുന്നത്. കൊടിക്കുന്നിൽ സുരേഷ് എം.പി,
എം. എൽ.എമാരായ സജി ചെറിയാൻ, പി.പ്രസാദ്, എം' എസ്.അരുൺകുമാർ, മുൻ ഗവർൺ പി.എസ്.ശ്രീധരൻ പിള്ള, ജില്ലാ പഞ്ചായത്ത് പ്രസിഡൻ്റ് എ. മഹേന്ദ്രൻ, കാലിക്കറ്റ് യൂണിവേഴ്സിറ്റി മുൻ പ്രൊ വൈസ് ചാൻസലർ ഡോ.സി.ഗോപാനാഥൻ പിള്ള തുടങ്ങിയവർ സംബന്ധിക്കുന്നതാണ്. പ്രശസ്ത ഗായകൻ മുരളീധർ ഷേണായി അവതരിപ്പിക്കുന്ന ഗാനമാലികയും പ്രൊഫ.രാധാകൃഷണൻ നായരും സംഘവും അവതരിപ്പിക്കുന്ന വഞ്ചിപ്പാട്ടും അനുബന്ധ പരിപാടികളാണ്.
